6-12-2014:懷孕扎記20w0d.It’s a girl!!!

雖然之前照過好幾次超聲波,早嘅時候就固然未知啦,但最近兩次其實都有機會見到男定女,但BB呱次次都好怕醜,夾埋雙腿丫﹗我估計到咗20週嘅結構超聲波應該知道啦啩?﹗連心臟內部結構都要檢查時,有冇小雞雞應該係好明顯嘅事吧?所以20w0d嘅呢一日就充滿期待咁去檢查呢﹗早前係FB朋友之間開盤,俾大家估估我嗰個係男仔定女仔(當然係毫無根據嘅直覺啦),好似一半之中估男嘅多啲啲,我可唔可以問下大家點解咁估呢?

咁當然男仔定女仔呢啲唔係今日課題嘅重點啦,最緊要都係由頭到腳睇睇有冇咩重大結構問題,咁萬一有咩事,出世前都可以做好準備嘛~仔細檢查之後,頭仔大脾size都啱啱好20週,而大致結構檢查都正常,非常好﹗IMG_5336.PNG

BB呱塊面丫﹗見唔見到骷髏頭咁嘅頭骨?兩個黑色嘅圈圈就係眼框囉~唔知BB呱眼睛係咪都好似爸爸媽媽咁大呢?係咪都係眉粗粗?似爸爸個鼻高啲定係似媽媽個鼻扁啲?IMG_5337.PNG

鼻哥窿s同埋嘴嘴﹗你有冇媽媽熱情嘅厚嘴唇呢?

好,我哋睇下臍帶以下,兩脾之間⋯

IMG_5308

我都convinced嘅,今次呢個檢查睇落應該係女仔嚟嘅~咁當然影像嘅嘢冇話100%準確㗎啦~umum⋯下次再檢查時confirm一下啦,heehee~之前一直諗住20週照到就可以買嘢啦,點知照完之後好似又等23週時再睇睇再買啦⋯心大心細添~

哇,好多女丫﹗day家姐嗰兩個都係女,我媽嗰邊表姐嗰兩個又係女,我爸嗰邊有個表姐有個女,而家表嫂陀緊嗰個又話係女,大家可以吱吱喳喳囉~IMG_5326

今日同時有family gathering,外甥女穎彤先送咗個Sofia貼紙俾我(衫衫右上角嗰個),佢媽媽話佢知有表妹係肚子裡時,肚子上都被贈上多一個Sofia﹗﹗heehee,舅父(即是day)只有細細粒貼紙咋,贏晒﹗哈哈~

前往其他懷孕扎記blog

Comments

comments

3 關於 “6-12-2014:懷孕扎記20w0d.It’s a girl!!!” 的評論

  1. 家姐可以幫忙照顧弟弟或妹妹,就像當年妳家姐幫忙照顧妳一樣,她細個時好懂事呢!

    • 男仔女仔都好,感覺早少少知道好啲,可以調整一下心態,同老公多啲時間商量教養小朋友嘅方向,始終覺得教養男仔同女仔係好唔同的吧﹗

  2. 有冇人自己re自己篇blog?哈﹗
    而家曉已經25m,但一睇即個鼻同個嘴嗰張超聲波,真係同曉而家個樣一模一樣呀﹗﹗

發表迴響

你的電子郵件位址並不會被公開。 必要欄位標記為 *