19-5-2015:新手媽媽day 41.買餸裝備的煩惱

早係陪月姨姨最後返工之前,我已經開始有呢個煩惱,到得番我照顧曉曉時,就要帶住佢出去買餸,但究竟點樣先係最好嘅裝備配搭呢?

盛載曉曉嘅工具:bb車 vs Moby Wrap揹帶 vs 金金借我嘅Combi揹帶

盛載餸餸嘅工具:手挽環保袋 vs 背囊 vs 買餸車仔

其實星期日同老公一齊去買餸時係用bb車推住曉曉,然後用環保袋盛餸,當然有架bb車時係要另一個人推超級市場車仔,即是一個人去買餸嚟講,你推住b時,買嘅嘢係唔知放邊,最多只可以買單手拎到嘅份量~然後買買下問題發生了,因為曉曉突然肚餓大喊,係四周途人都會望實嘅程度,買餸要中斷,我同百佳阿姐講咗要邊舊鯇魚佢都未整得切俾我,結果day繼續shopping,我同bb緊急返屋企﹗

之後就要靠自己了,第一次我用Combi揹帶+買餸車,Combi揹帶係橫抱bb係胸前,斜揹帶單邊膊頭負重,感覺⋯買冇幾耐就覺得好重>.<“~而且入到supermarket架買餸車唔知放係邊,我勾咗係手柄嗰度,移動到不過會kick自己腳囉~用買餸車係可以買到多啲嘢嘅,但感覺唔太良好~

下一次係呢個:

螢幕快照 2015-05-20 上午4.31.21

用Moby Wrap+背包,因為Moby Wrap雙肩負重,而且肩帶夠粗,4kg嘅曉曉真係一啲都唔重,行多好遠都得﹗不過佢頸仔始終冇乜力,佢又唔係好似說明書咁昂起頭靠係我胸前,我怕啲布搞到焗親佢,所以keep住用左手撐開塊布,變相令自己得一隻手做嘢﹗而且⋯

螢幕快照 2015-05-20 上午4.31.27

佢返到屋企熱到成頭汗(我都係),似乎以夏天嚟講唔太work喎~

今日試咗用Combi揹帶+背包,似乎係暫時最佳combination,背包有少少重量加係兩邊膊頭,反而令Combi揹帶嘅單邊力感覺相對冇咁明顯,而且我行動自如有晒兩隻手可以用,雖然背包容量唔大,但負重優良,今日買咗都幾重嘅嘢都搞得掂,正呀﹗

買餸嘅時候,係其中一個最期待曉曉快啲大個嘅時候,有得四五個月大頸仔有力就可以用hip seat揹帶,應該相對輕鬆吧?:)

前往其他新手媽媽blog

Comments

comments

在《19-5-2015:新手媽媽day 41.買餸裝備的煩惱》中有 4 則留言

    • 都係買一日餸㗎咋,買埋料煲湯又重啲,買啲糧油雜貨家居用品又重啲~太重嗰啲我已經等埋day了~

  1. 現時的孭帶設計,除了款式繁多,設計的意念也很不相同,要挑選合適的,或設計更合用的,都要考慮到種種實際需要。有時買錯了孭帶,也不想再買過,勉強用下去,結果可能令自己周身疲累,甚至令嬰女或父母受傷,確實不可不小心。

    • 係唔會因為買錯而唔想再買過的,今時今日大家買BB嘢都好闊綽⋯^^”發現當有個B時好多嘢都唔係點順利咁,馬上就會睇下有咩嘢可以輔助到去解決問題,深信工欲善其事必先利其器,但搞下搞下就會發現原來係人嘅問題,埋身餵人奶嘛,早時買咗嘅餵奶枕,希望會順利嘅,結果而家咪又係乜枕乜枕都唔需要,抱起就餵得﹗揹帶方面,我哋一早買咗一條,後來金又借我一條,後尾我哋又買多一條(仲未figure out點樣用得到),而家嚟緊又有人再借我多一條⋯^^”成屋都係~

發表迴響

你的電子郵件位址並不會被公開。 必要欄位標記為 *