二十週--嚟到整個懷孕過程嘅一半了﹗﹗BB呱開始郁啦、肚子越來越突起啦、開始有人讓座啦⋯懷孕嘅感覺越來越強烈﹗﹗之前嗰廿幾篇blog全部都係我自己講講講,話晒呢baby都有一半係day家嘛,決定係二十週期間推出「特別號」--等我訪問一下準爸爸先~
以下嘅問題係我draft嘅,答案就完全交俾day作答啦~
Q1. 嚟到二十週咯喎,而家感覺如何呀?
好期待BB出世!好想抱下佢 :)
Q2. 最初知道有咗BB時心情如何?後來呢?
當然是開心啦~不過沒咩真實感!後看照超聲波見到她動下動下,覺得上帝造人好奇妙!感恩!
Q3. 太太有咗BB之後對你哋生活最大分別係乜嘢?
暫時我不覺有太大分別,太太仍是很靈活同吱喳,家務仍是不做(除了今天!!):P
Q4. 嚟緊有冇咩係特別期待嘅?
BB再大D,踢得大力D!等我摸到她動:)
Q5. 又有冇咩係特別擔心嘅?
一向都沒咩擔心,兵來將擋啦!
Q6. 有冇咩說話想同太太講?
好好享受做媽媽!有憂慮便講我聽,我會陪住你~錫!
Q7. 你希望BB將來似你定係似太太?
HEE~似太太! 我應會熟悉應對一些!
Q8. 有冇咩說話想同未出世嘅BB呱講?
慢慢準備,在足月時出世!每天每小時踢媽媽一次,讓她安心!We are ready!!
Q9. 有冇咩冇問你你又好想自由發揮作答嘅?
她雖有我倆的基因,卻不是我倆所創造!她雖生於混亂的世代,但我並不擔心:)
前往其他懷孕扎記blog
Q6, 8, 9都特別想讚!
你們要加油喔~~~~姨姨都會好錫bb的~~~>3<
姨姨多啲嚟陪我哋玩丫﹗如果帶埋啲弟弟妹妹嚟就仲好了~
多謝支持!
這篇的IDEA幾好喎~好多時會MISS左爸爸的心情~
我專登等day自己打啲答案,等佢可以放開懷抱咁寫、盡訴心中情,唔駛怕醜﹗:D
睇day嘅答案就好似寫俾我同埋BB呱嘅情書一樣呢~blublublu~~可能時不時都要開下出嚟陶醉一下~:p