係Stratford Hotel好好咁休息一晚，再出發去玩﹗因為呢日都唔需要點樣趕行程，所以我o地容許自己瞓覺o既時限…就係最後仲有得食早餐為限﹗Stratford Hotel雖然係budget hotel，但都包簡單o既早餐喎~

有juice啦、咖啡茶任飲啦，又有cornflakes、多士，最重要係有day鍾意o既香蕉味蛋糕﹗環境都舒適，望落街就係Powell Street o既熱鬧情況~不過我哋怕阻住人執嘢，所以食得少少趕添~

第一站係City Centre o既Farmer’s Market，之前2006年去探康熊貓，佢都有帶過我去另一個farmer’s market，知道有好多新鮮蔬果、美食賣，所以雖然旅遊書冇介紹，但見到地圖上有，又適逢星期日喎，所以就去碰碰運氣啦~

果然有喎~都幾熱鬧呀﹗好在帶定個環保袋去啫，滿載而歸~

http://www.hocfarmersmarket.org/

其實我哋主要幫襯咗一間賣果仁乾果o既鋪頭~買手信嘛﹗樣樣有得試食，味道都唔錯，而且有好多平時少見o既款式呢~我買咗桃駁梨乾、朱古力包住啲桃乾、同埋玉桂味o既杏仁﹗

而farmer’s market行到盡頭就係一個大廣場﹗有座好宏偉又古色古香o既building~

原來係city hall~

有靚靚o既景色，所以帶埋兔子出嚟影婚紗相﹗

好舒服o既草地啊﹗天氣又暖笠笠~所以瞓咗係度enjoy一陣﹗兔子都一齊瞓~:p

係呢個廣場旁邊有係Asian Art Museum of San Francisco，哇，咁啱今日又免費入場喎，時間唔多都入去行一轉啦~

http://www.asianart.org/index.html

入面用天然採光o既設計﹗佢建議由最高嗰層開始睇~

一個個地域咁樣睇過嚟，由印度開始﹗之後就到西藏呀、東南亞呀、中國呀、日本、韓國咁樣~收藏o既東東所分佈o既地域都幾闊，但相比起係當地會見到o既珍藏就真係小巫見大巫了，好似印度嗰啲神像、雕塑嘛，佢呢度可能係一尊半米高o既神像，但係印度時見到o既，就係成座神廟都係個山度鐅出嚟﹗嚟自中國o既收藏品亦比起我哋曾經見過o既冇咁勁~咁係一個西方國家有啲專for亞洲o既asian art，咁都無可厚非o既~有個咁專門o既museum都好唔錯lu~

因為係農曆新年吧﹗有啲小朋友係度表演跳舞~另外又有啲中樂團o既演出呢~

好喇﹗我哋逛完個museum，就出發去下一個目的地了，我哋去位於Lombard Street o既九曲花街~距離都遠遠地…

所以我哋就搭巴士過去啦﹗因為頭先o既位置係city centre，所以都四通八達，好輕易我哋就上咗車喇﹗不過唔知點解，搭巴士時勁眼瞓，靠你了，day，你幫手望住幾時落車咯~

三藩市係一個好多山坡o既城市，所以啲街道都又上又落，如果唔駕車，成日都要靠一對腳去行o既話都幾辛苦呢~哇~呢度望落去都好開揚呀，天氣又好，靚~

九曲花街係全世界最彎o既一條街，啲轉彎o既角度都好急，少啲技術都搞唔掂﹗

成條街由底望上嚟就係咁了﹗點解叫「花街」？等我解釋俾你聽啦，請睇下以下2006年o既相~

上次康熊貓同佢家姐都帶咗我嚟呀，嗰陣係四月，所以啲繡球花都開得好燦爛呀﹗一球一球咁真係色彩繽紛，當時就覺得咁樣係理所當然，原來唔係o架~今次嚟到係冬天，最多叫做初春啦，仲係光禿禿呢~可惜可惜﹗

好喇﹗落到嚟就熱鬧少少，不如去搵嘢食咯~

誤打誤撞，去咗小意大利呢，你睇，啲燈柱都有意大利國旗髹咗上去﹗

我哋揀咗一間墨西哥菜~

有得坐室外呢，對住優美o既街道~係香港呢，係路邊食嘢就會覺得有啲唔衛生，但係呢度空氣都好好，又唔覺得好多塵咁，所以坐係度有少少涼風都好舒服﹗呢間餐廳有勁大盆免費o既tacos呢，仲有兩款醬料任君選擇﹗

我哋叫咗一份沙律，一份burrito兩份食，個burrito就似一份wrap，裡面有豆啦、米飯啦，餸菜就有雞、芒果、菠蘿、洋葱咁~感覺好健康呀~~~~~~~~~~~~~滿足﹗

我哋就係係呢間Ricos度食lunch啦~

待續

前往其他美國旅遊blog

Comments

comments