一得知海港城會有威利嘅展覽，我就打算一定要抽時間去睇睇，話晒我同家姐細個時都好捧場，成日都捧住本Wheres Wally嚟搵搵搵，今次嚟到香港，要好好回味一下童年丫﹗因為太忙，結果要到展覽結束前嘅weekend先有時間去參觀呢，好在仲趕得切﹗

星期六嘅中午，我單人匹馬帶住曉出城去到尖沙嘴，同放工嘅day會合食咗個lunch之後就開始我哋嘅威利之旅～呢個booth入面好似有啲活動咁，不過我只係外面參加咗手機打咭換禮物咋，都幾多嘢送喎，有一個威利眼鏡、放大鏡、紙扇、仲有兩個襟章添～

當然要去睇下展覽啦～

有威利嘅作者馬丁．漢福寫俾參觀者嘅手寫信，哇，好似print出嚟咁靚嘅字體，而字裡行間亦感受到馬丁嘅真誠呢～

仲有珍貴嘅手稿﹗靚～真係難為佢咁多創意又有咁仔細嘅畫工～

以前細個睇書時都冇留意威利隻狗狗添，睇番個展覽至知，原來屋企有嗰兩本威利一紅一藍，係咁多本書之中最早期嘅兩冊，唔知嗰陣狗狗出咗場未？

仲有作者嘅工作枱呢～

展覽裡面當然有展出幾本書俾大家考考眼力啦，即使睇番屋企嗰兩本睇過無數次嘅威利，佢嘅行踪依然神秘﹗

難得嘅威利展覽，我話要買啲紀念品，結果⋯heehee⋯又係杯丫﹗有用丫嘛～客人嚟到屋企，人人隻杯都唔同，每一隻都有故事唔係好好咩？好在老公從來都唔阻止我買好多好多杯﹗:p

正當我哋準備出去戶外展覽場地時，whatspp群組收到家姐同威利嘅合照﹗﹗﹗即刻打個電話俾佢：「係咪real time㗎？」

所以好高興地「他鄉遇故知」﹗﹗家姐同威利個髮型同帽好襯⋯可以考慮改變下型象﹗﹗哈哈～曉？做乜唔望鏡頭？？因為呢個人仔呢個時候已經被花花世界迷暈咗，差唔多要瞓著了，所以之後嘅相都冇佢份啦～

曉「熄燈」前嘅相相，難得有家姐姐夫幫我哋揸機，可以有張靚靚一家三口合照～yeah～

大招牌

男仔同男仔影⋯

女仔同女仔影﹗

咁多個威利嘅？

好似話只穿一隻鞋子嘅先至係真威利，但我哋睇嚟睇去都見全部都著兩隻鞋喎，真係咁隱蔽？﹗

我哋係經典作「沙灘上」搵下威利先﹗咦，同放大鏡搵嘅時候⋯點解變咗曉嘅？﹗hee，原來已經被爸爸改咗圖了～

Comments

comments