其實由JR小樽站行出嚟，我哋都唔係好知路線點樣plan好，隨便參考下地圖牌嘅散步路線，決定沿住JR站行出嚟嘅大直路先去小樽運河同埋小樽港，之後再轉過去好多靚靚鋪頭嗰條街度行同埋搵嘢食啦～
首先遇到嘅景點係一條已經荒廢嘅鐵路路軌，但因為長滿青草，所以而家變成好似個小公園咁，睇番介紹先知道係手宮線舊跡地～
我哋都係影下相咁，曉仲未瞓醒，冇得好似其他小朋友咁跑步步，或者當路軌好似平衡木咁行，去旅行時嘅曉16m行平衡木未行得好好，但而家打blog時差唔多18m就可以行得好好了﹗
我哋差唔多要離開路軌時曉就醒了，但睡眼惺忪嘅佢都未落到地住，算啦～
啱啱嗰啲叫瞓醒，但真正嘅醒應該係我哋買粟米食嘅時候﹗經過有間賣土產嘅鋪頭，有曉曉最愛嘅粟米食﹗
我哋都係第一次見白色粟米，而且係凍食喎，梗係試下啦～一試先知道係生粟米﹗味道似曾相識，似乎嗰次去台灣時沙律入面嘅「切片粟米」應該都係生粟米吧(上次同一個trip食過兩次切片粟米，感覺好新鮮﹗13-12-2014：台北babymoon day 2(part 1)．陽明山中極上料理@松園禪林&14-12-2014：台北babymoon day 3(part 3)．Att 4 fun．eslite TEA ROOM@誠品信義店)﹗
好甜又爽丫～同一間鋪頭仲有啲即烤海鮮，我哋就冇試了～
沿途都有啲靚靚飾物店，特別係玻璃飾品吧，我哋本來放係電視櫃上面嘅擺設其實自從曉有咗行動力同埋破壞力之後我哋都收埋晒了，所以即使見到我愛不釋手嘅青蛙擺飾我都忍得手冇買～
出到去小樽運河﹗因為太曬太熱？小樽運河俾我嘅感覺冇話好浪漫，當然兩旁好多舊倉庫都好有特色嘅～
景+齊人真係好難manage，有時唯有放棄曉﹗>v<
預埋你你又唔合作～
靚少少～
去到小樽港時太陽已經勁曬，同埋其實都冇乜嘢睇，純粹係一個碼頭，不過泊係度嘅漁船又都幾有風味嘅，碼頭好大陣氣油味，所以我哋影兩張相就走了～
行番出嚟時經過呢塊空地，有節日時應該會好熱鬧吧，可以租嚟搞function丫﹗
差不多到食飯時間，見到呢個由舊倉庫改建嘅美食廣場，入去睇下啱唔啱食，食物都ok，不過冷氣有點弱，同埋有少少霉味唔通風嘅感覺，又未至於好餓，我哋都係行下添啦～
嚟小樽其實我其中一個重要target係想食下政壽司﹗不過肚餓時仲要等一個鐘先入座到，我哋都係等晚市時早啲嚟等位啦～
我哋搵食時經過呢個出拔小路運河口，而家係美食街了，有趣嘅係，間間鋪頭都超迷你，座位通常都係十個以下，仲要坐吧枱位，我哋帶住bb論論盡盡咁就唔適合了，不過睇啲圖片，海鮮飯又真係好吸引﹗
經過一個tourist information centre，入去涼一陣冷氣，過一過冷河，恢復番少少元氣，睇一睇地圖orientate下我哋位置，再上路，我哋target最熱鬧嗰條遊客街，應該搵到食吧～
去到冇耐就揀咗我哋食lunch嘅餐廳，呢間餐廳主要食各類海鮮丼，適合我哋嘅一來有熟食俾曉食，二來馬上有得入座～
我哋叫咗一份生嘅千代丼，一份熟嘅海鮮丼，再加一份烤粟米，咁就夠晒我哋三個食啦﹗賣相就幾靚，不過味道其實一般，難怪呢間唔駛點排隊^^”，魚生飯上面嘅刺身唔算鮮味，冇乜驚喜嘅感覺，樣樣都不過不失咁啦，反而熟嗰碗就幾好食，蝦好大隻，粟米加咗牛油就好香，蟹肉同埋帶子搭上牛油味道都好送飯，曉曉都食得幾多～
烤粟米嘅醬汁好濃，我自己就覺得早上食嘅生粟米更加清甜了﹗我覺得一般好食嘅粟米，曉曉依然非常落力咁大啖大啖咬～
呢間勝在可以慢慢食又坐得舒服囉，二樓嘅洗手間個洗手盤有長枱，可以順便換埋片，幫曉換埋短袖衫至走，涼下冷氣充一充電都好丫～
就係呢間不太推薦嘅海鮮丼店～
款式雖然多，但味道唔夠好就點都輸蝕啲啦～
前往其他日本旅遊blog