14-12-2014:台北babymoon day 3(part 3).Att 4 fun.eslite TEA ROOM@誠品信義店

離開台北101大樓我哋向誠品信義店進發,其實只係步行10分鐘嘅距離,途中我哋被一個大商場吸引住了,睇落呢個叫做Att 4 fun嘅商場有好多靚靚精店店時裝店同餐廳呢~入去睇下啦﹗SONY DSC

商場外面又有人報佳音呢,呢隊仲著埋詩袍添呢,不過只聽到佢哋播嘅background音樂,唔係好聽到人聲添~如果而家詩班係我哋1點鐘方向的話,我哋8點鐘方向就係一個露天嘅美食廣場,我哋見到有條長龍,去八下咩事先~

SONY DSC

原來係呢間1973繼光香香雞丫﹗咁多人買嚟食,我哋點都試下啦~返到嚟香港同朋友講起我哋day 4再一次食咗豪大大雞排(點解係再一次,因為2008年印度七星期半之旅之後,我哋台北轉機留咗幾日係文明地方吃吃喝喝,請參閱:26-5-2008:回到現代都市大吃大喝@台北),佢就話覺得繼光香香雞更好味,原來佢係香港人之間已經出咗名呢~原來除咗炸雞之外,仲有炸魷魚、炸菇菇、炸薯等等,不過我哋唔係十分之餓,淨係試下招牌嘅炸雞啦~SONY DSC

賣雞嘅小伙子都非常熟練,一個收錢,一個炸雞,一個就用電子磅秤雞,另外又灑上調味料,非常smooth嘅流水作業,所以隊雖然長,等嘅時間都唔耐~唔,呢個炸雞我覺得聞嘅香味勝過食嘅味道,可能因為雞塊比較細,炸得有少少乾,冇咗炸雞應有嘅juicy,而撒上面嘅椒鹽味道好強烈,雞自己嘅味道就唔係好覺了,感覺上可以再食,但唔會令人難以忘懷嗰種~不過呢,價錢又非常化算嘅~後來我哋都見到繼光香香雞嘅其他分店呢~

SONY DSC

有棵閃閃聖誕樹,應下節影下相先~SONY DSC

另外又有Johnny Walker嘅promotion booth,哇,有個真嘅金色人仔丫﹗呢個artist都好專業呢,郁動得真係好似機械一樣﹗

我哋入去商場逛逛,真係好多靚靚鋪頭,我特別集中逛逛好似log on嗰類嘅大型精品店,因為聖誕同朋友仔有交換禮物呢,睇下有冇咩適合嘅,由台北帶返來夠誠意吧~購物雖然冇斬獲,但我哋去咗全部都係甜品cafe嘅樓層,大開眼界,間間都100% girly又cutie,如果唔係肚子被香香雞填滿,一定要揀一間去歎歎下午茶~

SONY DSC

入口已經非常夢幻,有煙霧screen打出來嘅愛麗絲夢遊仙境呢~SONY DSC

兔仔邀請大家入內享用盛宴~SONY DSC

華麗嘅香檳噴泉,bling bling bling~呢個噴泉,對我哋嚟講別具意義,因為行到呢個時間我哋已經行到腳板底痛,難得搵到個位坐下,又有free wifi,我哋係度休休息+上上網+(人)充充電,之後先可以繼續嘛~SONY DSC

我就同巨型蛋糕合照先~SONY DSC

兔仔話,夠鐘返屋企啦~

係呢個充滿夢幻嘅甜品樓層,我諗起當年去過東京自由之丘嘅Sweet Forest呢,不過呢度更誇張﹗(請參閱:19-5-2010:東京埼玉trip day 5.築地市場.自由之丘.回家咯~)SONY DSC

同一棵聖誕樹,日變夜,燈亮起,再加上前面嘅燈飾波波,另一番景緻~

SONY DSC

台北101嘅夜景~不過會變色嘛,好似有啲啲娘⋯

SONY DSC

到咗誠品信義店了,外面嘅燈飾我哋睇咗一陣,判斷係玫瑰花,大家贊同嘛?SONY DSC

外面有呢個lego聖誕樹呢,好似遲啲有lego展呢~呢個只係宣傳用~

我哋入到去第一件事係放東西落locker﹗﹗因為之前101買嘅手信已經拎咗好耐了~放低晒,得番$$同埋電話,輕鬆晒,簡直可以飄起丫~

我哋逐層乜都睇下啦,由精品到BB用品到兒童書藉到玩具到大人嘅各類書,難得可以輕鬆逛逛,香港嘅誠品永遠冇可能咁多空間,而且台灣嘅誠品係專登整啲椅子俾大家坐係度睇書呢,真好~其實都有書睇中,明知台灣買書平過香港好多,不過今次真係好節制,理由有三個,第一、上次為咗預備空間俾BB我哋進行咗超級大掃除,唔想重新堆積雜物,都係少買為妙~(請參閱:16-11-2014:懷孕扎記17w1d.超級大掃除)第二、我哋今次嘅行李非常精簡,只有一個露營背囊+普通出街背囊,買咗手信已經要hand-carry多咗嘢,再買書根本pack唔到入去﹗第三、我自從返part-time之後時時享用公立圖書館嘅設施,發現其實都有好多好新嘅書,不過要預約先借到罷了,HK$2.5預約費比起平啲嘅台灣書價,點都更化算吧﹗非常成功~真係冇買到書~睇中嘅⋯返嚟香港試下借啦~

