4-4-2015:懷孕扎記37w0d.踏上歷史性足月里程碑

我覺得懷孕過程有好幾個重要嘅里程碑:

4週-驗孕成功

12週-過咗頭三個月可以公告天下(請參閱:14-10-2014:懷孕扎記12w3d.喜訊公告天下)

18週-第一次胎動,媽媽更真切感覺到同BB嘅同在(請參閱:27-11-2014:懷孕扎記18w5d.奇妙時刻第一次胎動)

24週-法律上BB有咗地位

34週-萬一早產出咗嚟可以當成一般咁樣養,媽媽怕早產嘅壓力少咗

***37週-正正式式足月,BB隨時ready可以出世了﹗﹗

終於嚟到呢個時候,感覺非常好~知道BB任何一個時候都有機會要出世,又有啲興奮又有啲緊張了,每一日都睇緊嘅apps「What to Expect」會倒數嘛,進入2 weeks幾多days left,感覺真係好快呢~雖然好多人都話第一胎唔會咁早,但真係no idea BB呱會幾時出世丫﹗﹗唯有做好準備,祈求一切順利啦~

而家每個星期都會檢查了,血壓、小便都正常,體重終於比起之前三次有少少移動,今次量到70.0kg﹗覺得好神奇呢,得1.56m嘅我居然會同一個佬一樣重﹗﹗所以肥佬平時係咪都咁容易疲倦?﹗腳要支撐咁重嘅身體喎~~

IMG_6288

今個星期嘅最新超聲波growth chart﹗頭仔(BPD)反而細了,S醫生話呢個正常丫,其實唔係細咗,而係頭仔開始入去盆骨中間,夾扁咗啲,所以量出嚟就會窄咗了~所以冇嘢壓住嘅肚仔(AC)就會比較consistent,一直都係50%同97%兩條線嘅正中間左右﹗至於大脾嘛,睇番個trend,S醫生話可能上一次度有少少over-estimate,如果唔睇一星期前嗰個讀數都係好smooth嘅曲線~by呢三個parameters,用算式計,今次estimate BB呱呢一刻有3.02kg啦﹗大約就係75 percentile,即是中等偏大啦~果然即使馬上出世都唔失禮了~

幾時出世唔緊要,健康平安就好﹗﹗我哋為BB呱出世做嘅準備,除咗物質上嘅之外(嗰啲就一早ok啦),準爸爸都要好好心理預備丫,準媽媽職業上見慣「大場面」,唔怕啲血淋淋嘅嘢,怕就只怕頂唔順咁痛啫,呢個都冇得好預備了,但老公平時見到啲血血嘢佢都會「嘩~」「噫~」等嘅反應,所以特地係37週搵咗啲video俾佢睇下prep下﹗睇咗生產過程嘅animation冇問題之後,開埋youtube啲真人實錄,有下身同冇下身嘅都睇咗了,反應合格﹗﹗到時陪產應該冇問題啦啩~呵呵~加油﹗

p.s. S醫生表示,好多阿太成日concept唔清楚,以為早過預產期出世就叫做「早產」,而有啲更以為BB一定會係預產期嗰日出世﹗既然今次講起呢個話題,講多少少啦,胎兒37週就叫做足月了,37後出世嘅全部都唔叫早產丫﹗而預產期其實只係一個estimation,一般由最後經期日子計起嘅40週,或者用早期懷孕嘅超聲波量度嘅size去決定,為咗令醫護人員有個參考去評估胎兒嘅生長狀況,同埋係唔同週數安排合適嘅檢查,只有極極極少數嘅女士真係係預產期當日分娩㗎~所以BB呱預產期係4月25日,固然有機會同姑姐(day妹妹)同一日生日,但亦有機會同姨媽(我家姐)一齊4月15日生日㗎~

前往其他懷孕扎記blog

Comments

comments

2 關於 “4-4-2015:懷孕扎記37w0d.踏上歷史性足月里程碑” 的評論

  1. 看片沒有味~也沒有緊張感!希望到時都OK啦,哈哈!
    我感會看多幾次,減低視覺上的衝擊

    • 估唔到最終大結局嚟得咁快,而亦唔係我哋預期咁樣,我practise咗好多,坐咗好多波波、睇咗好多分娩資訊同聽咗講座,你又睇咗片做陪產預備,結果都係開刀呢~anyway,總算平安順利出生啦~

發表迴響

你的電子郵件位址並不會被公開。 必要欄位標記為 *