day 3、旅程既第二個早餐，其實對於去酒店附送既早餐都唔係好熱衷，但都照去食啦，噢，要排隊喎，咁就順理成章出去搵食算數咯~先一晚非常熱鬧，又多食肆既街道，估唔到早上變得非常靜，放棄咗酒店對面既café之後，行好耐都未見到早餐店，應該都行咗有三四個街口先搵到我哋食早餐既地方~
呢間早餐店都好多選擇，傳統既蛋餅、蘿蔔糕等，又有西式既三文治、漢堡包、多士，我以為要午餐先有得食既扒配意大利粉，原來如果你想食既話都可以照嗌~曉話要「漢堡包」，我幫佢揀咗平時都鍾意既魚柳包，點知原來佢睇中咗牛肉漢堡嗰塊芝士，而魚柳包冇芝士，搞到佢非常失望，我就諗住同詩詩分個肉鬆蛋餅，另外day又叫咗其他嘢，總之我哋兩個大人包底啦，唔太開胃既詩只對肉鬆有興趣，完全唔食個餅囉，之後再叫多個蘿蔔糕俾佢又係食得少少…結果變成我食得太多~
冇晒蛋餅繼續撩肉鬆嚟食既小朋友~
曉要返酒店去廁所，我就同詩慢慢食埋再走~好不容易重新集齊四個人，終於可以出發今日既第一個目的地—-文心森林公園~
plan一個台灣trip，本來就打算點都搵一個特色公園去玩，香港啲公園既遊樂場好似倒模一樣，非常沒趣，刺激少少既玩意完全冇，好多時睇啲親子遊既報導都會介紹台灣既遊樂場，所以我都好用心咁揀~結果就揀咗文心森林公園喇，呢度有個十二感官遊戲體驗區，睇落我哋兩個小朋友可以盡興一番~
文心森林公園雖然叫「森林」，其實位於市區，我揀佢除咗因為啲設施之外，仲因為旁邊就係台中IKEA了，可以逛逛街同食下嘢~
一落車就要即刻親親大自然，享受下個公園了~(其實係見到有一級就要踩同埋坐~)
鬧市中既「森林」~
公園範圍都幾大，我哋落咗車之後，跟住地圖行去親子區，原來個遊戲體驗區根本唔係親子區喎~親子區適逢有個市集，賣好多附近農戶既新鮮產品，其實我見到啲柿子同埋蜂蜜都覺得好吸引架，不過一大朝早仲有好多地方要去，唔敢買啲咁重又容易爛既嘢~
十二感官遊戲體驗區唔算大，但設施種類好多，而且好多係香港都未見過，難得曉都好肯樣樣試下~詩就唔駛講啦，膽生毛既佢樣樣都要玩~遊戲區其實日日嚟都唔會悶，因為有小朋友百玩不厭既鞦韆同埋沙池~
詩詩行平衡木~
好離心既轉轉椅~
梅花樁
呢個波波滑梯真係sir咗一次就唔想再sir，pat pat好痛呀~所以曉sir咗少少就要行落嚟~
我明明下定決心唔再sir第二次，點解又陪詩詩再sir呢？因為上去呢條滑梯係好似攀岩咁上去(睇下後面個小朋友)，詩詩抵擋唔到攀岩既魅力吧？
呢啲珠珠嘛，鍾意數數又得，砌圖案又得，製造聲音又得，無限可能性，任君發揮~
玩沙一定係all time favourite﹗
彈弓平衡木仲可以咁玩喎~
捐窿窿/秘密基地都係另一個小朋友最愛吧？
詩：波波呀~
經常都好關照妹妹既家姐~
家姐自己玩可以刺激少少~
仲有呢個可以推入拉出既木樁，可以砌唔同嘢~
我砌咗個R字，R is for Rita Regina Rachel~
玩到成身汗~
我哋都玩到詩詩攰睇落要瞓覺先走~
待續
前往其他台灣旅遊blog