7-1-2015:懷孕扎記24w4d.媽媽會厚禮

我莫名奇妙地參加咗好多奶粉品牌嘅媽媽會,完全係因為第一次去母嬰健康院檢查後發生的,一離開building就有一大堆大嬸們圍住,問你係咪產前檢查,跟住就塞一大堆填表迎新禮物,你幫一個填資料,佢哋就會發揮小宇宙,幫你一次過入晒咁多個在場嘅媽媽會,真係好落力,唔知係咪有豐厚佣金?﹗anyway,我都唔抗拒免費入呢啲會嘅,反正今時今日啲個人資料都唔值錢嘅時候,你自己唔出賣啲資料都自然會有人幫你出賣~

當時我以為只係送嗰堆印有奶粉牌子嘅紗巾、口水肩甚麼就結束,點知後尾仲陸陸續續收到短訊呀、郵寄嘅資料書籍呀等等~不過講到送迎新禮物嘅誠意,莫過於打電話俾我要送禮物俾我嘅惠氏媽媽﹗﹗唔係送媽媽奶粉sample,而係送一整罐900g裝,好闊佬~仲有一小樽8粒嘅藻油DHA supplement~仲專登安排送貨上門添﹗螢幕快照 2015-01-12 下午2.24.30

所以我呢日專登留係屋企等佢送貨啦~之後嗰晚上完韓文班之後返來試飲咗一杯,同之前其他牌子嘅媽媽奶粉sample印象差不多,都係一個字--甜﹗﹗﹗其實有鑑於之前嘅經驗,佢叫一杯水落5匙奶粉,我已經落少咗一匙,但都仲係好甜丫~所以點解我覺得呢啲奶粉被稱為formula適合過milk呢,因為添加好多營養,但奶味就好少,甜味就好勁⋯我都係較喜歡鮮奶嘅味道~咁就送咗嚟都會飲嘅,可能間住間住啦,或者未買得切鮮奶時就飲住先啦~不過因為佢星期三送咗俾我,同一個星期六去咗美素佳兒講座時,我就唔會買佢個奶粉咯~(嗰個仲抵,雖然要百幾蚊買,但送胎兒心跳機+育兒實習班﹗)

前往其他懷孕扎記blog

Comments

comments

2 關於 “7-1-2015:懷孕扎記24w4d.媽媽會厚禮” 的評論

  1. 有得試飲、試食、試用,對消費者而言,總是好事。40年前,在東京逛場,也流行試食,我和少雲叔叔,當年逢週日放假就出外逛逛,走去試食、試飲。亦一樂也。

    • 所以點解係工展會、美食展大家都願意掏荷包出嚟消費,同有得試食試飲都好有關係﹗

發表迴響

你的電子郵件位址並不會被公開。 必要欄位標記為 *