9-2-2015:懷孕扎記29w2d.屯門公園散散步、散散心

心情不怎麼暢快嘅日子,老公提議我出去走走,去屯門市鎮公園睇下動物(大家non-屯門人知道公園裡面有個爬蟲館嗎?),都係好主意丫,希望轉換一下心情吧~既然「出去行下」,不如就以遊客心態,當成一個「小旅行」吧~影下相,又打下blog~其實一早就應該開始多散步,任何講座、網站、app都建議孕婦要多運動,我除咗一星期一次嘅孕婦瑜伽之外(請參閱:3-12-2014:懷孕扎記19w4d.孕婦瑜伽@香港瑜伽舍)真係太懶惰了,一星期有五日唔駛返工,其實應該日日都要以運動為前提出去散步,唔可以好似啲patient咁行出去買餸就當運動咗~另一方面我呢排都除咗Fitbit Flex冇戴上手(請參閱:7-6-2014:Fitbit Flex之我要fit fit),走動太少,sync咗嚟睇下個步行讀數仲discouraging,而佢冇大肚mode,estimate嘅卡路里都唔啱,所以直情唔戴添了,好似動力更少~螢幕快照 2015-02-09 下午2.28.29

由屋企行過去市鎮公園當然要經過呢條天橋啦,而家二月初簕杜鵑開始有少少紅,到咗三四月呢個位置就會完全盛放啦~

螢幕快照 2015-02-09 下午2.28.35

到此一遊--毗鄰屋企嘅屯門公園﹗heehee,好似咁隆重地影個招牌,其實呢個公園細細個開始就成日嚟呢,讀中學時幾乎日日都經過去食lunch或放學返屋企時行過~螢幕快照 2015-02-09 下午2.28.40

其實住屯門市中心都真係幾好,咁近就有個咁大嘅公園,人哋New York Central Park附近樓價點解咁貴就係有城市中嘅綠洲之嘛,雖然屯門公園冇Central Park咁大咁勁,但都幾好丫~我房嗰隻窗其實望到少少㗎~大家唔駛估了,我屋企唔係呢一堆樓中間~:p螢幕快照 2015-02-09 下午2.28.47

老公叫我去睇下龜、睇下青蛙放鬆下心情,我首先搵到龜先﹗﹗原來人工湖入面都有好多龜同魚喎,就咁係岸邊數見到嘅龜都有10隻,而且都幾活潑呢,有啲游水、有啲晒太陽~魚就多到數唔到,不過係混濁嘅水之中只見到佢哋黑色一條條~原來而家人工湖都仲有一個遙控船區呢,有個大叔係度放緊隻超大遙控帆船,都幾威咁~

螢幕快照 2015-02-09 下午2.28.50

行到臭河旁邊嘅單車徑/緩跑徑,見到呢張poster,職業病發作,即刻睇咗一次+影咗落嚟,大家記住啦,急步行係好好嘅運動嚟㗎~其實未preg之前我同day都成日晚飯後會出嚟運動,有時嚟市鎮公園,有時去河對岸嘅龍門居嗰邊嘅湖山河畔公園,day就跑下步,我就帶埋啞鈴跟video做下健身操,不過而家我唔去day都懶惰埋啦,邱肚腩又越嚟越放肆了~不如我哋趁天氣唔太凍嘅晚上都出下去運動啦,你繼續跑步,我就散下步~螢幕快照 2015-02-09 下午2.28.53

見到河對岸嘅工程,後面天后廟好似整頓過喎,亦開始預備緊年宵市場了,今年都去逛下啦,趁冇咁多人嘅日子~螢幕快照 2015-02-09 下午2.28.56

有一排好怕市鎮公園都同自娛A區自娛B區有關,有啲大嬸會係自娛區播放超大聲嘅音響然後--高歌﹗歌曲嘅品味同我唔係好相近囉~今日自娛A區同B區都冇人,好寧靜、好舒服~:D螢幕快照 2015-02-09 下午2.28.59

呢個就係爬蟲館啦﹗對於當年中學生嘅我哋嚟講,係涼冷氣嘅地方﹗炎熱嘅夏天、烈日當空嘅市鎮公園,最最最涼快嘅地方莫過於有冷氣嘅爬蟲館~屈指一算我都好耐冇嚟逛過了,上一次會唔會係同day影大學畢業相嗰次?(請參閱:25-11-2007:同組mate入camp@梅窩 day 2)螢幕快照 2015-02-09 下午2.29.21

細個時都會怕怕呢啲「小動物」,而家大個女唔怕了,不過我都高度建議大家影相還影相,唔好貼到係玻璃前面,因為唔好睇佢哋冷酷嘅外表,其實佢哋有時都幾活潑,一個飛身撲過嚟,那管有玻璃隔住,都會俾佢嚇一跳﹗

螢幕快照 2015-02-09 下午2.29.24

都有大型龜龜﹗唔好睇佢咁笨重,佢都係度行嚟行去㗎~螢幕快照 2015-02-09 下午2.29.26

呢隻蜥蜴都好活潑,伸下伸下條脷~螢幕快照 2015-02-09 下午2.29.32

館裡面無論有幾多條蛇,100%都係大懶蛇﹗冬眠嘛,全部都卷埋一舊zzz⋯

螢幕快照 2015-02-09 下午2.29.34

鱷魚就話喇,我一於享受下陽光瞓個靚覺~

螢幕快照 2015-02-09 下午2.29.37

呢三隻嘢(有一隻係鏡頭外)就認真跳躍喇,跑嚟跑去~螢幕快照 2015-02-09 下午2.29.40

變色龍都唔輸蝕,不過我拍咗佢一段35秒嘅video,走動就好多,但變色就未見到~

螢幕快照 2015-02-09 下午2.29.42

另一條懶蛇﹗﹗螢幕快照 2015-02-09 下午2.29.45

呢隻龜我特別影佢係因為佢好醜樣丫﹗兩隻眼睛好近,樣子恢諧趣怪,而因為有特長嘅頸部,所以佢個名叫做「蛇頸龜」or「蛇頭龜」(唔好意思,唔記得咗邊個至真⋯:p)~

行咗大半先諗起,係喎,青蛙係兩棲類而唔係爬蟲類,所以係爬蟲館係搵唔到佢哋㗎﹗﹗不過我哋知道市鎮公園其實好多呱出沒嘅,平時春夏季晚上嚟運動,啲呱個樣就見唔到,但佢哋啲聲就好勁喇,特別係嗰啲吽吽聲嘅牛蛙﹗今日就未有幸見到佢哋~

螢幕快照 2015-02-09 下午2.29.50

之前都冇留意過呢個雕塑呢,我見係馬術,仲以為係2008北京奧運時整的,原來係1996年奧運會100週年時整㗎~馬術對呢一刻嘅我嚟講都有特別意義呢,因為嚟緊個星期六我哋會去觀賞馬術比賽丫,大家到時記得留意我個blog啦~

散咗步一趟,睇下不太可愛嘅「小動物」,心情暢快多了,多謝老公嘅好提議~

前往其他懷孕扎記blog

Comments

comments

在《9-2-2015:懷孕扎記29w2d.屯門公園散散步、散散心》中有 2 則留言

發表迴響

你的電子郵件位址並不會被公開。 必要欄位標記為 *