31-12-2014:年尾blog stat之回顧

自從yahoo blog係2013年尾關門大吉之後,我哋當時要搵地方搬,搬我哋由2005年開始累積嘅blog,當時怕其他service supplier又會隨時唔做,所以一把火就決定搬返嚟自己做﹗自家server啦、自己網站domain name啦,全靠day幫大家安排,所以有wufamilyblog.com呢個靚名~自己嘢就問題要全部自己fix啦,我哋2014年尾時keep番自己網站domain name,但個位置就搬咗去人哋商用嘅server,暫時好似穩定少少~(之前係屋企大廈停電都要放工先返去reboot到﹗﹗)用wordpress建立blog blog,有jetpack外掛可以計算自己blog嘅瀏覽量,每日係度refresh自己個stat係我其中最享受嘅一部份(sorry~自戀ing~)﹗﹗有空檔時,篤篤手機除咗whatspp、facebook、e-mail以外,頭四名內肯定包括wordpress個app﹗heehee~

螢幕快照 2015-01-11 下午3.41.51

佢service又好好喎,到咗2014年最後一日,又俾番個blog嘅stat回顧你睇下,仲整得好靚添,我節錄咗其中幾個俾大家睇~各位都有份貢獻㗎~螢幕快照 2015-01-11 下午3.41.56

哈,竟然會將我個blog同羅浮宮比較呢~原來全年入面最多人click入我個blog度有成614個點擊﹗呢個都比平時高出一截了,一般情況都係200上下吧,到年尾呢排又多番少少有300-400左右,希望下年成績更好~

螢幕快照 2015-01-11 下午3.41.58

呢個佢唔講我都知喇,雖然西班牙trip係2013年11月嘅事,但始終大家都好常俾面,直至2014年都持續有客人來訪,只要我冇打新blog,西班牙個trip嘅blog總會係每日嘅頭幾位~可能真係好多人plan去西班牙旅行,而旅遊書、網上嘅資源都相對地冇咁全面吧?﹗講真,我自己其實覺得西班牙blog唔係打得特別好,因為嗰陣比較懶惰,有唔少都係隔成幾個月先補打番的,好多details都唔記得咗,得番個大概,所以現炒現賣嗰啲應該最好睇﹗2014年入面最現炒現賣應該係北京blog同埋馬來西亞古晉blog﹗去完古晉返嚟冇幾多日就再出發去北京,所以就想盡快完成一單先再開始,去完北京返嚟兩個月左右又去夏威夷,又係好有決心,如果大家未睇過嘅可以按上面目錄bar click番去睇下呀,可能帶俾你新驚喜呢~(heehee,又賣自己廣告~)

螢幕快照 2015-01-11 下午3.42.00

當然最多人到訪我個blog嘅都係自己香港人啦,呢個無庸置疑了,第二三四五位嗰啲都係華人比較多嘅國家地區,呢個都明白嘅,不過我有啲好奇,我打嘅都係廣東話,唔知台灣人睇時會唔會覺得怪裡怪氣?﹗另一樣奇嘅係,又有啲同我哋毫無連接點嘅地區都有我嘅客人,過去一年只有1個點擊嘅地方居然有:老撾、Aruba、多明尼加、危地馬拉、波蘭、柬埔寨、智利、盧森堡、Bahrain,唔知呢啲地方嘅網友係點樣click到入嚟嘅呢?﹗

過去一年多謝各位親戚好友網友嘅支持,來年我都會繼續努力update我個blog,希望大家都多多睇下我嘅文章,有comment嘅話多多留言咯﹗唔怕煩講多次俾大家聽,大家可以用blog嘅function嚟留言,要打少少e-mail(我冇事唔會send e-mail或者發廣告俾你的)同埋計條簡單嘅數學題,亦可以用facebook account嚟留言,如果你係由我facebook連結過來的話基本上已經log in了,我reply番你仲可以收到notification添~好方便㗎﹗

好啦,係度祝各位2015年新年快樂﹗身體健康~

Comments

comments

在《31-12-2014:年尾blog stat之回顧》中有 2 則留言

發表迴響

你的電子郵件位址並不會被公開。 必要欄位標記為 *