以為去完朱古力山就已經係guided tour o既尾聲，點知之後仲有好幾個附加景點喎，都有少少小人之腹，驚咁樣加法要再收我o地錢o架，點知費用全免﹗
呢個蝴蝶保護區都好好睇呀，因為有工作人員詳細地同我o地講解~除o左我o地個tour o既一行四人之外，仲有其他自己包車玩o既人，其中仲有兩個香港人添~
工作人員展示俾我o地睇點樣分辨蝴蝶同埋蛾啦，同埋佢o地o既卵、幼蟲、蛹，佢俾大家摸摸D幼蟲，甚至放上手玩o架，不過我唔敢掂佢o地呀﹗
蝴蝶都掙扎o左好耐先夠膽…不過見到人o地咁樣放係胸口影相確實好靚~佢o地有D仲放係頭髮添呀~我襟前o既係一對交配中o既蝴蝶，佢o地要尾巴貼住尾巴十幾個鐘o架(好似好打搞人o地咁…呵呵~)~我要選呢張相為one of my favourite pics of今次o既trip﹗我換o左做blog blog同埋msn o既profile pic啦~
o黎個合照先~
之後去遊覽吊橋，橋o既一邊係一個town，另一邊就係另一個town啦~
雖然有鋼索，但行上去時都「it it」聲，少少驚~要慢慢行o羅~河對岸有好多間souvenir shop，但都唔係好睇得o岩呢~
仲去參觀二百幾公斤重o既大莽蛇﹗條蛇個名叫做pony~
有個同行o既女子居然夠膽入去籠入面同佢影相呀﹗但條蛇而家雖然好平靜o者，但都隨時有獸性o架，太危險了﹗o個度有展示之前條蛇一口食o左一隻豬o既相丫嘛，有一班鬼佬驚歎話條蛇似吸塵機﹗真係好恐怖~
之後導遊connie帶我o地去買「芋頭雪糕」？﹗
其實都唔係好聽得明導遊小姐o既講解，不過呢款「雪糕」的確係尋日食halo-halo上面o個一pat，很美味呢~好似好濃郁o既豆蓉咁~
Bohol島對開都有另一個小島，上面有好多靚resort，導遊connie都帶我o地去o左個島上參觀參觀，其中有一間古老o既聖堂~
入面有呢一口井，叫做「mama mary」(瑪利亞媽媽)井，話說呢個海水包圍o既小島，周圍o既井水都係鹹o既，就只有呢一口井係淡水，而且唔知以前發生咩唔夠食水供應o既時代，就只有呢一口井有源源不絕o既食水供應~
聖母岩
雖然係熱辣辣o既聖誕節，但都充滿聖誕氣氛，我o地影一影聖誕樹先~
後來入去聖堂o既聖物部(？﹗)，入面有一個模型，展示o左各種傳統o既菲律賓房屋~我係o個度買o左張CD呀，係Loboc River兒童合唱團o既CD，聽connie講先知道原來佢o地大有來頭，係好多國際賽事有拎過獎o架~
參加旅行團當然有購物部份啦，我都好樂意o既，因為都想買D紀念品~好在個tour帶我o地去o既souvenir shop有D質素高少少o既tee賣﹗我都好想買D tee做紀念呀，不過就嫌之前小店o個D質素差o左DD，呢度賣得貴D，但質素好D，咁樣仲好啦~
回程lu﹗同導遊小姐影張(手震o既)合照先~多謝你o既服務呀﹗
