16-3-2015:懷孕扎記34w2d.聽聽曉曉的心聲

heehee,此心聲不同彼心聲,今次係真正嘅「心聲」,正確啲嚟講係去醫院做胎心聲檢查~肚皮用彈性腰帶安放兩個監察儀器,一個測BB心跳,一個測有冇子宮收縮~

尋晚去咗婚宴,所以瞓覺時都好夜了,心裡面盤算yeah,有得去醫院再瞓過~開始檢查時發現如意算盤搞唔響啦,原來個檢查我有份參與的,BB郁一下我就要按制一下﹗所以合埋眼皮我都唔敢,瞓著咗同姑娘交待唔到﹗哈~平時冇刻意去數BB呱郁嘅次數,總之只係有郁多啲同郁少啲嘅印象,點知俾個button你按時,發現原來短短大半個鐘(因為途中BB走咗位要度長少少時間)郁咗真係好多次喎﹗叻叻~

做完檢查要等醫生嚟睇報告至知走唔走得,好在而家新iphone好夠電,我用嚟睇小說睇個幾鐘都仲好夠~到開飯時間咯﹗我嗰份係正常餐,見到有其他阿太嘅餐唔同,莫非係妊娠糖尿餐?我嗰份雖然有幾款餸鋪滿飯面,但正常餐都淡得不得了~張枱坐咗六個太太,其餘五位少嘅食咗一兩啖,多嘅食咗大半就離席,可能真係忍受唔到咁淡口味吧?對面有個阿太打電話俾佢老公(?)叫佢快快駕車出嚟同佢食嘢^^”,但佢仲要係特別餐㗎喎~我又覺得淡得嚟都可以食晒嘅,煮咗出嚟唔好浪費之餘,少油少調味料又健康啲,最重要係我100%肯定呢一餐食完之後唔會urt胃酸﹗哈~所以俾我食清光﹗連埋粒好細嘅橙﹗因為覺得好健康,所以忍耐咗幾日,我終於買咗蛋撻做下午茶咯,呵呵~其實食呢餐醫院餐,心態上有少少似食飛機餐就可以了,搭長途機好悶,食下餐消磨下時間,我一食完姑娘就叫我名,醫生睇咗報告話我走得啦﹗yeah~

前往其他懷孕扎記blog

Comments

comments

在《16-3-2015:懷孕扎記34w2d.聽聽曉曉的心聲》中有 2 則留言

  1. 是不是現時所有孕婦都會被安排做這類測試?還是自己選擇去做呢?

Rita 發表迴響 取消回覆

你的電子郵件位址並不會被公開。 必要欄位標記為 *