1-9-2016:北海道三人行day 5(part 1).超旺季過後上富良野Flowerland花田

我哋會係富良野住三晚,咁耐?一日留係富良野,一日去旭川,最尾嗰日去完美瑛就出番札幌,富良野作為一個基地就唔駛成日搬酒店啦~舟車勞頓後嘅第一日,我哋決定三個行程之中搭車相對較少嘅富良野花田﹗

collage512

一日嘅開始梗係最重要係個早餐啦﹗有別於札幌同登別嘅自助早餐,Furano Natulux Hotel嘅早餐係一人一份嘅,有得揀和式或西式,要先一晚揀定款式,而飲品同cornflakes就自助~雖然係一人一份,但都唔好睇少佢,款式又多又精緻,味道樣樣都好(除咗我直接婉拒免得浪費嘅納豆﹗哈,冇理由因為唔食納豆而唔揀和式早餐嘛~)﹗又係嗰句,最令人印象深刻嘅唔單單係食物本身餐廳環境本身,而係對客人,包括年紀最小嘅客人嘅重視,曉曉雖然係冇俾錢嘅guest,但都有得揀俾白飯定麵包佢喎﹗﹗good good~

食到八八九九諗住睇番火車時間表,哇,雖然由富良野搭火車去上富良野站只係好短距離嘅local車,但原來班次都少得可憐﹗﹗要趕過去啦,唔好miss呢班車呀,唔係有排等﹗﹗好在火車站超近,只係過條馬路啫~

點解標題要特別講超旺季過後呢,其實睇旅遊書時,去富良野最出名嘅花田農場一定係富田農場,由JR薰衣草花畑站可以徒步過去,難怪咁受歡迎﹗大家有留意我day 0 blog講啲preparation就知,其實我哋揀呢段時間去係為咗就我個韓文班sem break,所以同朋友講起去北海道都有人話「呢個時間乜都冇喎」,意思係指又冇薰衣草又冇紅葉嘅尷尬位~其實我後來再plan行程時就知,即使薰衣草已經過咗最盛開嘅日子,其實仲有好多其他花都仲好靚,所以旅程時間有限,係函館同富良野一帶之間挑選,我依然揀咗去富良野而放棄函館,但問題後來先陸續出現,原來去富良野唔揸車真係會綁手綁腳,估唔到薰衣草花畑站係臨時站,到八月中會關閉,而觀光巴士亦會停駛,有啲就剩低星期六日有服務~所以我哋基本上係去唔到富田農場﹗﹗其他options之中我揀咗上富良野嘅Flower land,可以由上富良野站搭10分鐘的士去,起碼叫做去得到先丫~

collage511

好天氣自然有好心情,搭車嚟個自拍,點知螳螂捕蟬黃雀在後,我哋被捕捉了﹗

螢幕快照 2016-10-30 上午10.59.32

沿路大多景色係呢啲鄉村景色,花花就未係好覺眼~

好在一出站就有的士了﹗我去過咁多次日本先第一次搭的士咋,始終日本的士出名好----貴----﹗今次如果唔係無可奈可都唔會諗啦~我係怕貴怕到係香港plan行程時search清楚北海道的士跳錶收費,再用google map畫條路線計距離,再人手計大概搭的士呢段路要幾多錢﹗照計就應該1000yen鬆啲可以去到,搭10分鐘要1000yen就梗係貴啦,但以Flower land免費入場嚟講,我哋來回的士即使要3000yen都仲ok嘅﹗果然,跳錶嘅結果都冇點樣out budget,放心晒~

螢幕快照 2016-10-30 上午11.01.36

Flower land Kamifurano--富良野Flowerland到達﹗

螢幕快照 2016-10-30 上午10.59.38

去到一落車先係一個賣嘢食賣紀念品嘅室內空間,我哋當然先去睇花花啦~Flower land免費入場,但我哋坐嘅觀光小火車就要每位500yen,幾時開車?哈,原來有客就開㗎啦,我哋嗰班車就得我哋三個乘客﹗

collage513

架小火車駛出去以超慢速度行駛,而花田亦一眼望晒﹗係旅遊書、旅遊雜誌睇嘅北海道花田好似無邊無際咁,我一直天真地以為成個北海道係夏季嘅時候處處都係花海,所以早上搭local火車時都咕嚕冇乜特別嘅風景睇,卻冇諗過其實花田啲花都係要專登種出嚟嘅觀光農場,觀光農場的話地方當然有限大啦,其實話Flower land嘅花田一眼望晒,其實影相都好夠大㗎啦~可能我哋坐係觀光小火車上面居高臨下就覺得範圍細,之後再徒步行住影相就覺得都唔算太細嘅,當然我哋後來去美瑛嗰個觀光農場就更大啦~

