12-6-2015:한국어第二學期.趣味gogogo

之前打過兩篇關於我係HKU SPACE學韓文嘅blog(請參閱:11-9-2014:韓文班開學咯~14-11-2014:學習真好.한국어之進度),即使今個學期我要大住個肚、生埋個B、坐埋個月、忙碌地湊住個B,都阻擋唔到我學習嘅熱情﹗XD之前有個blog讀者Louis叫我再打下學韓文嘅進度,我亦應承咗佢,就趁曉曉瞓到變咗豬豬時打番篇啦﹗

螢幕快照 2015-05-11 下午5.06.03

返學當然唔少得作文啦,功課有趣嘅係唔係「看」圖作文,而係「畫」圖作文﹗我如實報導㗎﹗《我的家庭》呢啲經典題目嚟講我都用心做㗎,每個人物我都嘗試畫番佢哋嘅特徵﹗爹爹好鍾意呢張「全家福」,仲話要用嚟做我哋whatsapp group個icon呢~heehee~不過我幾有心機都真係及唔上有啲其他班嘅同學仔,話說原來有樣嘢叫做「숙제왕(即功課王)」,同期咁多班嘅同學仔之中,老師們會揀三份最出色嘅功課俾大家投票,投出最正嘅功課王﹗其中係我哋班入面票數第一嗰份功課,同學仔係假設自己身份嚟寫,有冇睇過《超人回來了》?其中咪有三胞胎嘅「大韓、民國、萬歲」嘅?佢咪assume自己係三個B嘅哥哥,大家咪睇得有趣囉﹗講諗頭我真係甘拜下風咯~螢幕快照 2015-05-11 下午5.06.20

另一次認真功課之作﹗今次要寫postcard俾老師﹗我嘅目的地當然係最近去過嘅夏威夷啦~其實本身我記得屋企有一張買咗冇寫嘅postcard,諗住用張真嘅嚟交,但搵極都搵唔到,heehee,sorry,屋企得黑白printer,但都夠誠意吧?螢幕快照 2015-05-11 下午5.06.14

除咗有內文之外,連地址我都專登search咗㗎~

今個學期既辛苦又開心﹗辛苦係坐月時skip咗三堂(我已經偷步離家出去上堂﹗:p),其中一課完全冇上,又冇考到quiz 1,所以到quiz 2時我要一次過溫晒五課書﹗仲要係趁曉曉瞓咗時偷偷摸摸咁溫書做功課~而今個學期嘅老師呢,每個星期都會叫我哋出去白板默書,都有少少壓力(來自自己吧?),同學仔話會「發白板瘟」,因為平時仲忙過返工,我都係靠巴士嗰半個鐘嚟溫書咋~

但開心嘅係,因為係上個學期已經識咗一班朋友,大家一齊升班,所以上堂時可以吱吱喳喳,課堂以外嘅時候我哋又係whatsapp group用有限度嘅韓文嚟繼續吱吱喳喳﹗亦因為升班了,識嘅嘢越嚟越多,睇韓劇時發現自己聽得到越嚟越多﹗又話忙又有時間睇韓劇?係呀,泵奶時唔好浪費時間丫嘛,由坐月到今日啱啱完成咗《血》﹗因為今個學期學咗對長輩/上司用嘅敬語,係劇入面下級醫生同上級醫生講嘅敬語就聽得明了﹗又因為今個學期學咗future tense,句子又聽多咗了~甚至係每返一堂,就覺得馬上聽多咗了,好快見效﹗

有一日大家講起打算學到幾時?我毫不猶疑話,學到冇得學囉﹗即係?﹗而家我哋上嘅係Introductory Korean(2) (冇錯,只係intro,連初班都未算~),而HKU SPACE有韓語入門、基礎證書、中級證書、高級證書,每個階段有分1同2,即是起碼四年﹗將來會唔會繼續開深造呀甚麼就唔知了~同學仔之中都馬上有人和議話會讀到冇得讀﹗希望多啲同路人吧~:D

Comments

comments

在《12-6-2015:한국어第二學期.趣味gogogo》中有 6 則留言

  1. wowww, 冇諗過讀者既名字會出現係個blog, 即刻入黎傾傾先 =]

    嘩,真係替你識到一班 frd 開心啊~我地班多數都係一對一對既朋友仔去上堂,所以大家大部分都係同自己朋友傾計比較多,好難得識左兩位單丁既同學,如果我地到 2 既時候可以熟d就好喇。

    講起功課我地都係交左兩次咁大把,第一次又係圖畫+作文 XD,不過我太唔鍾意畫畫(畫功真係自己都接受唔到 =[ )所以就用左 print 既方法,唔知老師 buy 唔 buy 呢?

    俾你睇睇
    goo.gl/0GypqO

    功課王我地就冇,不過 quiz 左兩次,第一次全班有兩個滿分,老師送左個筆袋做獎勵,然後 quiz 2 我已經失手 ><" 得49分,因為d particle 開始多,一個唔覺意就睇漏左,quiz 3 我一定會 check 完再 check 再 check 再 check。

    https://goo.gl/3B10sz

    剛剛教左past tense所以少少睇得明post card。見你忙碌地湊住個B,都阻擋唔到你認真做功課嘅熱情!좋아요!我地派定左oral 既3篇文章喇,準備提早溫定先,你都要화이팅!

    • 我某程度上都係諗起你先至打呢篇blog㗎,當而家忙到七彩嘅時候~好在你有返嚟啫﹗:D
      叻叻﹗其實quiz同大考都出得好straight forward,只要有溫書就唔難,我自己買埋workbook嚟做溫書用,都幾好,如果做埋workbook+用埋SPACE個網上學習,肯定係全班最fit嗰個﹗
      我哋下下星期都quiz 3啦,grammar的東東雖然多,我覺得唔算太難,但真係要記熟啲vocab,我今個sem quiz 1去咗生b就skip咗,quiz 2扣咗嗰分都係因為對有個vocab完全冇印象,而家要開始溫書了,太多嘢要記~
      有朋友一齊升班好重要,我哋有好幾個同學已經約好初級證書(1)要繼續一齊報名啦~

  2. hihi~~ 我都係hku space 讀緊韓文, 不過應該遲你一期, 我岩岩讀完入門2 ^o^ 多多指教呀! 你很利害照顧bb都咁有熱情去學

    • 你好!歡迎你來我個blog呀~
      是呀,我剛剛讀完FCK1~
      現在bb大些,更忙了,沒有之前讀得那麼好啦,溫書時間都很難擠出來~不過我應該會繼續讀FCK2的!你都加油~

發表迴響

你的電子郵件位址並不會被公開。 必要欄位標記為 *