27-12-2014:懷孕扎記23w0d.邱肚腩與邱小肚腩?﹗

又到咗相約S醫生作定期檢查嘅日子﹗而家日日都感覺到BB呱郁郁郁,相對地冇咁牽腸掛肚,但我依然期待每一次同你嘅約會丫~

血壓、小便都正常,體重今次變成67kg了﹗﹗嚇死人啦~我就嚟追得上day嘅體重啦~~~個個都話食得就好,不過apps就時時提醒我哋要食nutrition dense而唔係energy dense嘅東西,開胃係好,但真係要時刻提醒自己唔好食啲垃圾,而家咁開胃真係想食好多立雜嘢﹗除咗67kg呢個數字之外,其實近排都收籨少少嘅,因為食得太多或太油就會胃酸倒流,都係要乖乖地,清清地好啦~聽醫院嘅產前講座話average增重total應該係12.5kg,我已經用咗7.5kg了,邊有可能剩低嘅17星期只增5kg?﹗oh no no,真係要控制下,唔好暴飲暴食,同埋做番多啲運動丫﹗

好,輪到度度BB呱嘅生長啦~螢幕快照 2015-01-06 下午6.46.01

頭仔係非常準確嘅23週﹗叻叻~螢幕快照 2015-01-06 下午6.46.04

脾都係完美嘅23週~非常好﹗螢幕快照 2015-01-06 下午6.45.59

肚腩⋯erhhh?24週size?﹗其實,S醫生話啲parameters係呢啲週數如果正負一星期都屬於完全正常,其實唔駛擔心,不過嘛,得啖笑囉~自從我肚子越來越大之後,day個肚腩都改咗個名叫做邱肚腩,莫非BB呱都有邱小肚腩?﹗:p記得乖乖地,唔好繼續放肆亂咁長肉啦,按步就班,跟時間表生長就最好了﹗知唔知道?

S醫生仲睇咗好多其他部位,有啲睇番相相唔記得咗係乜就唔寫了,記得學咗新嘢,不嬲我都知道要用超聲波做dating的話,即是用超聲波尺寸計番胎兒週數,都係1st trimester時最準,2nd trimester都有多少資訊,再遲就冇意思了,原來量度BB嘅小腦尺寸的話同週數correlate得好好㗎﹗幾多mm就係幾多週,BB呱當然跟番住係23mm啦﹗我哋又數下手指仔腳指仔,係螢光幕上,BB呱繼續「烏蠅手」,郁郁郁郁郁,S醫生都好難捉住佢呢﹗heehee~螢幕快照 2015-01-06 下午6.45.53仲有呢個view﹗今次再照睇落都似女仔~所以我哋為BB呱改咗名啦,如果後來唔係再發現佢原來係男仔的話應該都會用呢個名了﹗叫乜?遲啲話你哋知啦~

前往其他懷孕扎記blog

Comments

comments

發表迴響

你的電子郵件位址並不會被公開。 必要欄位標記為 *