8-2-2011:USA trip day 7(part 1).享受加州陽光+田園味

瞓一覺休息之後,我哋繼續同康熊貓去玩咯~

呢度就係佢住o既地方喇﹗對於香港人嚟講,哇,實在太大間屋了~好開心啊,自己又有個小小花園,前面仲係屋苑泳池添~門口呢一串松果裝飾品,藝術家果然藝術家呀,聖誕裝飾都diy的﹗

我哋先去食早餐~

因為又係超超超大份了,所以我哋又係兩份三人share﹗我哋揀咗benedict蛋+harsh brown同埋另一份omelette+炒薯仔,仲有多士添呀~咖啡就無限添飲﹗不過嘛,你加咗奶同糖加到比例啱啱好時,飲咗兩啖佢又好慇勤咁添啲咖啡俾你,咁點算呢?咁咪越飲越苦囉?如果又加少少奶又加少少糖咁咪好疲累?﹗(諗埋啲古怪嘢添…:p)

好喇,就由GPS帶我哋去目的地啦﹗香港好少用GPS,所以我坐康熊貓旁邊o既乘客位時就好好奇了,時時都望下佢點樣instruct人,康關咗嗰把聲,不過都會有字顯示仲有幾耐要出公路之類,都幾方便﹗

原本話帶我哋去一個臨海town食lunch+感受小鎮風情,之後再去一個海邊golf club去睇日落同埋食晚飯,不過因為想hea啲啲,所以就減去第二個目的地了﹗今日會去小鎮Carmel by-the-sea,不過嘛,沿路會經過另一個town,康熊貓話想停一停,因為嗰度有好好味o既pastry呀~

天氣好好~沿路景觀都好闊,而且不住見到啲農田呀咁~

記得上次嚟探康熊貓時,我哋駕車都經過啲農田,有農夫係農場外面set up個counter,俾啲經過o既人買啲新鮮水果,今次我哋又遇到了~

吸引我視線o既係「US$1有3個牛油果」,有冇咁抵?﹗但入到去又搵唔到啲咁平o既牛油果喎~

好靚o既士多啤梨呀﹗我哋買咗一盒嚟食~真好呢,點解外國時時都有啲咁平咁靚o既strawberries o既呢~

另一樣嘢係,雖然唔關事,但康熊貓著住嗰件衫衫係我係香港帶過去俾佢o既禮物嚟o架,都幾fit丫﹗weiwei~另外嗰件你著咗未先?

仲有超巨大o既茄子,day話可以用嚟整味吉陽一嗰個茄子捲意大利粉﹗

仲有好大好靚o既加洲巨橙呀~

因為陽光好,天氣好,土壤好,係加州,無論放咩落地下,都好輕易種出又大又靚o既蔬果呢~

係呢個小market發生一段小插曲,話說我著住件Golden State Warriors o既jacket,咁之前啱啱GSW輸咗波嘛,個農夫對住我講:「Are you Warriors’ fan? How poor you!」做咩喎~球隊梗係有時贏有時輸o架啦,勝負乃兵家常事﹗佢哋之後都有贏丫,就好似打緊blog呢一日就啱啱贏咗Timberwolves呢,對上嗰場又贏咗Magic,GSW都唔係太差o架咋~

嚟到呢個買pastry o既小鎮~我都唔知叫咩名了…要問問康熊貓至知lu~

呢間白色小屋就係餅店了,可以係鋪頭入面食都得o架~康熊貓買咗幾個帶番去俾啲friend,我哋就買咗一個杏仁糖粉牛角酥一齊share嚟試下喇﹗

揀咗個戶外位~陽光舒服就舒服喇,不過好大風丫﹗吹走晒~除咗pastry之外,都有好多款靚靚cake添~

而餅店旁邊就係郵局~

正好寫埋尋日係Muir Woods買咗o既redwood postcard,寄埋番去香港了﹗

因為仲有遠路要行,所以我哋都入定油,康熊貓問:「有邊位小朋友想入油?」

「我呀﹗我呀﹗」未試過,所以好踴躍咁想試下﹗heehee~按實個掣時,真係feel到啲油入緊去o架~好有成功感﹗其實香港都可以整俾啲人自己入油丫~應該都好簡單吧?

我哋之後就正式過去Carmel by-the-sea了﹗

待續

前往其他美國旅遊blog

Comments

comments

在《8-2-2011:USA trip day 7(part 1).享受加州陽光+田園味》中有 2 則留言

  1. 去外地大城市旅遊,卻有機會逛逛小鎮,特別是有友人帶路,真是寫意兼有快意。這才是真切體會當地的風土民情嘛!
    [版主回覆03/16/2011 20:26:00]replied

發表迴響

你的電子郵件位址並不會被公開。 必要欄位標記為 *