其實去程時已經有留意到了，係開船前船艙o既電視機播o左一段短片，原來係大家一齊祈禱再出發﹗祈求旅途安全順利﹗很好丫~
我同day見都晏晏地，又約o左司機係碼頭等我o地，接我o地番resort，咁即是冇時間去食飯啦，既然船上面有o野食，咁不如就係船上食啦~環境凍凍地嘛，諗住叫個飯暖暖肚，day話三文治好似好D，於是就各嗌一份share食啦，點知…oh no no﹗嗚哇呀~~~~~~~~~~~好慘呀﹗個飯係…極度細份﹗同埋…凍冰冰o既﹗太差了太差了太差了﹗個三文治好少少，有DD暖，唯一就係蛋o既部份係暖暖地，但都唔係熱o羅~好差勁﹗好憤怒﹗唔得呀﹗完全唔滿意~
所以…
我o地叫司機Rico停低我o地係快餐店買一買外賣番去食﹗食Jolibee都算係觀光之一丫，Jolibee係全菲律賓最鼎盛o既快餐店﹗勁過麥當勞~我o地買o左炸雞、意粉、漢堡包同埋薯條，唔知心情點解咁好，我仲好主動咁話要請Rico飲可樂添…呵呵~因為食Jolibee可以補償一下心理吧？﹗
我o地係我o地沙灘小屋前o既枱椅邊享受晚風，邊享受食物，雖然經過車程之後D食物都凍o左lu~但都好高興o既~此時…
有隻貓貓o黎探訪我o地o既小屋﹗呢隻貓真係好棧鬼﹗佢輕輕溫柔地喵一聲，好似叫我o地分D食物俾佢，佢仲要兩隻前腳合得埋埋的，好斯文咁企係我o地面前喵~好cute﹗後來佢當正係自己屋企咁伏低係地上面瞓﹗真係好可愛丫~
食食下…突然驚覺﹗oops﹗唔記得編埋下星期o既duty list先去旅行添，要用電腦聯絡爸媽姐搵佢o地幫幫手呀~全間resort只有一部上網電腦，就係呢個「康樂室」入面~
既然有人用緊部電腦，我就同day打一場billiard先啦﹗不過我o地兩個都係超級業餘﹗我不斷地「將敵人劈開兩份、四份、八份」…其實係day笑我篤極都篤唔中個波呀﹗哇哈哈哈哈~~~~~~~~~~~~~不過都had fun o既~
整埋晒D o野都夜夜地lu，好在聽日可以瞓晏D o者~
待續
前往其他菲律賓旅遊blog
宿霧的導遊似乎頗有質素，相信這跟國家旅遊局怎樣管理，以及國民的水平有關。早年大陸的導遊也很好，只是改革開放後，負面新聞就愈來愈多。但願香港和內地，早日可以提升導遊的質素，讓旅客安心消費，樂於花費。
[版主回覆01/04/2009 19:28:00]replied
為什麼蝴蝶會乖乖的伏在你心口呢？是下了麻醉葯嗎？但你又說牠們正在交配，又應該不是下了葯吧﹗
相中的芋頭雪糕就是菲律賓著名都芋頭雪糕嗎？跟我們在香港吃的有什麼不同？
開船前祈禱…GOOD喎﹗
[版主回覆01/04/2009 19:30:00]replied
虫虫真的很核突，事實上蝴蝶的頭都很核突!! 這張相真的影得不錯!! 早知叫佢放在你的頭上影張啦! 那CD你有時間聽麼? 都是借給我啦~ 唔!那個凍凍的飯都幾深刻!! 最高紀錄是切開32份!! 哈哈哈!
