30-8-2016:北海道三人行day 3(part 3).心のリゾート 海の別邸之食好啲、住好啲、開心啲

為咗要出去行下等曉曉晚飯之前瞓一覺,我哋輕裝咁落去酒店附近行下,趁佢未瞓時出去望海嘅平台度影下相啦﹗

螢幕快照 2016-10-27 下午12.11.07

我哋住嘅三樓都有一個小小圖書角,你睇嗰位小朋友幾好學?

螢幕快照 2016-10-27 下午12.11.12

舒服嘅座椅總令人忍唔住要坐一下﹗

螢幕快照 2016-10-27 下午12.11.50

出去戶外之前有個裝備室,實在太太太太太貼心了﹗估到會有嘅有唔入鏡頭嘅雨傘啦,浸足湯時用到嘅毛巾都諗得到嘅,但其他嘅全部都想像唔到會出現,擋風保暖嘅斗篷、遮太陽嘅太陽帽估唔到有小朋友size,仲有唔入鏡頭嘅皮鞋﹗事關大家可能著住拖鞋落嚟,出戶外仲要提供埋室外鞋俾你替換添~

風和日麗嘅日子呢個平台應該真係好舒服,坐下舒服嘅座椅望下個海,親近下大自然,身心應該都可以好好休息~

collage336

不過打風嘅日子嘛,真係此地不宜久留,太大風,我咁重都差唔多被吹走,更加唔敢俾曉落地跑步步,要攬實穩陣啲﹗

collage333

打風中嘅登別海邊,都係難得嘅體驗吧?

螢幕快照 2016-10-27 下午12.11.18

用心設計嘅花園

螢幕快照 2016-10-27 下午12.11.59

心のリゾート 海の別邸戶戶向海,有啲應該係貴價啲嘅房間吧,仲有埋露台添呢~

螢幕快照 2016-10-27 下午12.12.06

點都好,都試下佢個足湯啦,咁貼心有毛巾無限供應喎,溫度唔算好熱,不過坐一陣過下癮影張相就算啦,因為開始落雨了~

好啦好啦,入番室內,強制瞓覺先,爸爸抱曉曉去行下,我就去番lobby坐下睇下雜誌,冇㗎,得日文書同埋雜誌咋,我揀咗本類似講生活品味嘅雜誌嚟睇,好多相片,適合作為「文盲」嘅我,雖然講有錢人嘅生活品味,但感覺好優雅,內容唔講珠寶唔講名錶唔講名車,但就講下旅行講下美食講下生活嘅detail,印象最深刻嘅係一個lace特集,少少lace花邊就可以點綴生活同埋衣著~另外一個好深刻嘅係類似「陸上郵輪之旅」嘅旅行團介紹,點解郵輪可以陸上呢?其實係一個豪華火車九州七天旅行團,有幾晚住係火車入面嘅豪華獨立房,就好似坐郵輪嘅船艙咁有床有私家浴室,係火車入面享用美食,然後會「上岸」,係某啲景點會落車一日遊之類,然後好似其中兩晚會入住九州嘅溫泉旅館,唔同價位嘅溫泉旅館的話整個tour就有少少價錢嘅分別﹗好似好吸引咁呢~日本仔真係好多諗頭丫﹗我睇緊雜誌時,day就抱住瞓著咗嘅曉入番嚟,我哋終於悠閒地坐下啦~

差唔多到晚餐時間,我返上房間拎齊曉嘅開餐用品,叫醒佢就可以去食飯lu,進入我好期待嘅一個環節,就係好多道菜嘅溫泉旅館全餐﹗

螢幕快照 2016-10-27 下午12.11.23

我哋入座獨立廂房,要除鞋梗係好啦,仲free仲舒服,職員俾咗我哋揀曉嘅座椅,係櫈仔同埋booster chair之中我揀咗booster chair,應該佢冇咁易跌同埋冇咁易逃脫~今個晚餐確實樣樣都好食,到打blog嘅呢一刻隔咗兩差唔多兩個月,我印象最深嘅食物得番和牛shabushabu warm salad,其他嘅味道已經開始淡忘,但依然令我感動嘅係佢哋對小朋友客人嘅重視囉﹗我哋book酒店時係book兩大一小,小朋友嘅可以揀要唔要床舖同埋要唔要飯餐,我幫曉揀咗兩樣都唔需要,反正佢都同我哋攬住瞓,食又share就ok,但都有少少收費嘅,即使冇床鋪同冇飯餐嘅小朋友都係尊貴嘅客人,佢哋都提供白飯、果汁、湯同埋甜品俾佢呀﹗太體貼了~等我哋睇下晚餐嘅食物啦﹗