螢幕快照 2014-12-29 下午3.18.17

我哋見時間差不多,揀咗一間餐廳食晚飯,要打blog先至上網搵番個名呢,原來係誠品自家品牌嘅餐廳,叫做eslite TEA ROOM~即使係星期日晚上,但人唔多,可以坐得好鬆動,仲有台北101夜景陪襯呢,你睇,張相唔係我獨照嚟㗎,拎住相機嗰個都有擺post﹗螢幕快照 2014-12-29 下午3.18.23

不如我正正經經幫你影一張啦,順便可以影到餐廳嘅格局~

呢度食西式全餐,價錢比起松園禪林平啲啲咁多啦,以質素嚟講比起香港都算抵,但比起台灣好多其他地方都算貴貴地~我哋叫嘅五道菜全餐好似新台幣800-900左右~螢幕快照 2014-12-29 下午3.18.28

雞肉沙律好清新,再一次見到一整排嘅粟米了﹗有冇人可以話我知究竟點整出嚟㗎?

因為我哋兩個都唔係史官,掛住食唔記得咗影個湯添,係意大利雜菜湯,感覺比香港平時飲到嘅light一啲,而且加咗啲粟米粒,甜味多啲、酸味少啲~舊包熱呼呼的,我係度大讚特讚時,day話台灣人製作食物咁認真嚟講,可能食唔到啲唔熱嘅麵包囉~螢幕快照 2014-12-29 下午3.18.32

我嘅主菜係蘋果汁烤豬柳,豬柳都好嫰,配上好多蔬菜+薯仔,營養更均衡﹗螢幕快照 2014-12-29 下午3.18.45

day食牛排,我就係怕出外食牛排好難要佢全熟所以有baby之後我都唔太敢出去食牛~day切咗少少熟透嘅邊邊位俾我,牛味都好濃郁~螢幕快照 2014-12-29 下午3.18.47

最impressive嘅居然係件cake,平時食到飽飽時再有creamy嘅cake就會覺得太heavy,但呢個又唔會喎,唔知點解好light,放入口時如飄雪降下﹗餅底都輕易同芝士蛋糕本身係舌頭上溶為一體,正﹗

螢幕快照 2014-12-29 下午3.18.49

飲品有好多選擇呢,day飲咗瘦瘦嘅americano,我要少攝取咖啡因嘛,只好揀肥肥嘅熱朱古力啦~

相片影唔出聲音,其實呢一餐晚飯有種酒不醉人人自醉嘅感覺,當然我哋兩個都冇飲酒啦,但餐廳嘅氣氛、環境、上菜嘅悠閒速度,最重要係播嘅音樂,令我哋兩個都非常陶醉+enjoy~播嘅係jazz版嘅聖誕歌,有傳統的、亦有流行曲的聖誕主題歌曲,我odd到問問waitress佢哋播嘅係邊一隻CD,好明顯佢答唔到我啦,我可以做嘅就係食飽飽之後去誠品嘅CD部意圖搵搵呢隻碟﹗線索非常少,只有jazz聖誕歌、女聲、同埋同一隻碟入面同時有Jingle Bells同埋O Holy Night,去到CD部原來有聖誕專輯特區,以為好容易,點知原來jazz聖誕歌嘅CD都有十幾廿隻,買咗一隻符合嗰三個條件嘅,返到嚟聽都唔啱呢~anyway,嗰個感覺放係回憶就好好了~

1973繼光香香雞網頁:

http://www.jgssg.com.tw/index.php

Att 4 fun網頁:

http://www.att4fun.com.tw/

誠品信義店網頁:

http://www.esliteliving.com/store/store.aspx?sid=A010

前往其他台灣旅遊blog

前往其他懷孕扎記blog

Comments

comments

在《14-12-2014:台北babymoon day 3(part 3).Att 4 fun.eslite TEA ROOM@誠品信義店》中有 10 則留言

  1. 你去個個全層都賣甜品的那個商場,我睇雜誌都有介紹過,我情願食甜品都唔食炸雞…
    之前香港都有ELITE TEA ROOM,不過已經結業了~

      • 我今次去高雄也有吃繼光香香雞,但味道太HEAVY,不太喜歡。
        不是在誠品入面,好似係HYSAN PLACE誠品樓上的餐飲層~

        • 我都覺得調味太濃,而且香氣正過真正嘅味道~
          哦,未試過就結業了~不過台灣呢間都唔知佢做唔做得住呢,星期日晚都咁少人食~

  2. 那排粟米應該直切就得喇嘛?
    我未試過,平時都只會一行行剝出來~

    • 感覺上直切會散晒?其實真係未試過~
      乜你真係會買新鮮粟米嚟剝㗎?賢良淑德﹗﹗一整條只會用嚟打邊爐or煲湯,粒粒的話都一定買雪藏粟米啦~

      • 都係媽媽身上學的~兼且寵壞了舌頭~~
        雪藏粒粒無咁甜又無咁爽,差好遠:p

        • 我嬷嬷以前都會批新鮮粟米粒出來,但我都係又怕麻煩又怕危險⋯
          你而家又寵壞埋阿麟﹗

Mandy 發表迴響 取消回覆

你的電子郵件位址並不會被公開。 必要欄位標記為 *