記得陀住曉曉時20w出過呢篇blog(請參閱：10-12-2014：懷孕扎記20w4d．訪問準爸爸)，今次又搵day再答我啲問題，以後都係好好嘅回憶呀～不過佢⋯今次啲答案嘛⋯爆笑多過甜蜜～

問題同上次嘅幾乎一樣，睇下答案有咩唔同先～

Q1. 嚟到二十週咯喎，而家感覺如何呀？

成日都唔記得老婆有咗⋯

Q2. 最初知道有咗BB時心情如何？後來呢？

都開心嘅，係諗住想要家嘛，後來呢，冇後來囉，都唔記得咗，點會有後來啫～

Q3. 有曉曉同有fufu時有咩分別？

應該冇乜太大分別啩⋯平常心地等待﹗

Q4. 太太有咗BB之後對你哋生活最大分別係乜嘢？

我覺得第二胎就真係冇乜分別，佢應付自如，行動自如，自如到好似唔似有咗咁，所以先至會唔記得～最主要係佢自己冇太緊張，或者要預先準備太多嘢，係導致我唔記得嘅主要元凶～

Q5. 嚟緊有冇咩係特別期待嘅？

期待佢出世囉，仲有咩可以期待？我上次答咩？(Rita：你話想佢踢得大力啲等你可以feel到⋯)今次已經feel到咗咯～

Q6. 又有冇咩係特別擔心嘅？

冇呀，我不嬲都唔擔心～

Q7. 有冇咩說話想同太太講？

唔好抱阿曉～

Q8. 你希望BB將來似你定係似太太？

似我老婆，就算係仔都似我老婆～總之似我老婆我就應付得好啲﹗(Rita：係咪好似曉咁？)點點頭﹗

Q9. 有冇咩說話想同未出世嘅BB呱講？

除咗夜晚12:00至早上7:00，每小時都踢媽媽幾下﹗加油﹗

Q10. 有冇咩冇問你你又好想自由發揮作答嘅？

會否偏心其中一個？唔駛擔心，肯定會﹗暫時應該偏曉曉多啲，盡量唔偏太多啦～媽媽會唱：我以前是冠軍⋯

前往其他懷孕扎記blog

Comments

comments