[版主回覆01/04/2009 19:33:00]replied
Re爹爹:
o個日對於導遊小姐o既印象的確幾好~如果唔係時時要搵機會屈你消費的話，你反而可能會更樂意買下o野~
Re家姐:
我諗應該冇落麻醉藥吧？佢o地正在專心地交配，所以唔會隨便飛走吧~
我都唔知o個D係咪就係芋頭雪糕呀，聽導遊o既講解都唔係好聽得到，但我覺得味道似豆蓉多過似雪糕o羅，冇乜奶味，但味道認真唔錯﹗
祈完禱好似安心D咁~
Re day:
都係o架，遠睇就靚，所以佢o地伏係我身上時我都唔敢望丫﹗佢越爬越上時我個心就卜卜跳﹗諗住要，快D影完，快D影完﹗
one of the best photo﹗但放係頭上我驚驚嘛~
而家聽得最多係我爸﹗因為放o左係佢架車度~好呀，搵次你上o黎我屋企時拎啦~
ooooooo~~~~~~~~~~~成為呢次旅程o既另一經典﹗唔止凍呀，仲勁細﹗不過咁難食，細我都唔係太介意…
哇哈哈哈~~~~~~~~~~有咁誇張麼？你唔好唔記得，我都有唔少「一桿入洞」o架~
"不過咁難食，細我都唔係太介意…"
HAHA…
[版主回覆01/15/2009 21:28:00]replied
蝴蝶交配可能持續這麼久嗎？會不會是人類為賺錢不擇手段，強行固定牠們的姿勢呢？
[版主回覆01/15/2009 21:29:00]replied
Re家姐:
「細」即是變得唔係罪惡了~
Re媽:
介紹o個個人的確係話佢o地交配十二個鐘o架喎，不過我都信o既，生命周期越短o既生物，佢o地花係傳宗接代o既時間比例上就越長~
我地去4日都係住係MACTAN ISLAND~~~ 都好想去一日保和島呀..
你地搭幾點船去呀? 同埋返RESORT果個司機點約架?THX^^
[版主回覆04/23/2009 12:05:00]replied
Re一隻貓:
歡迎你到訪我個blog﹗大家都分享下旅行經驗啦~
我自己都唔記得…睇番D相先知道我係搭八點半o既船去[ 18-12-2008：Bohol島探索探索(Part 1) ]，我o地參加o左船公司o既guided tour，質素都唔錯，你都可以考慮~
因為回程o既船只有三班，咁一定係搭最晏o個班o架啦，所以落車時已經可以講俾司機聽我o地幾點到，咁咪叫佢係碼頭等我o地o羅，佢比我o地更驚接唔到我o地啦~所以應該好可靠~
haha..好開心你肯覆我呀!呢個guided tour係咪可以帶你地周圍去玩呀?total收你地幾錢??同埋最尾班船幾走呀?因為好想留係保和食埋個dinner呀…
吾好意思甘多問題!thx!!
[版主回覆04/24/2009 17:30:00]replied
Re一隻貓:
個tour幾多錢我就唔記得lu…
佢會有架車+導遊，bohol island所有重要o既景點都會行得晒啦，睇眼鏡猴、chocolate hills、loboc river、man-made forest、吊橋、血盟之地、教堂…仲有D唔知道會去o既地方，好似butterfly sanctuary、大蠎蛇、對開o既小島、紀念品店…全日都幾充實﹗包loboc river遊船河時o既自助午餐~最好o既係，一開頭收o左你錢之後就唔再收你錢，唔會做水魚~
最後會搭六點幾o既船回程，因為行程太緊密，所以唔會有自由時間俾你食晚飯，我o地都係番到去cebu city，叫的士司機放低我o地去買jolibee快餐番酒店食咋~
多謝你呀. 你D意見都好有用!
另外請教你多一樣野. 我地會搭凌晨機, 所以凌晨3點幾就會到CEBU架啦.
到時RESORT又未CHECK IN得….又拿住行李…可以去邊度好?
[版主回覆04/24/2009 23:24:00]replied
Re一隻貓:
咦，咁反而你應該第一日去bohol island喎~機場係mactan island，去酒店都好近，大約15-20分鐘車程~你可以放低行李係reception，o個一朝就去bohol~
因為去bohol一定要好早起身，八點幾係cebu city開船嘛~咁你凌晨去到，反正都起o左身咯，就直情o個日去唔係幾好咩？而且時間都應該鬆動o既~
其實我都有諗過第一日就去. 既然你都甘講. 甘我決定甘做啦.哈哈…
甘我地3點幾到左,,,,,,機場門口搭的士返RESORT,放低行李再搭的士出去碼頭.係咪甘? 甘我係咪應該同個司機講好送我地去RESORT, 再送我去碼頭. 再接我地返RESORT…甘樣係咪會便D呢?
