16-12-2014:懷孕扎記21w3d.屯門醫院產前運動班

台北babymoon完滿結束,返嚟香港之後嘅一日,原本係要工作嘅星期二,但為咗呢項特別活動請假,去參加屯門醫院物理治療部嘅產前運動實習班﹗

螢幕快照 2015-01-03 上午9.46.34

呢個運動班係上次聽講座時報名的(請參閱:29-11-2014:懷孕扎記19w0d.屯門醫院產前講座(7).產前及產後運動),其實比起呢一堂運動班,我比較有興趣參加第二堂,原定第二堂係同老公一齊去上,學下點樣用分娩球、丈夫點樣按摩幫助太太減少生產時嘅痛楚、點樣用止痛儀器等等,但一定要上第一堂先可以上第二堂,咁就豪豪地一併參加啦(豪嘅原因係可憐嘅part-time唔返工就冇$$了~冇VL冇ML,連去參加運動班都係一個普通嘅香港人要俾$100,乜福利都冇晒啦~)~

早上九點半前就去到屯門醫院復康大樓了,同一堂參加嘅太太們大概十幾個人吧,大多肚子好似都比我大咁~首先點好名,治療師處理好文件上嘅東東,我哋先排排坐聽講解,同埋做一啲可以係椅子上面嘅運動實習~

整體印象1小時15分鐘嘅課堂雖然都講咗好多嘢,可能因為平時都多學各種運動,上次又有去聽講座吧,感覺上新事物唔算好多,不過特別得益嘅我諗係因為講者嘅物理治療師係做個媽媽嘅太太,有好多親身嘅經驗之談,好似身體嘅反應會係點呀、邊度會特別容易攰呀、佢自己有咩小法寶呀咁~教嘅運動其實都係小冊子入面嗰啲,非常標準嘅產前運動,特別多針對腰背負荷+容易疲勞同埋會陰肌肉鍛練等等,好多運動平時去上孕婦瑜伽都有做,而且做得更多添~可能暫時嘅階段冇水腫又冇乜腰背痛(except姿勢唔好坐係床度睇書之後⋯^^”),運動嘅動力主要都係想fit啲好啲well-being鬆啲心情好啲,感覺由頭做到腳就好了,做啲特別針對「要害」嘅運動嘅initiative唔係太大⋯可能到再後期啲就會再勤力啲吧?

教完晒、落埋地蓆練習埋之後係question time,好多時唔係好明點解啲咁普通嘅exercise大家會咁多咁多發問?﹗係咪大住個肚會特別多事情擔心,怕做錯會傷害baby?定係大家平時太少做運動?﹗其實做前線嘅家庭醫生會發現好多上一輩嘅人你叫佢運動佢真係唔知點樣開始,但我哋呢一輩細個時應該小學至中學都上過無數嘅PE堂丫,加上網絡資源咁多,應該識好多方法去運動﹗﹗大家要平時建立運動習慣,揀全面的、自己喜歡的,唔好到大肚時不適or到中年開始有甚麼病痛時先開始哦~

btw,我打埋呢篇blog之後又出門口去上孕婦瑜伽了﹗早兩日跟youtube專門for孕婦2nd trimester嘅運動video做過,大家search “Denise Austin”就會搵到好多孕婦運動嘅短片了﹗﹗

前往其他懷孕扎記blog

Comments

comments

在《16-12-2014:懷孕扎記21w3d.屯門醫院產前運動班》中有 2 則留言

Catherine 發表迴響 取消回覆

你的電子郵件位址並不會被公開。 必要欄位標記為 *