本來決定去文心森林公園就計劃順便去逛逛旁邊既IKEA，香港都有IKEA點解去台灣都要去呢？咪就係因為去IKEA，即使只逛唔買運下吉，幾時都咁開心囉~而去完森林公園之後，發現唔去都唔得，公園附近唔多見太多食肆，咁我哋既午餐就靠晒你啦IKEA~係香港，即使係非常大既IKEA分店，都係逼滿晒人，去台灣應該可以逛得鬆動啲吧？
台中IKEA真係好—-大—-﹗成楝building都係IKEA~~~我想俾詩詩午飯前小睡一陣，但入到去傢俬陳列室，佢就變得更興奮更精神了，成日要落地玩，但一移動去下一個部份又即刻要抱住，仲指定要我抱丫﹗可能先一晚係逢甲夜市佢太扭計，抱住時郁來郁去，搞到我都少少過勞，去到IKEA時腰好痛丫~但佢又一定要我，唯有將邱詩呢個小人仔以外既嘢全部交晒俾爸爸拎啦~腰痛時有時徒手抱比起用hip seat仲要好少少，而且佢想落地可以即時「放監」~
其實台中IKEA都有俾小朋友入去玩既遊戲區，曉夠大個可以入而詩就未夠秤，而且要小朋友自己入，曉知道夜晚去親子餐廳有得玩波波池，都冇話好堅持要入去玩~對於佢哋嚟講，有得試坐各種梳化、傢俬，根本已經好好玩，客廳部有大人安樂椅小朋友安樂椅，辦公室傢俬可以辦返工，兒童傢俬+玩具部就更加係小朋友天堂~
好舒服呀~
曉(真實對白)：我既高度啱啱好﹗
詩(設計對白)：只要我爬到上去既都啱啱好~
三父女一人一張~曉都係鍾情小朋友size嗰張~
媽媽都要休息一下~
行到中段終於見到餐廳啦，估唔到都好多人﹗﹗餐廳真係好大，好在我哋去到邊緣位置等咗一陣都有位~
因為客人好多，所以我同詩詩坐低咗，爸曉組就出去買嘢食了~
出動﹗要排隊排咁耐，辛苦了~
食咩好呢？
滿載而歸~
詩詩點都要瞓一陣覺先至食午餐啦~我攬住詩瞓，一邊篤電話打機，覺得好耐好耐佢哋兩個都未返嚟，我想食咩？只覺得子口渴，要飲啲凍嘢，同埋，去親IKEA餐廳都要凍蝦同埋甜品﹗睇下佢哋揀咗咩返嚟先？
好豐富呀~
牛扒肉味好濃，沙律好清新，三文魚就正常啦，但嗰個蔬菜薯餅好耐冇食過食落又幾好味，忌廉湯係詩詩最愛，甜品？三個女孩子當然好捧場啦~
我哋食到七七八八時詩詩就醒咗啦，佢都係胃口唔太好，好在揀咗既食物都有佢啱食既，麵麵、薯餅、忌廉湯、蛋糕~
詩詩係度食食食時，我老公同佢既小情人玩到笑到卡卡聲…
我都唔執輸，攬住詩詩影張sweet sweet相先~
充電完成，可以自己行樓梯~
搵到架購物車，諗住等我輕鬆啲，唔駛抱住詩，可以加速完成路線，點知連曉都坐埋上嚟，乜真係舒服咩？
食飽飽我哋要完成未行完既部份，我哋一路行，好似見唔到捷徑，可能台灣人冇香港人咁心急？一行就由頭行到尾？今次係輪到我心急啦，因為曉開始冇電，要盡快去到出口，趕返酒店瞓覺呀，佢而家咁大個咁重，係街瞓真係唔係好主意囉~
今次去台中IKEA我哋都有收獲呀，曉揀咗一盒顏料，可以同詩詩一齊玩，買咗個pizza玩具俾逸逸做手信，day揀咗個遊戲轉盤，我揀咗兩塊浴室墊地毛巾~哈，我原本揀咗一條粉紅色、一條灰色，點知去到check out counter，個職員話粉紅色嗰條係陳列品，問我轉兩條都灰色好唔好喎~好就唔係幾好架啦，不過我費事再長途跋涉返去拎條粉紅色…
俾好錢就急急腳走啦，即刻uber反酒店同曉瞓覺，詩詩，你同爸爸繼續去搵節目啦？
台灣宜家家居網站：
待續
前往其他台灣旅遊blog