28-11-2014:懷孕扎記18w6d.一個大衛一個大胃

女人之中我平時都自係比較食得嗰type,人人first trimester作嘔作悶時都胃口減少,所以我一公佈咗有baby之後周遭嘅人問候我嘅頭兩件事都係有冇嘔同埋食唔食到(估下第三件事係乜?﹗),我都完全no problem~進入咗second trimester之後仲要變得大食咗添,好似之前我都寫咗篇blog講成日想食下午茶啦~

hungry frog

我開始懷疑裡面嘅都係「大衛junior」,或者叫做「大胃」更合適,因為有咗佢係度我成日都想食食食﹗﹗﹗不過某人話,唔係得我大食啫,你本身都好大食丫﹗heehee~咁篇blog個title叫大衛大胃有gimmick啲丫嘛﹗

我話呢排出街食開始叫啲佬飯,好似今日返工出去食lunch我就叫咗扒扒碟頭意粉,又有肉,量又大,肚子飽足嘅感覺非常好,到差不多放工時都未咕咕咕,開始明白啲佬點解會鍾意呢啲…以往嘅我去到餐廳都會揀下啲light啲嘅湯粉麵呀咁,但呢排大大碟嗰啲都清得晒囉~

我咪話download咗兩個apps嘅,每日tips之中,成日都提醒太太們,成日想食係正常的,要做嘅係揀啲健康啲、有營養啲嘅choice,真係好似唔到兩日就總會有啲類似嘅article咁,當然啦,肚子餓時就唔多唔少都會俾啲high fat high carb嘅東東吸引住,junk food亦好容易到手,果然健康嘅小食係要準備的﹗所以屋企而家除咗有水果同埋乳酪之外,最近專登為BB呱買咗包合桃,雖然嗰間紹香園隻松鼠logo咁cute,我都係第一次幫襯咋~

IMG_5232

食下合桃,為BB呱進進補﹗yeah~

去聽物理治療師關於產前運動嘅講座,都不停提到懷孕時唔好增過多脂肪俾自己,所以要多啲運動,特別提到有氧運動,雖然我而家一個星期上一次孕婦瑜伽(遲啲會再寫,呢個topic已經係我腦海個list度幾個星期了,一直俾其他topic爬頭所以未寫),但真係要立定決心做番啲有氧,同埋自從我有咗baby之後,day嘅運動都冇埋﹗﹗佢都要一齊fit fit番丫~因為過量增重方面我都要小心,一來本身已經有少少overweight,加上而家又咁食得,而我增咗嘅磅一向都好難減番,所以嘛,食就「聽從大自然嘅呼喚」肚餓就食,但運動就要靠自己警惕啦~

紹香園合桃果子專門店官方網頁:

http://www.walnut.com.hk/tc/about_us.php

前往其他懷孕扎記blog

Comments

comments

在《28-11-2014:懷孕扎記18w6d.一個大衛一個大胃》中有 6 則留言

  1. “女人之中我平時都自係比較食得嗰type”<- 所以也可以是double 胡暐啦!

David 發表迴響 取消回覆

你的電子郵件位址並不會被公開。 必要欄位標記為 *