螢幕快照 2016-10-27 下午12.11.31

有英文餐單,少一份驚喜,但就可以知道自己食緊啲乜囉~:D

螢幕快照 2016-10-27 下午12.12.20

果味cocktail,甜甜易入口,酒精應該好少喇~

螢幕快照 2016-10-27 下午12.12.15

曉曉喜愛嘅粟米豆腐

螢幕快照 2016-10-27 下午12.12.10

刺身拼盤實在太華麗太闊綽了﹗種類又多又厚切,樣樣都好鮮美呀~最正應該係唔識個名嘅白肉魚﹗

螢幕快照 2016-10-27 下午12.12.27

濃味油脂豐厚嘅烤鴨肉同清新嘅蔬果smoothie當然係絕配啦﹗齋曉好鍾意蔬果smoothie呀﹗

螢幕快照 2016-10-27 下午12.12.34

開頭好難想像shabu shabu同沙律點樣可以一齊食⋯

螢幕快照 2016-10-27 下午12.12.39

原來係以warm salad嘅形態上菜,牛肉嘅油脂流落去蔬菜度吸收,加上酸酸甜甜嘅醬汁,想像唔到嘅夾同好味道呢~連齋曉都食好多牛肉呀,夠腍丫嘛~

螢幕快照 2016-10-27 下午12.12.45

蘿蔔蜆肉湯就中規中矩啦~

螢幕快照 2016-10-27 下午12.12.52

估唔到主食都咁精緻,茶漬炸飯糰,一片片嘅莫非係大雄佢哋秋天去摘嘅松茸?好香但口感有點硬硬的~

螢幕快照 2016-10-27 下午12.12.57

種種精彩嘅食物之後,呢個藍莓mousse甜品就相對有啲失色了~

螢幕快照 2016-10-27 下午12.11.37

曉曉話,都係雪糕好味﹗

螢幕快照 2016-10-27 下午12.11.43

我哋返到房時,榻榻米上面已經鋪到床鋪啦~

食飽飽返房休息一陣又到另一重頭項目,當然係浸溫泉啦﹗其實有啲緊張嘅係,今次係第一次帶曉去大浴場沖涼,因為房間入面係冇浴室的,曉即使唔浸都一定要落去沖涼,一來曉沖慣浴盆對花灑有少少驚,二來去到陌生環境唔知會點,我都要鼓起勇氣﹗好在我哋沖涼時客人唔多,有咩發生都唔怕太尷尬~更衣室好大好乾淨好舒服,我同曉曉都脫光光就入去沖涼,可能因為係陌生環境佢真係緊張吧,企定定唔會走嚟走去,我唱住歌同佢沖都好合作,順利完成﹗雖然都估佢會怕熱唔肯浸溫泉,都即管一試下,放一隻腳入去時就話熱熱,跟住想出去,ok,咁都係照我原本嘅計劃進行啫~更衣室嗰度好貼心咁有張bb床,我先放曉入去等我,我可以鋪大毛巾係地上同佢抹身著尿片,曉曉件小童浴衣雖然有啲oversize,但都超可愛丫~輕鬆搞掂就輪到我私人時間啦,爸爸同曉曉去玩,我入番去浸咯~內湯都有兩個池加蒸氣浴,我樣樣都試下咁啦,當然都要試埋外湯,心のリゾート 海の別邸當初最吸引我想入住嘅就係景觀似infinity pool嘅外湯,umum⋯因為打風嘅關係,同我expectation有好大差距,出去一陣我就要入番嚟了,因為大風大雨大浪得太恐怖了,雖然有簷蓬唔會淋濕,但視覺同聽覺效果都令人覺得有威脅,好怕有咩事都冇人知,都係出去啦,驚驚~

collage334

出到去見到兩父女係度自拍,我都要join呀﹗

collage335

曉曉著住件浴衣大佬曉嘅feel有少少番咗嚟,但好可愛呀~

collage331

開心~

collage332

榻榻米嘅好處係⋯張床無限大﹗

好滿意嘅溫泉酒店呢~一定可以好好瞓一覺﹗

心のリゾート 海の別邸官方網站:

http://www.kokorono-resort.com/

前往其他日本旅遊blog

Comments

comments

4 關於 “30-8-2016:北海道三人行day 3(part 3).心のリゾート 海の別邸之食好啲、住好啲、開心啲” 的評論

發表迴響

你的電子郵件位址並不會被公開。 必要欄位標記為 *