24-3-2015:慶祝結婚1234日@East Kowloon Kitchen

「平凡之中找一些特別日期,在這特別日期更加的想你⋯啦啦啦⋯」紀念日唔一定要一週年兩週年嘅,heehee,係呢個科技嘅年代,好容易記錄到日子﹗

螢幕快照 2015-03-26 上午11.40.51

繼上次係夏威夷慶祝咗結婚1000日(請參閱:1-8-2014:加州婚禮+夏威夷day 7(part 3).慶祝結婚1000日@Park Shore Waikiki &浪漫海灘煙花),以為下一個「自製紀念日」要到10000日之際,家姐講起爸媽可以慶祝12345日,我哋先發現我哋都可以慶祝1234日﹗啱啱見到舊同學係Facebook post佢同老婆在一起99個月紀念,我又諗下我哋幾多個月先⋯

螢幕快照 2015-03-26 上午11.40.58

因為係星期二,所以要放工方便,我哋target觀塘附近嘅餐廳,係度search之際,原先搵到一間米芝蓮星級嘅分子料理,好多人係Openrice都激讚,我覺得有啲貴,係呢啲「自製紀念日」去食好似奢侈咗啲,老公用價錢以外嘅理由同我講完之後我就好甘心地放棄﹗佢話你而家好多嘢都唔食得,仲要食唔知係乜內容嘅分子料理,都係生完至去試啦﹗good~後尾佢搵咗呢間食「正常料理」嘅工廠大廈西餐廳,最好嘅地方係超近佢公司丫--位於駿業街嘅Kowloon East Kitchen﹗螢幕快照 2015-03-26 上午11.40.55

餐廳都幾full,果然一定要book枱,原先職員預留座位時俾咗景觀較好嘅高腳枱俾我哋,後尾見到我個肚就馬上安排普通枱,都好細心~餐廳氣氛好正,熱熱鬧鬧的,係都市休閒嘅風格,不過似乎餐廳冇領酒牌呢,感覺上個feel應該要飲下cocktail(雖然暫時唔關我事),但drink list入面都只有各種無酒精soda~

因為呢排嘅胃酸太嚴重,所以我睇餐牌時係度諗下食乜唔會urt胃酸,左諗又諗好困難⋯day叫我放棄啦,想食邊樣就邊樣啦,啲胃酸都係防不勝防,都係嘅,有時以為會有又冇,有時以為冇又會有,豁出去吧~今晚要食藥就食藥啦(大家唔好鬧我丫⋯)~

我哋share咗個是日餐湯,係用料充足嘅忌廉磨菇湯,因為好多碎菇菇,所以好香,但因為料太多,相對就冇咁creamy,但都好好味~全餐飯最最最激讚就係之後嘅Caesar salad,好難想像咁普通嘅沙律可以咁好食,菜好crispy得嚟個醬我懷疑佢靜悄悄幫我破咗戒,菜葉上面隱隱有種煙三文魚嘅香味,係幻覺定係事實?另外個雞胸鮮嫰多汁得不得了,非常好味﹗﹗fish and chips就中規中矩啦,覺得上次係南丫島食嗰個好食啲(請參閱:26-12-2014:聖誕南丫島悠閒遊),可能係魚嘅種類問題吧,兩個都炸得好酥脆夠乾身,但上次嗰種魚係油份多啲嘅type,今次呢個係結實啲嘅(恕我唔識啲魚嘅名稱⋯)~pasta方面我哋叫咗低胃酸風險嘅蒜香蜆肉意粉,意粉質地同平時食嘅唔係好同,比較硬身,難道麵糰佢哋自己搓嘅?好味嘅係啲蜆肉又叫我破咗戒了,以為係cheap cheap嘅急凍蜆,但食落似乎係新鮮蜆喎~我諗多數都ok啩~其實食完咁多樣嘢之後都飽,不過又好想食甜品,見到隔離枱嘅brownie好靚咁,我哋就share啦,兩人share可以解決世界上所有問題﹗雖然開頭決定唔食個雪糕,但day又讚個雪糕好食(雲呢嗱雪糕都有好唔好食之分?冇錯,呢個雪糕入口即化,唔會一舊舊殘留係舌頭上~),我都試咗少少,真係好正喎,而且佢個brownie唔夠moist,配埋雪糕食真係好食啲(我食咗少少咋~)~好滿意嘅一餐丫﹗推介~

當時係好enjoy,不過到半夜都係出事,凌晨三點鐘⋯胃酸來了﹗唉~BB出來之後我應該更加可以重新享受人世間嘅各種美味了~

Comments

comments

2 關於 “24-3-2015:慶祝結婚1234日@East Kowloon Kitchen” 的評論

發表迴響

你的電子郵件位址並不會被公開。 必要欄位標記為 *