14-12-2014:台北babymoon day 3(part 1).仁愛天主堂主日彌撒.建國假日市場s

day 2嘅陽明山松園禪林、即興劇場係今個trip嘅必去項目,另外一樣就係希望星期日去望主日彌撒了,既然唔係匆忙嘅行程,一方面盡量係主日親近主,另一方面都參加下世界各地嘅彌撒,感受下當地風情~(請參閱:3-8-2014:加州婚禮+夏威夷day 9(part 1).主日彌撒@Waikiki St. Augustine Church13-11-2011:斐濟蜜月day 7(part 2).懶洋洋的下午@Lalati.叫人驚異的美妙歌聲)

本來出發前揀定咗去大安嘅聖家堂,見好似好大好靚咁,又有十一點嘅中文彌撒,非常好﹗但早餐方面有少少阻滯,day 2就話太遲起身啫,day 3唔遲,但落到去酒店餐廳,吓?要等位呀?﹗前面七張枱的話我哋會趕唔切,算啦算啦,唔食了~我哋餓住肚子搭捷運出發去,途中有機會隨便食少少嘢吧~點知⋯去到大安站,咦,站內地圖冇顯示聖家堂位置嘅?﹗我又冇事先print定地圖,電話又冇得上網,只記錄聖堂網址又冇記錄低電話號碼,即使搵站內職員幫忙,睇埋大大本嘅街道圖都搵唔到聖家堂嘅位置~正失望之際,day當機立斷,既然站內地圖顯示有間仁愛天主堂係大安森林公園站附近,不過試下去呢間啦~於是我哋搭番一個站轉頭,碰碰運氣,睇下去到彌撒時間啱唔啱啦~

SONY DSC

去到捷運站,兩份share咗份三文治,咬住行幾個街口,就搵到呢間仁愛天主堂了﹗匆匆忙忙冇影到三文治,但記得幾好味,雖然只係普通嘅火腿芝士三文治,但個汁有啲芥辣味,即刻畫龍點睛一樣有咗個性﹗day就跟餐飲咗本americano,我呀,清水算啦,彌撒完咗再食啦~

好好彩,居然呢度都係十一點鐘彌撒,坐低仲夠我哋時間定一定神至開始,原來當日堂區有避靜活動,而十一點彌撒前神父就講緊個talk,我哋都順便撈埋啲汁~SONY DSC

遠處見到間聖堂好細小,入到去座位都唔多,可能只係坐到100人左右,但到領聖體時至發現有源源不絕嘅人上前來,我哋至發現原來有上層座位﹗難怪坐樓下嘅係老人家多啦~對於仁愛天主堂彌撒嘅印象嘛,choir好好聽,其實好樸素,只有一個琴伴奏,而成員都係中年人居多,不過佢哋歌書簡譜之中已經有分部,所以分部唱應該冇咁難吧?答唱詠有領唱,獨唱嘅女聲都好穩定,聽起來舒服~歌曲方面,因為大家都係中文吧,所以有好幾首詩歌同彌撒曲都旋律同我哋相同,只係個腦要轉多少少換成普通話,我哋都可以盡情高聲唱歌~祭台好細小,所以只有神父係台上,傅祭們都坐係教友席的,需要時先上前幫忙~好似以前都冇乜點望過普通話彌撒?經文都同平時嘅廣東話一樣,所以你有你唸我有我唸時字數一樣,速度都可以一樣﹗我哋同一排坐最左邊嘅睇裝束應該係修士吧,佢著住好傳統嘅長袍呢,我旁邊係一個後生仔,奇嘅係居然彌撒中間佢唸嘅經文變成廣東話﹗但普通話時又覺得佢發音好準確,反而廣東話時又好似冇咁正,究竟佢嘅正體係乜?﹗冇機會好好結識添~SONY DSC

彌撒結束後影下相先,睇落聖堂嘅裝修應該都有番咁上下歷史﹗屋頂嘅階磚起碼六七十年代或以前吧?即刻睇一睇聖堂個網頁先,果然時尚嘅嘢係呃唔到人,原來仁愛天主堂係1967年10月正式成立㗎﹗