我哋搭小火車兜一圈之後就用腳去重新參觀一次﹗

螢幕快照 2016-10-30 上午11.00.22

日本人好興呢啲有埋日期嘅影相位,仔細一睇,原來啲紅花係排成北海道嘅地形呢~

collage514

邊個可愛啲?好似爸爸贏呢~

螢幕快照 2016-10-30 上午11.00.28

發現蒲公英﹗

螢幕快照 2016-10-30 上午11.00.32

花田嘅風景睇落又唔係好同呢,更加壯觀了~

螢幕快照 2016-10-30 上午11.01.19

呢度雜色嘅花叢令我諗起可以用嚟練玉女心經~^^”

螢幕快照 2016-10-30 上午11.01.12

黃花

螢幕快照 2016-10-30 上午11.01.05

橙花

螢幕快照 2016-10-30 上午11.01.00

彩色花

螢幕快照 2016-10-30 上午11.00.38

邊個話九月冇薰衣草㗎?

螢幕快照 2016-10-30 上午11.00.43

咁樣影出嚟都唔太寒酸丫~

螢幕快照 2016-10-30 上午11.01.24

呢種花花唔知叫咩名,似乎係而家最燦爛呢,色彩好鮮艷~

螢幕快照 2016-10-30 上午11.01.29

人比花嬌?花比人嬌?

螢幕快照 2016-10-30 上午11.00.54

望下、聞下、輕輕溫柔摸下

螢幕快照 2016-10-30 上午11.00.49

靚靚

螢幕快照 2016-10-30 上午10.59.55

咁我都唔排除七、八月時嘅薰衣草更靚更茂盛嘅,下次再嚟囉﹗呵呵~

螢幕快照 2016-10-30 上午11.00.17

勝在有好天氣

螢幕快照 2016-10-30 上午11.00.00

花花﹗﹗

不過曉曉唔係好肯落地丫,呢個城市人⋯唉~好不容易肯落地行,係泥地上戰戰兢兢,幾步路又要抱抱了,所以火日竹竹竹唔到幾張曉曉靚靚單人相呢~

collage516

我哋上埋去展望台度睇,可以望晒整個Flower land了﹗

collage515

出番嚟試下呢度嘅薰衣草雪糕,雖然係漂亮嘅淺紫色,但只係少少香甜味,又唔係太薰衣草,叫做試過啦﹗係對面嘅薰衣草主題店,曉曉好喜歡隻兔兔公仔,我哋結果買咗一隻俾曉曉,一隻一模一樣俾快要出世嘅表妹逸bb,到時佢哋一人攬一隻嚟影相咪超級cute?

其實咁都叫做逛完Flower land,而我哋亦要注意唔好miss local火車嘅班次,寧願早啲出番去上富良野站﹗我哋發現真係冇可能等運到,似乎好難撞正有人搭的士上來吧?呢段路出去火車站成超過3公里,農場仲要係山上面,行路要超過一個鐘,真係冇可能~好在我哋落車時的士司機俾咗咭片我哋,我哋拜託Flower land嘅職員幫我哋call車,好快同一間的士公司嘅車就嚟到了﹗

螢幕快照 2016-10-30 上午11.00.06

呢個時候曉曉要瞓覺啦,出到去火車站坐下又影下相咁啦~

螢幕快照 2016-10-30 上午11.00.12

byebye上富良野~

下晝嘅行程既令人期待,亦令人擔心呢,我哋要抓緊時間﹗

Flower land Kamifurano官方網站:

http://flower-land.co.jp/

前往其他日本旅遊blog

Comments

comments

在《1-9-2016:北海道三人行day 5(part 1).超旺季過後上富良野Flowerland花田》中有 1 則留言

Catherine 發表迴響 取消回覆

你的電子郵件位址並不會被公開。 必要欄位標記為 *