[版主回覆04/25/2009 09:22:00]replied
Re一隻貓:
約定個司機行晒兩程都好o既，唔駛再call的士~唉，你真係要硬淨D呀，同埋要打聽清楚每一程車o既「最低價」﹗我同我男朋友o個D兩個人傻呼呼咁，時時都俾人斬到一頸血，佢o地會笑笑口咁樣食晒你D錢﹗記住講價講到底﹗
你幾時出發呀？祝你玩得開開心心、順順利利啦﹗
我地22號既凌晨機飛啦~ 去4日咋!
早知係甘我會BOOK一晚係保和住. 但係之前咩都吾知所以跟住旅行社的PACKAGE呢BOOK.
不過都好開心識到你呢個好人.
[版主回覆04/26/2009 20:19:00]replied
Re一隻貓:
其實我覺得如果淨係想玩bohol o既主要景點，唔諗住去海灘hea呀、玩水上活動o個D的話，一日來回都係好選擇丫，因為留多晚，你又要安排車呀載你周圍去~你去四日之嘛，cebu o個邊、出海o個D又要佔時間，我諗預一日去都ok lu﹗我o個陣都係買package之嘛，不過book多o左酒店晚數，總共去五日﹗
heehee，大家分享下經驗o者~我的確好鍾意去旅行﹗而家plan緊六月底去大阪~
你估如果我地自己搭船入去保和. 但係吾JOIN佢地既ONE DAY TOUR, 我地識吾識得去搵CHOCOLATE HILL & 大眼猴? 難吾難搵架? 甘樣就會便好多WO…哈…..計埋D宿數
[版主回覆04/28/2009 10:26:00]replied
Re一隻貓:
其實chocolate hills同埋眼鏡猴距離好遠o架，因為bohol係一個好大o既島，所以如果你自己去的話都一定要租車~我唔知D司機會唔會只載兩個地方呀~你可以問下其他blog主，睇下佢o地o既經驗如何﹗
Re Maggie:
歡迎你到訪我個blog﹗冇問題，隨便問啦﹗我都好鍾意同其他人share自己o既經驗(包括醒目o既同埋笨蛋o既經驗﹗)~
1.我報o既package係東瀛遊代理o既cathay holiday package，個package本身已經包機場酒店之間o既接送lu，所以免費﹗而且一出閘就有人接我o地啦~
2.冇喎，我係去Bohol o個一朝先至去碼頭，預定鬆D多D時間去張羅o羅，因為我o地係join local tour，所以冇話買唔到船飛o既問題，而且架船都唔full，我去o個陣就唔難買船飛，但你去時會點我就唔sure lu~
3.的士司機方面我o地的確係亂咁上o架咋，你要預o左佢o地唔肯用咪錶，係一定唔肯﹗所以要同佢講定價o羅，如果佢服務ok的話，你可以同佢約定之後幾日o既接送，順便可以再壓低D個價﹗酒店外面o既的士係特別貴o架啦，專做遊客生意嘛，我o地搭最平o個程的士係由SM city番酒店o個程，多本地人係o個度截的士嘛~
4.我都唔記得添﹗總之係酒店附近，我o地亂咁行就見到了，你問下人o地點去Maribago grill，沿住直路行就會見到啦，我o地去o個間係韓國人開o架~
5.因為只見到酒店o既tour，咁就超貴，而家每人大概五百蚊左右？你一個人去應該更尷尬了，你問下其他網上o既人，睇下佢o地一個人去時點樣出海啦~因為應該越多人結伴去越抵玩﹗
Re Maggie:
唔駛客氣﹗唔駛客氣﹗
一路順風，玩得開心D呀~