冇幫手plan行程+忙住顧住個小朋友，我真係唔知下一站同埋今日接住落嚟嘅行程會去邊，anyway，跟住隊就最放心，家姐編行程就最放心～

熱熱嘅天氣之中，好冇志氣地最想涼冷氣⋯上車又有得坐又有得涼就最好～:p

接住落嚟我哋出番去George Town，參觀一啲尋日唔能夠靠步行去到嘅景點，第一站－－

泰佛寺～

有導遊就可以同我哋影張靚靚合照喇～

亞洲地區旅行去得多，逛過嘅佛寺無數，但今次最特別嘅，應該係對比斜對面嘅泰佛寺同埋緬佛寺～

泰佛寺第一眼最吸引人目光嘅肯定係呢四條閃閃發光嘅龍﹗

太陽光之下閃得更有氣勢了～

曉，你有咩想同條龍講？九個月大嘅曉對住條金龍手指指，打blog今日十四個月嘅曉應該會攬住我隻腳，震晒音咁講「媽媽」，再拍心口講「驚驚」～

泰佛寺嘅臥佛係經典嘅形態～對我哋嚟講，係室內叫做可以休息一下，起碼冇咁熱～

記起係斯里蘭卡啲善信多用新鮮花供奉(請參閱：11-12-2012：斯里蘭卡day 4(part 1)．佛牙廟)，呢度嘅蠟燭花都幾靚丫～

婆婆抱曉曉參觀～

曉曉，影相你望去邊呀？

熱熱嘅天氣之下，Tropical Spice Garden買嘅扇子可以即刻用了～

唔需要上車，斜對面就係緬佛寺啦～

大家覺得緬甸嘅佛像有咩特別？冇錯﹗係非常女相嘅佛像，神情好溫柔，同一般嘅好唔同呢～

被綁係揹帶咁耐，出嚟解放下啦～

之後就去食午餐了，導遊問我哋想食咩，我哋話要有冷氣﹗:p問我哋想食咩菜式，我哋本來都冇乜所謂，既然問到就食馬拉菜啦～佢本來推薦一間餐應，泊埋車帶我哋去⋯

點知間餐廳冇營業喎～我哋費事再走嚟走去，旁邊就係大美食廣場，雖然乎合唔到有冷氣嘅要求，但有得遮陰又有風扇，再買啲凍飲就ok啦～

檳城育嬰設備唔多，但bb椅就非常common，即使係咁街坊嘅大排檔都一樣有﹗非常好～

我哋以家庭為單位出去搵食，買咗幾樣返嚟再share～好多檔口都係出去點菜，跟住你話佢知枱號，佢煮好就會送嚟先至俾錢～啲食物portion細細，價錢又好平，可以試多幾款，而且樣樣都好味，非常好﹗又叫咗椰青，曉曉都有得參與丫﹗

導遊特別推介要試下地道甜品「煎蕊」，個名咁奇怪？其實係馬拉文嘅音譯，綠色嗰啲就係煎蕊了，係類似粉圓嘅東西，配埋刨冰一齊食，味道唔算非常特別，但係炎炎夏日之中夠冰涼就夠好了～

曉曉，你而家大個咗，再遇到呢啲媽媽就俾你騎上去玩啦～

待續

前往其他馬來西亞旅遊blog

Comments

comments