4-2-2011:USA trip day 3(part 1).Las Vegas走透透@Circus Circus & Luxor

因為之前兩日都太太太累了~第一日又搭咁長飛機仲去睇「O」睇到咁夜,第二日又舟車勞動去大峽谷tour由朝到晚咁多個鐘,所以嚟到第三日我哋都冇勉強太早起身,輕輕鬆鬆咁食個brunch再出發活動~

去咗day之前同同事去過o既Denny’s食早餐﹗似乎呢間鋪頭好多分店呢,我哋之後去到加州都時不時有見到~

http://www.dennys.com/en/default.aspx

搵一搵佢哋個網頁,原來Denny’s 1953年創立,而家全國有超過1500間分店咯~我哋入到去,感覺都好cosy,又有free wi-fi,不過少少唔好就係服務太殷勤咗啲,隔一陣又嚟問一問你狀況ok嘛之類~我哋中國人就唔係太習慣啦~

因為食咗個巨brunch就唔打算食lunch了,我哋share咗兩個超大份o既早餐,一份係french toast + harsh brown + poached eggs + bacon,另一份係雞沙律,另外加多一小份牛油果~見到個french toast嘛,其實上面已經有一舊味道好濃郁o既牛油了,基本上啲糖漿唔落都得,我哋都象徵式咁倒咗少少落去,大概係個糖漿杯仔o既0.5cm高吧,見到隔離枱有個人食咗一份pancake,佢用咗三小杯o既糖漿﹗嚇死人了~~~~~~~~~我好欣賞個沙律,除咗有烤雞同埋幾款菜之外,裡面仲有raspberry乾同埋合桃,一來調一調味,二來好似好有益咁~:p個酸酸甜甜o既醬汁都唔錯﹗飲品方面,係美國去餐廳食嘢呢,基本上都唔會好似香港咁附上餐飲,都要分開order,所以加加埋埋都唔少$$,我叫咗凍o既朱古力奶,勁大杯﹗而day就要咗可以refill o既咖啡~

呢個brunch我哋都食得好開心丫﹗食物美味、環境舒適~心情靚晒~

係度揭下揭下其他餐牌,見到呢個大大隻字「appetizer before breakfast」,哇,唔係呀嘛?breakfast前都仲要appetizer,難怪美國人o既身型…wow~

食飽飽之後我哋返去酒店Circus Circus check-out,寄存好行李就逛一逛先,因為我哋今日要搬酒店,另外o既Luxor酒店未有得咁早check-in~

其實Circus Circus都唔錯o既,係舊咗少少,但佢都有自己o既特色~話明叫做Circus Circus,梗係有啲circus睇下啦~

我哋上到去circus o既位置,見到仲有半個鐘左右就有演出了,免費喎,梗係睇下啦﹗周國都充滿歡樂氣氛,可能對於我哋呢啲八十年代出世o既就更有意義了,因為好多個攤位遊戲,都有好「歡樂天地」o既懷舊感覺﹗有啲而家海洋公園都仲有得玩,但有好多都絕咗跡lu~其中表表者就係跑馬仔﹗即是大家12個參賽者坐係度碌啲波波,睇下碌得高分,你隻馬仔就跑得快啲咁~以前係歡樂天地總會好熱鬧家嘛~不過呢度就冷清咗啲~

夠鐘演出lu,搵個靚位坐低睇,係嚟自阿根廷o既雜技人﹗佢有好多花款拋啲圈圈,係咪非非非常精彩呢,又不見得,但投入去睇都高興o既,但問題係…oops﹗原來個免費演出雖然一個鐘就有一次,但每次只係演出5分鐘﹗結果有啲人椅都未坐暖就完咗lu~好在我哋有準時坐低,同埋唔算長途跋涉趕過嚟睇啫…

結果我哋都玩咗跑馬仔,只有我同day兩人對決﹗因為看檔嗰個人見我碌得太差,又唔忍心我輸喎,所以幫我出貓﹗:p係咁放我啲波波入去100分嗰個窿,我就贏咗啦,獎品係呢枝毛毛花~yeah~

之後我哋過去Adventuredome~

Adventuredome係Circus Circus酒店附屬o既室內遊樂場,我哋都冇玩呀,一來唔係太特別啦,二來都唔係太化算,唔緊要啦,行下睇下影下相都ok~:)雖然係室內,但都有過山車,另外就有啲小型啲o既games啦~

係小食部見到呢枝「結他」,其實係一個中空o既飲品容器﹗總共100oz﹗哇~又再一次被嚇倒了~難怪今朝係Denny’s外面見到一班後生仔,一人揹住一枝「結他」,晨早流流就醉醺醺啦,似乎佢哋係前一晚就開始飲呢個100oz o既飲品﹗勁﹗

