30-12-2018:台北+北投溫泉2+2之旅day 4(part 2).新北市歡樂耶誕城、祺佬叔叔推薦小巷cafe

我哋離開覺旅咖啡,考慮一下路線點樣去下一站,我哋打算今晚去新北市板橋睇燈飾(呢個係家姐強烈推薦既),另外就係約咗嚟咗台灣工作既中學好友祺佬食飯~我哋決定搭的士出番去最近既台鐵火車站,然後搭火車過去板橋~以前去花蓮、去宜蘭都有搭過台鐵(請參閱:23-6-2009:花蓮day 1(part 1).由台北出發去﹗13-9-2010:台北宜蘭trip day 2(part 1).宜蘭頭城農場.休閒.焢窰),印象係比較長途先至會坐,但其實如果路線啱既話,搭短途都冇話唔得,即使今日遇著放工時間火車有誤點,但班次夠密都ok~

去到松山車站詩詩已經瞓著咗了~

原來台鐵火車都有咁多款唔同外型~

攰攰三人組~

板橋站既靚靚燈箱廣告,開頭曉曉唔肯去影相,但放詩詩落地後,曉就有番啲動力了~

新北市原來每年都會舉辧<新北市歡樂耶誕城>活動,家姐之前去過,覺得個超大型燈飾係香港無法比較既,所以強烈推介我哋去睇~因為燈飾範圍好大,我哋出站之後求其上咗地面再算,上到去就見到好多好靚既燈飾了~

好靚既粉紅色呀~

當然要自拍下啦~(但咁樣影就唔太似粉紅色了~)

靚~

之後搵到最主要活動既站前廣場,最震憾既係利用整幢大廈外牆做既螢幕,播放短片,睇到兩個小朋友入晒迷~

站前廣場

好犀利既外牆screen

播放短片好吸引~

吸引到目不轉睛~

另外好吸引既當然唔少得好夢幻既旋轉木馬啦,不過我哋唔夠時間排隊玩,所以只能夠影張相~廣場四周又開咗好幾間期間限定既特色店鋪~始終曉朝早都發過燒,個人好攰,day真係抱咗佢好多,連我睇住都覺得辛苦,所以未到約定祺佬既時間我哋決定搵個地方休息下~

係站前廣場前面就係新北市政府大樓,我第一次見到性別友善洗手間,其實平時香港去既親子洗手間或者大型活動既臨時洗手間都係無分性別,但咁開宗明義話係性別友善洗手間,係香港可能只有大學裡面先有吧,係呢方面台灣都係比較開放一啲~

我哋決定去商場睇下有咩餐廳啱食,哇,周圍都超級勁多人﹗﹗﹗問任何一間餐廳,都話最快要八點幾之後先有位,我哋等唔到咁耐啦~所以都係等埋地膽,我哋離開板橋車站遠少少食吧~

落咗去比較溫暖既地下街/隧道,嗰度連接住車站同埋商場,可以舒服少少等祺佬,嗰度有一排落地大鏡,可以吸引到咩人?

有一群又一群既後生仔女係度練習跳舞,好青春呀~佢哋各個組別自己帶音響過嚟,好自律咁自成一角咁練習,盡量唔影響其他群體,睇佢哋都係十幾二十歲咋~其實我都好鍾意跳舞,不過讀U時我唔敢參加dan so,怕冇能耐半夜三更練習跳舞,我既style亦感覺同dan so既人格格不入咁,所以只參加咗體育館既跳舞班,而家做咗阿媽都羨慕唔嚟,連去Physical跳健康舞既機會都冇lu~

我哋就邊睇跳舞邊休息~

恐怕新北市政府都係專登設計呢個空間俾啲年青人,呢啲「塗鴉」應該係有計劃既粉飾,多過被人違法地畫上去吧?

見到祺佬之後,佢提議帶我哋去離車站遠少少既餐廳,不過要搭車去,路程唔遠,但的士要鑽入人跡罕至既小巷先停低~行去的士站途中亦睇到唔少燈飾~

大合照~

冇幹勁既曉~

心心~

人頭湧湧~

\

其實係影聖誕樹~

自拍一團糟~

點解你哋兩父女咁浪漫既?

的士轉入小巷…哇,係一間好靚既cafe呀~

如果係香港,呢啲靚靚又細細間既cafe通常都唔familly friendly嘛,呢度居然有bb櫈喎~個廁所我同曉幫襯咗好多次,好乾淨之餘,陳設都好別緻,相就當然冇影啦,我記得洗手用既番梘係一串咁用繩縛係度架,黑色一粒粒好似石仔咁~食物方面都好有水準,我哋又試咗飯、pasta、沙律,之後連甜品都試埋~飲品方面,小朋友既果汁反而仲出色過我叫既奶茶~

祺佬叔叔與詩詩~

開心晚飯~

食飽飽又盡情傾計之後,我哋搭咗uber返酒店,我係第一次搭uber呢,車坐得又舒服,司機態度又好~香港既的士司機真係要自強呀~

前往其他台灣旅遊blog

Comments

comments

發表迴響

你的電子郵件位址並不會被公開。 必要欄位標記為 *