21-1-2015:懷孕扎記26w4d.孕婦專用汽水?﹗

唔計中國人講嘅好唔好飲生冷嘢,其實西方嘅權威都唔建議孕婦飲汽水,原因主要有兩個,一來就係汽水含有咖啡因,同咖啡濃茶一樣都對BB唔適合,二來就係汽水高卡路里但營養價值低,除咗啲甜甜甜令你肥、增加妊娠糖尿機會之外,對媽媽同BB都冇好處~但有時候真係好想飲下啲甜嘢有氣嘢⋯有個孕婦app推介咗呢個做法﹗﹗螢幕快照 2015-01-24 上午11.21.59

與其話為咗製作「孕婦專用汽水」,不如話為咗解決呢盒超甜果汁而努力~係阿信屋買咗呢種果汁,一pack三盒,開咗第一盒嚟飲就甜到叫救命(啱啱打blog先發現佢話自己冇added sugar原來係用sweetener,咁唔natural嘅嘢下次都係生咗baby至飲埋佢⋯所以先至每100ml只有23kcal,成盒都係60kcal左右)~為咗令佢變得冇咁甜,我哋第一次飲時已經加咗清水嚟飲,今次處理第二盒學精了,買咗梳打水嚟溝,變成甜度適中嘅--汽水﹗yeah~螢幕快照 2015-01-24 上午11.22.04

製成品﹗其實無技術可言,只係mix咗兩樣嘢⋯哈哈﹗不過咁大杯,每人只有30kcal,比起regular汽水一罐有140kcal嚟講都唔錯丫~仲不含咖啡因~我話每人得半罐梳打水都咁夠氣都幾抵喎,day嘅金句係:「佢淨係賣啲氣俾你咋喎,咁都唔夠氣邊得呀﹗」哈哈~咁又係~屋企仲有3罐梳打水,邊個有興趣可以上嚟試下﹗:p

前往其他懷孕扎記blog

Comments

comments

在《21-1-2015:懷孕扎記26w4d.孕婦專用汽水?﹗》中有 2 則留言

    • 梳打水自己單獨淡而無味冇吸引力(雖然有啲人都鍾意就咁飲﹗),但配其他東東就好多用處~睇完「神之杯(或叫王牌酒保)」漫畫,生完之後都好想試下威士忌加梳打水﹗

Rita 發表迴響 取消回覆

你的電子郵件位址並不會被公開。 必要欄位標記為 *