大家可能講都唔信，到而家懷孕差不多有六個月，之前我真係一件東西都未買過俾BB呱﹗相關嘅消費都係for自己，brabra、衫、攬枕、補品⋯始終感覺距離出世仲有好耐時間，唔太實在咁，而且又唔知係男仔定女仔，都唔係好敢買住～週數到咗二次頭開始越來越實在，BB呱越郁越多越明顯啦，20w同23w都照到佢係女仔啦，到24w佢有咗法律上嘅身份啦(touchhhhhhh wood先開始解釋：24週後出來嘅B先至叫做早產，有咩大吉利是早咗出嚟醫生都會搶救～BB呱乖乖，我哋四月至見面﹗ok？)，而啲apps亦叫我可以開始選購東東了﹗所以我嘅心態開始放寛啦，見到啱就可以買lu～
24w6d呢個日子我第一日掏荷包買東東俾BB﹗﹗放工經過Marks and Spencer隨便逛逛，見到特價嘅連身衣，買咗一pack「up to 1 month」、一pack「up to 3 months」，平均每件都係三十幾至五十幾，以質素嚟講好抵丫﹗而且款式都清新可愛，唔係甜膩膩嘅粉紅色，好鍾意丫﹗啲衫衫洗一次先，爸爸，我哋要買個衣櫃俾BB呱了～之後東西就陸續添置啦﹗將BB嘅新衫同我哋啲衫晾埋一齊，感覺特別溫馨呢～(笑咪咪中～)
呢段時間我有空時都draft咗一個清單，睇下預備生產有咩要買俾自己、有咩要買俾BB，原來濕濕碎碎個list都好長呢﹗期待2月1號去BB展大開殺戒﹗﹗﹗shop shop shop shop shop shop shop～～～～
前往其他懷孕扎記blog