既然係星期六，今日仲可以順道聽埋產前講座添～題目係分娩過程及產科病房簡介～
其實主要係助產士講，婦產科醫生只講小部份～其實都好standard地講解分娩情況，包括作產嘅徵兆啦(做houseman時已經收症收到滾瓜爛熟：有冇肚痛見紅穿水呀？其實中間應該有兩個頓號，但因為要快，三件事已經成為一體咁傾瀉出嚟～)，logistic上知道，哦，原來7a-9p就去A7，9p-7a就去T7，呢個重要﹗之後點樣1st stage of labour子宮頸開到10度，點樣2nd stage要疴BB出嚟，點樣3rd stage排埋胎盤～之後幫BB打疫苗、蓋腳印，再俾媽媽盡早餵母乳等等⋯雖然唔係婦產科，但如果一個醫生連呢啲都唔知就太過份了，所以對我嚟講都冇乜新鮮事情～不過以前做houseman係QMH，TMH嘅logistic又要了解下嘅～講座亦講多次太太們關注嘅一件事，就係陪產問題，哦，原來丈夫幫忙「按摩止痛法」就可以早啲入去，知道了﹗:D今個talk唔多新知識，有趣嘅係，姑娘會用和善嘅表情同埋語氣去講一啲恐嚇嘅說話﹗﹗印象最深刻嘅「新知識」就係，到時記得係個mask裡面聞同埋呼啲笑氣呀，如果你做得唔好我哋就會沒收㗎啦⋯oh no no～day到時一定要提醒我丫﹗﹗
後尾婦產科醫生講嘅主要係儀器助產，即是產鉗同埋真空吸杯，以前我親眼都見唔少了，不過真空吸就多啲，產鉗臨床上陰道產使用好似就未見過，只見過開刀時用產鉗輔助～不過最surprise嘅係，原來當日主講嘅醫生係中學師妹呢～見到至諗起我係知佢係嗰度做嘢的～
接住落嚟仲有三堂講座呢，大家都繼續留意我個blog啦～
屯門醫院婦產科產前講座：
http://www3.ha.org.hk/tmh/ch/services/02_01_obs.asp#s6
前往其他懷孕扎記blog