嚟到我哋今日行程o既重點項目，體驗小鎮風情@Carmel by-the-sea了，康熊貓話呢度好多靚靚店鋪、靚靚餐廳，同埋可以睇埋日落呢~肚子都餓餓哋，所以我哋嚟到康熊貓一早book咗枱o既Basil餐廳，呢間餐廳食o既係fusion菜，所以餐牌上面每道菜都好特別，而我哋亦聽咗店子waiter o既意見叫咗佢哋推介o既食物~

我哋開頭揀咗坐室外呀，因為感覺好開揚，而天氣都唔錯，不過嘛，雖然佢開咗嗰啲戶外暖爐俾我哋，但太大風了，吹到我哋騰騰震…結果都係要投降，入番去裡面坐呢~我哋前面係啲法包，而特別o既係個香草醬呢，鹹鹹地又有啲香草味~幾清新﹗

坐咗入去即刻暖晒﹗我哋叫咗三個main course share嚟食﹗左上角o既係茄子意大利雲吞，右上o既係鴨肉黑松露扁意粉，左下o既係魚柳配薯蓉，左下嗰個魚佢介紹時話係「Pacific Cod」，太平洋嚟o架喎，好似特別鮮美~:p幾樣嘢食都好有水準丫﹗good~

我覺得係美國呢，最唔抵食就係本應最平嗰啲嘢食，好似快餐店嗰啲食個餐都要US$6-9，好多時飲品仲要分開叫~反而呢啲靚靚地o既餐廳就比起香港抵喇，好似呢啲一個主菜大概都係US$12左右？又有咁舒適o既環境喎~

雖然好飽好飽，但都好想試下佢呢度啲甜品呀，三個人share唔怕啦~叫咗個血橙cheese cake﹗美味~都有少少食到瞇瞇眼o架~

好喇，不如我哋行過去海嗰邊睇下啦~

oh，係喎，我哋係農夫個檔口買咗啲strawberries喎，放係車度就會好易pat咗了，都係要拎出嚟，我哋就帶過去海灘食啦~

沿路上見到好多渡假小屋，又有靚靚店子，碰上呢一個有個靚花園o既教會building~因為知道會有靚靚景色，所以我哋一早就帶埋兔子出嚟影婚紗相啦﹗

好啦，由我做美術指導，康熊貓操刀啦~呵呵~

好靚o既教堂~

又有優美o既渡假小屋~

我哋jap jap jap啲strawberries~不過係海邊食嘢有個唔好處，有時啲沙飛咗入口，搞到咬時「sock sock」聲﹗

果然係太平洋，海岸線好長，而且浪好大，康熊貓話唔游得水o架~即使天氣暖，啲水都好凍，因為係北極過嚟o既水流喎~

今日陽光好、天氣好，所以都有唔少人帶啲狗狗出嚟玩呢~佢哋可以好痛快咁奔跑一下﹗

兔子Rita好靚啊~讚﹗(呵呵，自己讚自己~)

我哋決定晏少少再過呢邊睇日落，不如趁呢啲時間再行下小鎮啲店子啦~

其中係一間玩具店度都有收獲，買咗本連線遊戲書俾蝦米仔，另外自己玩就買咗一款香港未見過o既card game叫做「Phase 10」，我哋都係跟住說明書嚟玩咋，但得兩個人玩似乎不太刺激，搵次要集合幾個人一齊玩下丫﹗

原來Carmel by-the-sea都有Anthropologie，同康熊貓做過intern嗰間一樣，主題都係repeating o既圖案，呢度o既衣架就染咗色之後掛到好似彩旗飛舞咁，又另一種style~

即使係再行呢間鋪頭，依然為佢著迷，啲衫衫好靚就不在話下啦，我鍾意佢o既style夠colourful同舒適~但其他家品都好吸引o架~其中我都好想買隻「門柄」番香港，你睇，我手上拎住嗰個係衣櫃o既把手，呢個係貓頭鷹嚟o架~幾精緻~不過嘛，我哋連樓都未買，咁快買個衣櫃把手，好似唔係幾似樣咁…:p另外呢，Anthropologie啲artist都真係十項全能，右下嗰張吧枱係啲artist一手一腳自己係鋪頭入面整出嚟o架~勁﹗

Anthropologie位於o既商場亦好靚啊~

天色開始昏暗了，我哋趕過去沙灘睇日落啦~

呢個時候暫時都仲好光，但個沙灘都已經被照成金黃色啦~又要唱下Zarahn o既如果感覺有顏色了，「雪花白色，黃昏金色，我思念的全是你…啦啦啦~」

我哋三個係咪第一次一齊睇日落呢？

都幾鍾意呢張呢，用咗嚟做我電腦o既wallpaper啦~

真正日落了~

我哋行番過去市鎮中間，但入黑之後啲鋪頭都開始關門了~入咗一間糖果店，康熊貓買咗隻唔知咩Turkish糖，個樣好似棉花糖咁o架，煙煙韌韌的玫瑰花味，都幾特別~

都冇乜其他鋪頭好行了，不如直接去食dinner o既餐廳啦~康熊貓帶我哋去食芝士火鍋~

三款鍋之中都唔係好知咩分別，因為呢款話有啲「forest mushroom」用forest呢個字搞到好似好原始風味咁，所以我就提議食呢個，配菜有麵包、香腸、西蘭花、椰菜花、紅蘿蔔、青蘋果~但個鍋嚟到，試一下，點解鹹得咁交關o既？﹗吓，咁鹹點食呀~我哋商量商量之後，決定同個waiter講，佢有少少面露不悅咁，但都重新同我哋換咗另一個鍋，好少少啦，冇咁鹹~發現呢，原來帶有甜味o既蔬果真係好適合芝士火鍋o架~青蘋果就尤如沙漠中o既綠洲一樣﹗後來係restaurant city有芝士火鍋呢個菜譜，先發覺原來落蘋果都係好standard吧~我以前都唔知呢~

食飽飽，返去康熊貓屋企o既路程都遠遠地o架~途中經過巨型超級市場，我哋離開highway，去行一行，因為想買啲手信~呢間supermarket都好多嘢賣，除咗食品日用品之外，連啲大型o既東東，好似露營用品、電子產品都有啦~

美國乜嘢都大，連芝士波都好大﹗(我哋運吉中…:p)

嚟到呢度，我哋o既旅程都到尾聲lu~雖然叫做九日，其實第八日朝早就要返過去San Francisco搭飛機返香港啦~

今次係難得o既比較長o既旅行呢，下次再有得去到咁長時間，恐怕要到十一月時o既渡蜜月lu~

多謝大家o既收看﹗heehee~我都要趁記憶仲新o既時候，打埋近排去廣東省地區同澳門trip o既blog blog~

前往其他美國旅遊blog

Comments

comments