6-2-2011:USA trip day 5(part 2).華盛頓廣場、bay cruise、金門大橋、漁人碼頭

係Little Italy食飽飽之後,我哋就向住下一個大目的地進發,我哋諗住去漁人碼頭,而去參觀金門大橋o既Bay Cruise所上船o既碼頭亦係Fishermen’s Wharf~與此同時,我哋會路過一啲小景點,都去行下啦~順便感受下呢個加州城市o既風情﹗

行過去Saints Peter and Paul Church…

噢,咁啱做緊維修添~之前上網睇過係好靚o既建築嚟o架~原貌可以click入去呢個網網度check下:

http://www.stspeterpaul.san-francisco.ca.us/

本身有諗過朝早去呢度望彌撒,不過,heehee,瞓晏咗添~

而教堂o既正正對面,就係Washington’s Square~

有好大遍草地,因為天氣好好呀,所以好多人都嚟曬下太陽,享受一下星期日o既下午呢~呢度仲有個小型o既戶外畫廊,有啲人係度賣畫,增添藝術氣息~

oooooooooooooooo~~~~~~~~~~~~~~~~~踩單車去金門橋呀﹗我都好想去呀~~~我諗我哋下次再嚟San Francisco就去啦﹗day今年先學識踩單車,唔知而家o既技術同速度如何,要踩馬路喎,都係鍛練啲技術好啲先去,如果唔係就危險了,參加tour的話,墮係人哋「主車群」o既後面就樣衰啦~

行過去漁人碼頭o既街道都好舒適﹗

我哋見到有個遊客information centre,話有得賣Bay Cruise o既門票喎,入去問下,原來最後一班船好快就開出啦﹗即刻即刻即刻買飛,然後就衝過去碼頭了~~~~~~~~~~

好在都好近啫,又冇行錯路~我哋就係搭呢架Red & White Fleet啦~航程大約一個鐘啦,不過都少少貴呢~

上船一人派一個headphone,有好多語言選擇,不過就冇廣東話呢,我哋揀咗(其實係個staff幫我哋揀咗)普通話~開頭都有聽下,但後來覺得都係同day吱喳比較高興就除咗落嚟了~

除咗重要項目Golden Gate Bridge之外,呢個Bay Cruise仲可以回望睇下San Francisco港灣o既景色﹗

到lu到lu~加埋個太陽,好靚呀~~~不過真係好宏偉,都幾難影到成條橋~

隻船一路駛過去橋o既下方,去到越嚟越近時,乘客們都變得緊張起來,「呢度靚呀呢度靚呀,我幫你影﹗我幫你影﹗」「你又幫我影﹗」所以我哋shift嚟shift去兩個角色,係度唔經唔覺影咗好多張添~

揀咗其中少少俾大家睇下~:)

大家都太忙碌了,都唔好意思搵人哋幫我哋影,唔緊要啦﹗有廣角鏡+自拍王,冇問題﹗by the way,我哋兩個著住Golden State Warriors o既衫嚟到Golden Gate Bridge,都幾襯喎~day個心口都有一條橋o既logo﹗

回程時仲會經過Alcatraz Island惡魔島:

http://www.nps.gov/alca/index.htm

有啲cruise可以上岸參觀o架~另外仲有一個Angel Island天使島添~Alcatraz Island以前係一個監獄,所以係漁人碼頭有好多有關o既souvenir呢,例如黑白橫間o既衫﹗哈~

返抵漁人碼頭﹗梗係要係呢個logo度影番張signature photo啦~

我哋行過去Pier 39,嗰度係最多遊客參觀o既地方,又有啲海豹海獅住係嗰度呢~

day問我食唔食雪糕…hohohoho~引誘到我,我係抵擋唔到的﹗:p

揀咗石板街,最特別o既係,個cone係dip咗朱古力o架~好味道﹗

邊行邊食,邊行邊睇,邊行邊食,邊行邊睇…

諗住去探下啲海獅,邊行邊食,邊行邊睇…

突然間「嗖」一聲,食剩1/4 o既雪糕cone唔見咗﹗我哋俾啲巨型海鷗突襲呀,好慘呀~不過問我哋驚唔驚,答案係唔驚﹗因為真係瞬雷不及掩耳,勁快囉~都未嚟得切驚已經唔見咗…

只能夠被搶之後傷心一下…好在有個膠cone包住咋,如果唔係連隻手都有危險…

收拾心情,睇下表演先~

有個非常funny o既雜技人﹗佢表演o既雜技並非好特別或好高難度,但最吸引人o既係佢o既旁述﹗好搞笑~呢度係最後一part了,邀請咗個觀眾上台,要佢企係個指定o既範圍入面,唔准望後面,然後播啲好誘惑o既音樂,佢再脫衣﹗拋啲除出嚟o既衫係個觀眾o既面前,最後連金色底底都預備咗一條﹗但最搞鬼o既係,佢梗係唔會剝光豬啦,而係係佢本身著緊o既西褲恤衫背心領帶裡面,有另一set一模一樣o既西褲恤衫背心領帶囉,真係叫大家拍案叫絕﹗所以睇完show之後,大家都好踴躍咁俾番啲tips佢,呢啲有心o既賣藝人真係好值得鼓勵呀﹗

我哋再逛逛Pier 39 o既其他鋪頭~其中有一間「lefty」o既鋪頭都幾有趣,即是專賣左撇子用品o既專門店﹗

我呢,就係Pearl Factory度有收獲~

自己揀一隻蠔,開咗睇下粒珍珠係點o既呢,然後再整咗一個鍊墜,多謝day~~~:)

上次同康熊貓嚟時我哋都去咗Rainforest Cafe,今次都好想同day再去~

我哋o既座位就係大猩猩旁邊﹗我哋食咗clam chowder湯啦,buffalo wings啦,同埋蝦(兩種口味)配牛扒仲有蔬菜薯蓉~yummy~

又要讚一讚我哋o既Stratford Hotel﹗因為就係Powell Street o既cable car總站附近,而路線o既另一端就係漁人碼頭了﹗所以因利成便,我哋就搭cable car番去啦~

亦係觀光o既一部份啊﹗不過人比較多,可惜冇得坐外面添,好在坐裡面都好涼爽~有啲人落咗車就夠位影到啲相相了~

待續

前往其他美國旅遊blog

Comments

comments

在《6-2-2011:USA trip day 5(part 2).華盛頓廣場、bay cruise、金門大橋、漁人碼頭》中有 4 則留言

  1. 相信d 海鷗 食左唔少雪糕,但係都搶得咁快!! 你唔post 番個珠的製成品?
    [版主回覆03/08/2011 22:00:00]replied

  2. Re day:
    佢哋食咁多雪糕會唔會身體唔好o架~
    因為係美國個trip時冇得戴粒珠珠住嘛~我遲少少再打御溫泉的blog就見到lu~

發表迴響

你的電子郵件位址並不會被公開。 必要欄位標記為 *