17-5-2010:東京埼玉trip day 3(part 2).長瀞宝登山.阿佐美天然刨冰

玩完長瀞激流,番去養浩亭沖好涼之後,就要出發囉~我哋係秩父o既行程仲有好幾個地方呢~朝早閒逛時發現,原來上長瀞站同埋長瀞站都好近,所以去宝登山嘛,行過去應該十幾分鐘都ok了~於是我哋拎住重重o既行李(因為係川越小江戶買咗好多東東~而大件行李其實留係東京o既~),出發咯~

沿路有好多蒲公英呢~平時都好少見~聽爹媽講,原來係加拿大呢,你自己庭園裡面有好多蒲公英係會俾人鄙視o架,因為會被視為唔打理花園,咁先至會「雜草」叢生﹗

肚子餓了,好在去到長瀞駅嗰邊比較熱鬧,搵食嘢o既地方都容易啲~

我哋去咗呢間「大黑屋」食lunch,好在有圖畫,order食物唔成問題~先嚟蒟蒻田樂燒(左下),聽過田樂燒呢個烹調方法係嚟自妙手小廚師2,講個少年整咗豆腐田樂燒,所以都好想試下,似乎係加咗味噌去烤o既意思~右上係普通o既雞肉飯啦,咁都好真材實料o既~右下又係漫畫入面o既食物,係山芋蕎麥麵,啲山芋好軟綿綿,食咗好似冇食咁呢~好有特色o既一餐﹗

好曬呀好曬呀~~~~~~~~~好熱呀~~~~~~~~~~~~

我哋兩個都忍唔住買咗頂帽帽先繼續行呢~好似每次去旅行都買咗頂帽﹗:p

下一站係宝登山神社~

呢張係自拍王嚟o架~

宝登山神社係一間有1900年歷史o既古老神社,但都打理得企企理理喎~不過旅遊書o既講解唔多,我哋主要都係周圍影下相咁啦~左上角o既view,令我諗起將太的壽司全國大賽篇o既其中一個比賽場地…

神社門口有小賣部,有啲好似「扭蛋」o既箱﹗放200yen落去就可以抽一個了,都幾靚喎~雖然唔係好值200yen…:p

睇一睇時間,哇,每半個鐘頭一班o既登山纜車,如果唔搭呢一班就會太晏lu喎,於是我哋急步行急步行咗唔知幾多百米,終於衝到去…

登山纜車站﹗(氣喘中~)

登山纜車站外o既花花~好多人都讚呢張相靚o架~

點解要上宝登山?莫非真係為咗要睇山上o既小動物公園?此其一啦~

其實更加重要o既係,上到高處,就可以俯瞰成個長瀞o既景色,同埋要補充一點,大家見到而家綠油油o既樹呢,去到秋天就會全部變成紅色了﹗所以嘛,要嚟長瀞,除咗夏天係一個好時機之外,秋天都唔錯o架~

可愛o既黃色纜車車廂~細細部,每次坐唔到好多人o架咋~

我哋睇下風景,慢慢行過去小動物公園嗰邊~

大家記住呢個係「小動物公園」,而唔係「動物園」,所以入面o既動物,都係溫馴可愛o既小動物﹗

仲可以餵佢哋添~羊咩咩、小兔子~

小鹿斑比~

我就鍾意睇啲馬騮,佢哋動作多多,都好cute o架~

宝登山上面仲有個「梅百花園」,而家冇乜睇頭,但到冬天時就會漫山開滿梅花﹗到時好似要俾錢入場?

係山上面又熱又渴都忍住唔買嘢飲…因為?

落山要去食著名o既「阿佐美刨冰」﹗呢間刨冰店真係好有格調,我第一次去一間播爵士樂o既刨冰店呢~

點解咁出名?因為全國之中得兩個地方有天然刨冰賣o架咋,呢度係其中一個﹗天然o既意思,即是係冬天時儲藏定啲冰,到夏天時拎番出嚟刨刨刨刨刨﹗係咪特別好味?唔知呀,不過夠綽頭囉~

我哋share o既係早乙女草莓刨冰,有草莓汁、牛奶,yummy~雖然環境好舒適,但刨冰其實食起嚟都係一樣比較輪盡o既東東…:p所以都要食得好急~冇儀態咯~

出番去長瀞駅,我哋要搭番車出去御花畑,即是西武鐵道站嗰邊lu~離開秩父之前,仲有一個地方要去﹗大家記唔記得係邊度呢?

待續

Comments

comments

在《17-5-2010:東京埼玉trip day 3(part 2).長瀞宝登山.阿佐美天然刨冰》中有 6 則留言

  1. 蒲公英其實很美,本身又可作葯用。它的花是黃色的,分佈在綠油油的草地上漂亮得很,不知道為什麼在温哥華會被歧視。
    [版主回覆08/10/2010 21:04:00]replied

  2. 山上沒有觀景台之類的設施嗎?應該不只一幅俯瞰長瀞的照片吧!
    [版主回覆08/10/2010 21:06:00]replied

  3. Re媽: 係咩?藥用o既蒲公英叫做咩?甩咗毛毛o既蒲公英恐怕我會唔認得佢呢~

  4. Re爹: 其實個山頂好細o架咋~不過最高點仲有一個神社﹗可能嗰度o既景觀更佳~我哋唔夠時間,冇上到去~嗰啲「見錢開眼」望遠鏡嘛,係纜車站附近就有幾台~因為太多相相要放出嚟囉,所以冇放晒每一張呀~

  5. 現在好似真的沒咩見到蒲公英~ 你應摘一個下來,用口吹一吹幫他播種!! 比起中山那個公園真的差丸遠…~ 我地在那裡投資賣刨冰一定大賣!!
    [版主回覆08/16/2010 23:56:00]replied

  6. Re day: 係咪應該袋係個袋度,去遠啲先吹?等佢哋B可以去各地發揚光大? 我唔賣「假味」刨冰o架~

發表迴響

你的電子郵件位址並不會被公開。 必要欄位標記為 *