3-1-2015:懷孕扎記24w0d.屯門醫院產前講座(1).產前護理

S醫生提醒我哋可以睇番網上嘅時間表嚟參加醫院搞嘅產前講座,雖然冇講到明,但根據觀察,似乎總共七堂嘅講座應該係三個月一個循環,大概係一月、四月、七月、十月開始,連續幾個星期六吧,大家如果想上都係refer番官方網站比較好﹗我哋上次開始留意時啱啱係一個cycle嘅尾,所以啱啱趕得及上第七講嘅產前及產後運動(請參閱:29-11-2014:懷孕扎記19w0d.屯門醫院產前講座(7).產前及產後運動),要從頭開始就要等到一月啦,所以一月二月我哋嘅星期六都好忙丫,要去聽講座﹗﹗IMG_5273

2015年嘅第一炮係1月3日嘅產前護理,由助產士主講,睇個title都no idea究竟會涵蓋咩內容,唔緊要啦,反正我都打算全部去齊晒,所以已經加晒落calendar啦~

三點半係屯門醫院日間中心嘅演講廳開始,都多多地人參加呢~講座分兩部份,上半講general少少嘅嘢,包括懷孕過程嘅大概啦、點樣分三階段啦、身體同心理嘅變化啦、常見嘅小毛病同埋處理辦法啦、飲食同生活習慣要留意嘅地方啦、產前檢查間隔係點、有咩要做同埋其重要性等等,其實好多都知道了,一方面我自己本身做呢行啦,另一方面由pregnancy test positive開始我已經download咗兩個apps,每日都教我好多小貼士(請參閱:2-11-2014:懷孕扎記15w1d.懷孕必用apps之強力預言書),又有睇書呀睇網站呀咁,同埋姑娘講得比較快,係短時間之內講好多資訊,所以唔算特別深入~第二部份講相對常見嘅pregnancy complications,包括妊娠高血壓、妊娠糖尿病、產前出血等等,呢方面更加medical我就知道比第一部份更多啦~

對我嚟講最得益嘅、亦係個talk最爆笑嘅,反而係最尾播嘅短片,因為就切切實實咁講醫院嘅logistics,以前做O&G houseman時係瑪麗醫院,嗰邊程序係點就熟啫,但間間醫院都有唔同,段短片雖然好教育電視feel,但就非常清楚,為咗令阿太們知道係重點資訊,對白有啲生硬同point form,呢個就係大家嘅笑位﹗短片中太太作動入院,應該痛到阿媽唔認得之際,仲企係醫院走廊度(冇錯,唔係搭車途中or搭lift途中),問老公有冇帶齊走佬袋啲東東,老公仲要逐樣東西係個袋度淘出來show俾太太睇:「你睇,產婦衛生巾、BB尿片、BB濕紙巾全部都帶齊啦﹗」真係好搞笑~但同時亦因為咁教育電視,所以印象非常深刻,好成功~>v<“聽講段片仲會係產前病房loop住播喎~

屯門醫院婦產科產前講座:

http://www3.ha.org.hk/tmh/ch/services/02_01_obs.asp#s6

前往其他懷孕扎記blog

Comments

comments

發表迴響

你的電子郵件位址並不會被公開。 必要欄位標記為 *