14-2-2015:情人節high tea@香港迪士尼樂園酒店

原本講過好多次,對於超多糕餅嘅high tea不感興趣嘅我,居然我哋會係情人節去咗high tea,而且仲要係我提議嘅喎~事關今個情人節我哋嘅重頭節目係去觀賞下一篇blog會講嘅馬術大賽,而位於亞洲博覽館嘅馬術比賽又晚上六點半開始喎,晚餐時間唔湯唔水,不如去食個勁嘅下午茶就入場啦~既然要去到老遠嘅亞洲博覽館,所以將tea嘅地點鎖定係迪士尼or機場附近嘅兩間酒店,老公問過之後,我哋決定去香港迪士尼酒店嘅華特餐廳~

SONY DSC

雖然電話話full booking,只可以walk in,但入到去華特餐廳,入座率都唔高丫,我哋坐得都好鬆動~服務生嘅衣著同餐廳嘅陳設都係維多利亞時代咁,古色古香~我哋order咗嘅tea set,包括三層tower+兩款熱菜+兩杯飲品~

SONY DSC

乖乖的大肚婆冇飲到咖啡同茶或凍飲,而叫咗熱朱古力,飲品本身好靚,上面嗰層薄薄嘅朱古力會隨住上昇嘅熱氣融化,同朱古力飲品融為一體,增添口感同味道嘅層次~但係個tower嘅甜食太多,後尾覺得只有紅茶先配合呢,high tea即是high tea,係一定要飲tea的,而且感覺earl grey應該最襯添呢~而且紅茶的話係一壺壺上㗎,即是到尾應該都仲保持到熱呢,但個熱朱古力就凍咗大半了~可惜可惜~SONY DSC

day就叫咗cappuccino,上面有非常可愛嘅米奇剪影,而且仲附送米奇曲奇呢~今個tea嚟講我覺得味道最遜色可以算係曲奇了,無論係咖啡附送嘅呢一塊、定係tower入面嘅史迪仔曲奇,味道都比較平凡,而且唔夠鬆脆,我可以大膽咁講句,我焗嗰啲曲奇好味啲丫﹗SONY DSC

好開心呀,牛油都係米奇shape﹗﹗

SONY DSC

tower來了﹗碟子有好優雅嘅花花呢~高貴﹗而食物都擺放得好精緻~每樣食物只得一件?冇有怕,我哋兩個二人成為一體係冇極限的,連一隻蝦餃都可以share嘅時候,一件cake、一個scone要share又有何難度?tower

我哋仔細睇下三層嘅食物啦,睇咗啲內容,直覺上都應該由最頂層食起~頂層係scone,配上之前甜甜嘅士多啤梨jam同滑滑嘅cream或濃濃嘅牛油,熱辣辣嘅scone非常好味~米奇朱古力我哋留咗最後至食(結果甜到不得了⋯^^”)~中間嗰層有三款唔同嘅三文治,餡料有最普通嘅火腿熟蛋、三文魚同埋吞拿魚沙律,味道都調和得好,不過麵包就乾身咗啲啦,唔知係咪花太多時間擺盤搞到風乾咗?咁咪本末倒置?﹗中間嗰層仲有一個海鮮撻,day嗰半食咗半熟黑椒煙吞拿魚同埋魷魚,我嗰半就食咗熟蝦同埋蕃茄片,發現呢個真係唔可以咁樣share,因為要講究幾樣食物嘅味道同口感調和,魷魚同蝦都偏淡冇調味,但口感就好爽,而調味主要嚟自魚嘅黑椒同埋蕃茄嘅酸喎,所以share失敗~最下面嗰層嗰朱古力cake好正,好rich又唔會太甜~我覺得紅桑子cake有少少太heavy,兩個人share呢一小件已經夠晒數,如果一個人食晒就冇咁enjoyable了~

SONY DSC

至於兩款熱盤都唔錯,起碼賣相就一流啦~迷你和牛漢堡個味道夾得好好,肉夠juicy又夠熱,個麵包都加咗牛油又烤過,好味﹗SONY DSC

煎三文魚帶子好精緻呢,個帶子係鑲咗係三文魚中間㗎,加咗少少三文魚籽做調味~

整體個tea都係好好嘅experience,賣相100分,味道就有待進一步提昇啦~

一場嚟到迪士尼酒店,我哋專登帶咗相機同埋腳架,好好影下相添啦~

IMG_5905

之前只嚟過迪士尼酒店一次,嗰次同爸媽家姐佢哋嚟食夜晚嘅自助餐,都冇好好逛過個花園呢~SONY DSC

原來有個迷宮呢,令我諗起六月時去北京圓明園,慈禧太后好喜歡嗰個迷宮呢~(請參閱:2-6-2014:三十登長城day 4(part 1).四爺的圓明園)

SONY DSC

酒店都好靚,搵次豪少少入嚟住番晚都好丫~SONY DSC

搵唔搵到day?SONY DSC

我哋都入去迷宮走咗一趟,不過遠睇就靚,入去行都逼逼地丫﹗唔知係咪因為我而家個人太闊?﹗garden

呢個涼亭有種The Sound of Music嗰首「I am sixteen going on seventeen…」嗰種感覺呢~SONY DSC

情人節special~SONY DSC

帶咗腳架嚟要影多啲合照﹗:D

SONY DSC

사랑해~

SONY DSC

入番去有大大幅壁畫呢~SONY DSC

呢張相影嘅唔係大大吊燈,而係balcony嘅live band丫﹗我哋係lobby欣賞咗兩首歌呢~原來伸縮號都可以好溫柔~mickey and minnie

迪士尼當然唔少得米奇同米妮啦~

時間差唔多,我哋出發過去亞洲博覽館啦~

Comments

comments

在《14-2-2015:情人節high tea@香港迪士尼樂園酒店》中有 4 則留言

    • 我諗應該唔係情人節special,啲食物都冇一雙一對,而且擺盤、裝飾方面亦冇情人節色彩,價錢都冇話額外提高丫,可能都係新menu啫~

    • 下次有多啲時間去行埋迪欣湖~
      好想搵次住下間酒店呢~到時帶埋曉曉去~

發表迴響

你的電子郵件位址並不會被公開。 必要欄位標記為 *