1-10-2019:home-made生日蛋糕–老公生日快樂

上次母親節day同曉曉合力整咗個朱古力慕絲蛋糕送俾我,今次day生日,我同曉曉點樣同爸爸慶祝時,提到整個生日蛋糕俾佢,問day想要咩蛋糕,因為佢近年不停發福,好多批褲都陸續唔啱著,所以佢既要求係—-唔肥既蛋糕~上網搵下「低脂、低卡」蛋糕食譜,就search到今次整既乳酪蛋糕喇﹗食譜本身係芒果乳酪蛋糕,但靚既芒果可遇不可求,好多時仲要買返嚟放幾日先熟(買既時候唔知究竟係放三日五日定七日囉,可能道行未夠深),我睇,轉藍莓或者士多啤梨應該都ok~呢排啲藍莓又大粒又甜,就藍莓啦﹗結果變成藍莓乳酪芝士蛋糕,day話,點解變成曉曉鍾意既蛋糕既?umum…我真係諗住整俾你食架,唔知點解會發展成咁…

材料都好容易係Taste買齊,Taste搵唔到既魚膠粉呢,上次有用剩咗可以用番~除咗水果主題改動之外,個乳酪由原味改咗做藍莓味乳酪,噢,似乎越嚟越唔瘦了~

我見個蛋糕容易整,打算安排適合既steps俾曉曉幫我手,但估唔到既係,詩詩都好想幫手囉﹗﹗﹗詩話:「我要攪呀~我要攪呀~」兩姐妹仲要爭住幫,搞到我一頭煙~哈哈~要係廚房加熱既部份我就禁止佢哋入嚟,但我一拎任何嘢出嚟佢哋就擁過嚟啦~

大家整碎個餅底,多數用桿麵既木棒,我哋屋企有玩具鎚仔喎,好啱用~好在入咗double膠袋咋,如果唔係一定一地都係餅﹗

大家努力整個餅底時,家姐醒咗詩詩一塊消化餅,一邊睇呀一邊食~jap jap jap~

鋪餅底,家姐似模似樣喎~

詩詩唔執輸~

藍莓芝士糊同魚膠粉都預備好了~

第二日…

我總係覺得個樣有啲奇怪,呀,我知道啦,人哋啲藍莓芝士蛋糕上面唔係就咁赤裸裸一粒粒藍莓架,係藍莓醬嚟架,唔怪得之個樣怪怪地啦~但…味道好好﹗

爸爸,生日快樂﹗

詩詩呢期興「鬼臉」,但家姐貪靚唔肯鬼臉~結果最醜樣係我哋兩個大人~

同場加映﹗

合家歡,一齊玩既氣墊球做生日禮物~(攝:曉)

即刻玩~

我就係用呢個食譜嚟改編喇﹗

https://icook.hk/recipes/209020

Comments

comments

發表迴響

你的電子郵件位址並不會被公開。 必要欄位標記為 *