我哋返過去領取行李,之後就出發過去Luxor酒店了~

係Circus Circus外面就有巴士直接去到Luxor,雖然行李多,但都ok方便,呢兩間酒店,各係Las Vegas strip o既兩個端端~貫通中間咁多間酒店o既就係呢啲觀光巴士了~我哋買咗24小時無限搭o既飛,後來搭多兩次都抵番了~good﹗

去到雖然未到指定o既三點check-in時間,但佢哋都俾我哋上房了~我哋係香港時就上網book咗,係Pyramid房間~Luxor o既特色就係金字塔形狀,而主題亦係埃及o既獅身人面像呀嗰啲~既然埃及短期之內都冇可能去了,去住個假o既先啦~我記得十幾年前同爸媽第一次去Las Vegas時就已經參觀過呢間酒店啦~

因為係「金字塔」入面,所以房間隻窗都斜斜的~都舒服,而且幾大,不過唔知點解反而冇free wi-fi添,搞到要「餓facebook」一下~

settle down之後就出去逛lu~之前上網都睇到有啲套票,US$54可以參觀三個景點,我哋去到其中一個想去o既景點,Titanic展覽,成功買到套票﹗決定了,就睇Titanic、Mandalay Bay o既shark reef同埋MGM o既CSI experience啦~

裡面唔准影相,冇辦法啦~其實入面講返當年Titanic o既background,有啲咩人上咗船,其中一啲佢哋o既身份故事,因緣際會上咗Titanic咁,另外敍述番當年出事o既過程,係度講呢啲事時就展示番一啲當時o既物品,好似船o既組件、裡面用o既餐具用品等等…而我最鍾意o既就係佢重新整咗啲場景出嚟,好似真o既一樣,我哋「哇」咗出聲o既就係背後呢條樓梯,真係整到好華麗~另外有一個係星空,嗰度都好靚~

紀念品方面,我哋又壓咗一個penny啦﹗souvenir shop有得賣二等艙嗰啲毛氈添呀~

逛完展覽出嚟﹗因為酒店係金字塔形,所以內部咪咁o既樣囉~

ok﹗出發~

外面就係獅身人面像~

金字塔Luxor酒店~

其他裝飾都係埃及題材o架~

影埋個招牌先﹗因為我哋逛完一日返嚟之後再影就天黑lu~

待續

前往其他美國旅遊blog

Comments

comments

在《4-2-2011:USA trip day 3(part 1).Las Vegas走透透@Circus Circus & Luxor》中有 12 則留言

  1. 得一個波碌… 好難玩 titanic 最好的地方是個船票,每人分別有一個身份,入到去便想找找關於"自己" 的野 獅身人面像都ok, 沒有非常假的感覺(雖然沒看過真的)
    [版主回覆02/23/2011 23:19:00]replied

  2. Re day:
    我根本就碌唔正﹗:p
    最後淨係發現自己獲救囉~因為我嗰張船飛係屬於一個小女孩的~
    搵次去睇下真嗰個﹗不過應該要好多年後了~

  3. Re mandy:
    我開頭以為你係「假」o架,click過去先知道係「九一八」嗰個mandy囉~呵呵~

  4. 諗住比你知道有人睇,有啲動力吖嘛~~~
    可能真係太"行"了~~~haha~:p
    [版主回覆02/24/2011 22:06:00]replied

  5. Re mandy:
    我知道係「真mandy」之後都好高興啦,有你嚟捧場﹗不過如果你有更多comment我就更高興啦~:D

  6. 酒店附近似乎沒甚麼人,此刻是Las Vegas的淡季嗎?
    [版主回覆03/11/2011 21:01:00]replied

  7. Re爹爹:
    感覺上Las Vegas都係夜晚比較熱鬧啲﹗可能因為夜生活好精彩吧,所以大家都好晏先起身,咁樣早上o既Las Vegas感覺上就靜靜咁喇~

  8. 唔好意思,打搞下, 想問觀光巴士 有無分路線架?
    班次密唔密?
    1 日任搭飛要幾多錢?
    [版主回覆03/24/2011 00:10:00]replied

  9. Re曲奇: 你好﹗歡迎你到訪我個blog呀~ 嗰啲巴士有兩種,一種只停大站,另一種每個站都停,成條路線係點我都唔係太sure,但肯定o既係,起碼會貫穿成條strip,由circus circus去到另一端o既mandalay bay都有得坐﹗ 票價方面,24小時任坐就US$7,2小時任坐就US$5~ 啲車都密o架,好快有一班,但確實幾多分鐘我就冇留意~ 希望幫到你啦﹗ 你幾時去玩呢?有冇咩plan?

  10. thanks for your info~
    I've been to Vegas once few years ago, by that time, I took taxi or walk to travel on the strip~
    [版主回覆04/01/2011 19:16:00]replied

發表迴響

你的電子郵件位址並不會被公開。 必要欄位標記為 *