三父女都瞓醒覺就可以出發下一個目的地啦，Siam Paragon嗰度幾個大商場連埋一齊，除咗Siam Paragon有兩個大景點之外，BTS站另一邊既Siam Square One就有另一個新景點—-Line Village Bangkok~香港人多用WhatsApp，但係泰國其實Line係最多人用既通訊app嚟架~所以之前為咗同包車司機聯絡，我哋今個trip都專登download咗Line~
我哋再次用Klook嚟即時買飛，不過我哋去到售票處先至買，要等15分鐘先至啟動到，如果決定過去時就馬上上網買飛就可以節省少少時間~
Brown歡迎你~
兌換門券~
等緊Klook門券生效時，睇下入面有咩玩~
門口既小火車佈景板~
入場~
Line Village其實係有多個唔同場景，周圍都可以見到Line既角色，如果你係Line Friends既fans就一定要去~我哋其實唔算好熟Line Friends，但小朋友見到可愛既bear bear同兔兔都開心既，又可以係啲場景度搞搞震~我哋去嗰日幾乎冇乜其他遊客，每一個場景都係我哋一家四口獨霸，啲職員都好主動又好樂意要幫我哋揸機影相~
圖書館，曉個pose夠晒犀利~
原本好似有一本係可以抽起嚟啟動機關開門，但而家好似壞咗lu，直接已經有通道可以前進~
進入Line世界~
Brown既屋企~
入到去就坐人哋張床，好唔客氣喎~
Cony既廚房~
可以係枱度扮煮食物~
或者用遊戲機真煮食物﹗電腦夠晒多，連詩詩都可以霸住一部嚟玩~你睇佢幾認真~
難得可以嬉戲同奔跑既廚房~
女生天生愛美~
原來係Sally既香閨~
參觀Boss既辦公室~
唔記得咗係邊個既電單車了~
風流倜儻既James~
擺pose既可愛詩詩~
點解其中一個係媽媽嚟既？好驚呀~
好似Snow之類既相機，但佢哋唔夠高，認樣認得唔係幾好~
寧靜既山林露營~
怪獸出沒呀~
有型行catwalk~
好夢幻呀~
個個小朋友都鍾意賣雪糕﹗四歲曉既其中一個志願係賣雪糕~
一齊食~
市集裡仲有水果店~
休憩既噴水池~
同埋大樹下~
DJ詩& DJ曉~
好多好多好多Brown呀~
參觀完Line Village，又未夠鐘食晚餐，我哋決定搵個地方休息一下，之後再逛逛街先至食晚飯~係Siam Square One搵到一間全曼谷周圍都見到既連鎖店Café Amazon~
裝潢好靚，坐得舒服，但飲品味道又係…極甜﹗﹗似乎都係要飲咖啡先得~
跟住我哋返過去Siam Paragon行街，直接上去玩具部、bb部，小朋友們都會比較樂意自己行，又高興啲~一方面要追住隻詩，另一方面曉又「媽咪你睇下~」，都幾忙~
三父女睇玩具各自各精彩~
我哋都有少少收獲呀，買咗一pack七彩顏色既紮辮用橡筋俾曉，又買咗個小紅鶴手袋俾佢~其實嗰個系列既手袋真係好可愛，我好想買嗰個菠蘿手袋俾詩詩，但詩詩真係完全唔鍾意束縛囉，一幫佢揹上去就除，咁都冇辦法，你大個啲先買俾你啦~
但行街睇靚靚嘢呢件事好快就要腰斬，因為行行下，曉突然嘔呀~噢，嘔咗係商場既地上面，一方面關心下佢有冇事，另一方面爸爸又好忙碌咁清潔番~佢好似有啲痰聲咁，所以嘔咗第一次我哋都不以為意~冷氣有少少凍，時間又晏咗啲，咁不如去搵嘢食啦，點知接二連三地繼續嘔多幾次，曉自己都數住，原來佢當晚總共嘔咗五次，係商場、係酒店大堂、係酒店房都有嘔，哎唷，真係(又)病病豬咯~結果佢都係打破唔到自己旅行會病既宿命，過去好幾次旅行中途佢都發燒，今次嚟到day 7都未發燒已經覺得好好，但結果又嘔~
因為持續嘔，所以我哋決定唔係商場食晚飯，而係買外賣返酒店食啦，等曉可以早少少休息~我揹住詩入去超級市場買嘢食，day就陪曉坐低等我哋~但個超級市場超級大呀﹗﹗又多熟食揀，即使冇選擇困難症都會覺得好苦惱~結果又係例牌會買既炒飯，另外揀咗個西式既魚餐盒，另外揀咗個肉醬意粉~當時我都唔為意，個肉醬意粉標榜低卡、減肥，我睇落個樣又好正常，以為係啲汁少啲油少啲調味料之類，返到去食，原來低卡既原因係，嗰個唔係普通既意粉，而係蒟蒻麵，味道好奇怪呀~~~個炒飯都叫人失算，唔打開都唔知原來炒燶咗~oh no no~返到酒店時曉其實完全唔開胃，但啲食物又唔可以留，所以爸爸再出咗去附近既24小時小超市買咗麵包同牛奶俾曉，曉先至食到少少嘢~
顧住病曉都冇乜心情影相，冇影低啲食物，得呢個燶咗既炒飯~
好好彩，雖然連續嘔咗五次，但夜晚瞓著咗之後冇再嘔lu~希望第二日身體會好啲啦~
Line Village Bangkok網站：
https://www.linevillagebangkok.com/
Café Amazon網站：
待續
前往其他泰國旅遊blog