第第第一件事就係要增值T-money，即係類似八達通的東東，我哋舊年去首爾時買咗，今次又大派用場喇，之前睇啲資料知道，而家全國好多地方o既交通工具都可以用T-money，但增值就唔係度度有，所以我哋一口氣增咗20000won，都好准確bor，我哋離開嗰日正正就係用咗差不多咁多~

去麗水o既長途巴士可以係沙上或者老圃洞o既市外巴士總站搭到，我哋決定去沙上，因為由金海機場過去沙上只係搭四個站，而沙上去麗水時間亦短幾個字，所以雖然沙上出發o既班次疏啲啲，計落條數好似都係去沙上好啲~

好眼瞓zzzzzzzzzzzzzzzzzzz~~~~~~~~~~~~~~~

金海輕電鐵係無人駕駛列車，全車真係好細o架咋，同我哋屯門o既輕鐵差不多，而家時間尚早，所以都冇乜人，搭得好鬆動~

因為機場比較遠離市區，所以沿途景色都係啲公園呀、草地呀多啲，漸漸去到沙上附近就多好多建築物了~

沙上站

見到有剛開幕o既餐廳，原來佢哋除咗會送花籃之外，仲會送樹，綁番祝賀絲帶就係得體o既禮物啦~如果係樹的話，第時仲可以放耐啲添，令餐廳加上一點綠色~

一出咗輕電鐵車站，見唔到個巴士總站都有少少慌，不過睇一睇旅遊書o既地圖，哦，原來有show出嚟，ok，往前走就ok了~

點解呢啲角色總係我做o既？

嚟到巴士總站，好容易就搵到我哋要搭o既班次，下一班係個半鐘之後喎，anyway，買咗票先啦~「Yeosu，9:30，2」，簡單精確就冇有怕~

肚子超餓了，我哋食咗飯糰，day飲Americano我就飲士多啤梨乳酪飲品，發覺韓國人真係比較鍾意飲Americano instead of香港比較普遍o既奶啡，而且咖啡口味比較淡，但甜味又比較勁~佢哋真係好鍾意飲啡，周圍都係cafe就不在話下，而且我哋後來行超級市場，有三排o既貨物架都係咖啡產品﹗

每張票盛惠18800won~

我哋乘搭o既長途巴士﹗我哋o既座位編號係4同埋5，正係度諗會唔會分開坐，哦，原來係一邊單座位，一邊雙座位，所以我哋係一齊坐的~上到車，點解有個伯伯坐咗我哋個位o既？望一望佢張飛，真係5號位bor，莫非真係我哋上錯車？我哋都係落車望精楚先，冇錯，係去Yeosu呀，再上車望下佢張票，哎吔吔，救咗伯伯，如果唔係佢就無啦啦去咗麗水了，佢上錯咗車~:p旅遊巴好舒服，我哋當然要繼續呼呼大睡啦~

去到中途休息站，大家可以上個洗手間，舒展一下，買啲嘢飲下~因為司機冇講會停留幾耐，即使講咗我哋都唔識聽，所以最緊要—-快﹗都唔駛三個鐘頭，我哋就到達麗水了~

見到車站有呢張poster，影一影先，事關呢個扣安全帶o既問題唔係得個講字，長途巴士開出前，司機會專登走出嚟提醒大家，再檢查一下大家扣好未，非常好o既practice~大家可能唔係好清楚麗水係邊，大家熟悉o既首爾係左上角，我哋今次飛o既係右下角o既釡山，要經過慶尚南道(韓國o既省份都稱為「道」)，先去到位於全羅南道o既麗水~

待續

前往其他韓國旅遊blog