28-3-2015:懷孕扎記36w0d.進入倒數階段

嚟到36週了﹗時間過得越嚟越快呢~開始進入倒數階段了﹗仲有一個星期--仲有一個星期BB呱就足月,隨時可以出世啦~不過呢個「隨時」都叫做橫跨好長時間,37週嘅足月,到41週嘅過期,有整整一個月嘅時間啊,不過之前八九個月嘅等待都過去啦,唔爭在呢一時三刻,但媽媽真係好期待見到你丫~見證住呢段大直路,我哋最尾呢幾個星期會密密見住S叔叔啦~螢幕快照 2015-03-28 下午4.37.35

上次嘅腳板仔大獲cutie好評(請參閱:21-3-2015:懷孕扎記35w0d.乖乖穩步生長),今次BB呱又揮揮手仔同大家打個招呼先~

血壓、小便都正常﹗雖然話我想肥B唔肥媽啫,但呢三個星期完全冇重到又好似唔係好似樣喎,用同一個磅都係69.5kg﹗當然著嘅衫唔一樣啦,今日係暖啲者得少啲嘅,而個磅又只係得0.5kg嘅「電子刻度」⋯我呢段時間恐怕都真係食少咗嘅,事關食得多啲胃酸好辛苦,可能intake同未preg時差不多~anyway,BB呱長得好就好了,我唔重應該係好事吧?螢幕快照 2015-03-28 下午4.37.25

頭仔﹗S醫生話而家難啲量度啦,因為頭仔開始少少engage入盆骨裡面,今日估計大概1/5吧,所以頭仔會被盆骨壓得扁扁地,而且可能側側地,個plane未必咁完美,加上啲骨頭阻住超聲波penetrate,裡面嘅detail都冇之前睇得咁清楚了~螢幕快照 2015-03-28 下午4.37.28

肚仔﹗媽媽圓鼓鼓嘅肚亦影響睇唔清左右兩旁,盡人事吧~螢幕快照 2015-03-28 下午4.37.30

大脾骨~而家骨頭鈣化多咗令超聲波難啲穿透,加上入面又開始擁擠,難啲睇到BB呱嘅姿勢了~不過起碼知道佢乖乖頭仔向下,背脊靠我右邊,手手腳腳就堆係我左邊,當然啦,佢隨時都可以郁郁郁,呢啲左右嘅問題好快又唔係咁樣一回事了~

螢幕快照 2015-03-28 下午4.37.18

用咗三個parameter嚟計入算式,estimate今日2.97kg,叫做75-90 percentile,比起一個星期前嘅2.7kg重咗200幾gram都好合適丫,而今個星期中做嘅CTG又正常,咁講嘅話我唔重都冇問題丫~我係度咕嚕,我同day都唔高,BB呱又會咁大粒嘅?﹗不過其實我BB時都幾大粒,我38週出世有7磅半,按而家呢個趨勢嚟講BB呱都應該都差不多,day係早產細粒B,都唔知佢如果有機會長到足月係咪都係大隻B?﹗大隻細隻都好,健康就好~

接住落嚟幾個星期要繼續乖乖健康成長啊﹗媽咪過去呢八九個月時時同你講要四月﹗四月﹗四月﹗下星期尾就四月了,批准你隨時出嚟啦~錫錫~

前往其他懷孕扎記blog

Comments

comments

發表迴響

你的電子郵件位址並不會被公開。 必要欄位標記為 *