SONY DSC

但麻雀雖小,五臟俱全~

出發時由大安森林公園站行過來聖堂時見到parallel我哋行嗰條路係一個假日花市,我哋決定彌撒結束後要去逛一逛~SONY DSC

原來建國假日花市嘅盡頭係假日玉市,咁行咗呢個先啦~SONY DSC

入面係一檔接住一檔嘅攤子,賣嘅唔單單係玉器,仲有水晶、琥珀等等,玉器之中有擺設的亦有造成首飾的,不過我哋都不太好此道,隨便睇一轉就算了,亦冇咩收獲~玉市嘅盡頭仲有個建國假日藝文特區,呢個就相對地更沒趣了,有啲畫呀、雕刻呀賣下咁,感覺比較商業化,不是太藝術化,可能因為檔檔嘅商品都差不多吧?SONY DSC

我哋花得更多時間逛假日花市﹗後來睇番啲旅遊app至發現,原來都有介紹呢個假日花市呢,我哋有去啱「景點」丫,俾個tick先~SONY DSC

花市其實係由停車場改建,星期一至五係停車場,星期六日就化身市場~所以逛起來好闊落舒服~叫做花市真係包羅萬有,比起香港維園嘅嘅花卉展更多東東賣,與其叫花市,不如叫園藝市場﹗SONY DSC

當然有各式各樣嘅花賣啦,呢檔嘅杜鵑非常鮮艷,一下子就吸引咗我哋注意力了﹗花之中有盆栽,又有一支支嘅花~蘭花都好平丫,仲平過花卉展,港幣20左右就可以捧番屋企了~SONY DSC

仲有應節嘅聖誕花﹗大嘅細嘅適隨尊便~可惜我哋帶唔到返香港~

特別啲嘅仲有以下的~SONY DSC

陸地嘅松樹盆景我哋就見得多,原來有水中盆景呢﹗可能要更花心機打理吧?SONY DSC

呢個更神奇﹗有得賣室內水耕機﹗而家雖然都有話係工廠大廈種芽菜種菇甚麼,原來自家都可以種﹗有自動灌溉系統,所以好方便,我就話芽菜呢啲又平又易買到,點解仲要自己種?部機咪仲貴?﹗要種幾多年芽菜先可以回本?哦,自己種唔怕有農藥,原來係咁~明白了﹗

SONY DSC

睇到我哋哇哇聲嘅係,居然連樹都有得賣﹗﹗仲要係種得好靚嘅松樹添呢~其他品種、甚至果樹都有﹗感覺就好似玩啲Sim City或者遊樂場game嗰啲,你用cursor click一下就可以種棵樹一樣咁容易~買棵樹,捧番屋企,加少少泥係周邊,搞掂﹗﹗係咪有送貨服務呢?如果唔係點拎番屋企?﹗SONY DSC

 

園藝用品亦好齊全,簡直唔似係擺兩日嘅攤子,好以將成間鋪頭搬過嚟咁,勁﹗

呢個假日花市叫我哋大開眼界呢~

仁愛天主堂網頁:

http://www.catholic.org.tw/renai/index.htm

建國假日花市網頁:

http://www.fafa.org.tw/

前往其他台灣旅遊blog

前往其他懷孕扎記blog

Comments

comments

8 關於 “14-12-2014:台北babymoon day 3(part 1).仁愛天主堂主日彌撒.建國假日市場s” 的評論

    • 都可能係嘅,香港都少見呢啲咁舊式咁中式嘅天主教堂~
      闊啲囉,貨品多啲囉,唔買睇下都好~

  1. 看仁愛天主堂的網頁,他們得一個神父,但都有不少教友! 辛苦曬!!
    真的想像不到有人賣樹,賣樹的人是點樣決定那樹幾時賣得?

  2. 上次去台灣也有去教會,還遇上他們愛筳,邀我們一起,吃了一頓!
    又交流一下兩地教會的情況,難得的體驗~

      • 最簡單的找回浸信會的,模式好相似,只是對他們那麼熱情有點不習慣^^”

        反而這次去布吉,比較難找教會,最後也去了一間小型的,不過他們好像都忙於慶祝聖誕節,但也是很特別的體驗~~

        • 係敬拜好熱情定係對你哋好熱情?
          泰國係難啲啦,始終基督教冇咁普遍,而且可能未必每個教會都有網頁,曼谷可能好啲嘅~

發表迴響

你的電子郵件位址並不會被公開。 必要欄位標記為 *