嚟到第五講嘅產前講座，今個topic其實都係其中一堂最感興趣的，但今堂我哋有事所以遲到，去到時都miss咗前半部份了～嗚嗚～
去到時講到要出院嗰部份了，冇「上文」，所以啲「下理」都記得唔係好清楚～記得講及出院後BB要一至兩日內去健康院覆診，要盡快用電話預約，媽咪嘅產後檢查就六個星期後～仲有辦BB出世紙嘅事情，交齊媽+B嘅住院費七日後資料會傳送到政府合署，可以預約辦領出世紙了，姑娘highlight嘅係，冇快件快期～我哋BB呱嘅名都改好了，我都好期待領取佢嘅出世紙呢，個名就變成official啦～另外又講咗產後夫妻嘅性生活安排同埋家庭計劃等等～仲有講啲乜呢？
不過後尾睇嗰段video都幾有用，再一次清楚咁demo點樣幫BB沖涼洗頭洗面嗰啲，唔知係之前美素佳兒講座聽咗一次今次再聽第二次印象深刻啲丫，定係呢段片冇咁長氣，所以精簡啲、重點啲所以感覺容易啲呢？除咗懶係有故事性有時會唔自然+起雞皮之外，資料方面係非常之清晰易明的﹗今次冇咁「or-gor」要用勁多舊棉花球幫BB洗面，而係只用棉花球抹眼睛，跟住用軟毛巾仔抹面就ok，而片中姑娘描術亦冇講太多用邊隻手指托住邊個位，左手定右手定點，而係好自然咁用動作+簡單嘅描術、功能性地講點樣托住BB嚟沖涼～
最尾powerpoint＋video都完晒之後就係姑娘最後嘅「溫馨提示」，其實係講番以前啲阿太嘅騎呢行為，提醒大家產後病房嘅「Do’s」and「Don’ts」～另一方面亦講到餵人奶嘅情況，預告俾大家聽係產後病房姑娘會有幾積極抱BB過嚟俾大家埋身餵，預咗成村人都一樣咁辛苦，等大家心理上有準備～雖然聽好多餵人奶點樣辛苦辛苦，但呢一方面我又唔太擔心喎，以前做houseman時一個月10 call，call call都冇得瞓都係咁啦(雖然嗰陣後生好多⋯^^”)，感覺會應付得來吧？另外又有提到執走佬袋，我本身都預備2月1號去埋BB展之後就會盡快完成採購，今次聽咗姑娘講嘅都對我購物嘅取向有所影響嘅～佢話唔好再買扣繩產婦衛生巾啦，用黏貼就好，good﹗另外網褲要預備充足啲～BB嘅紙尿片用得都唔少，唔好咁孤寒帶嘅sample去啦，起碼都帶一整包～知道了﹗呢啲咁practical嘅嘢真係要有人講至得丫﹗
接住落嚟仲有一堂講座呢，大家都繼續留意我個blog啦～
屯門醫院婦產科產前講座：
http://www3.ha.org.hk/tmh/ch/services/02_01_obs.asp#s6
前往其他懷孕扎記blog