韓文班落堂，十點鐘左右美孚等巴士返屯門，由於係公路前嘅尾站，都未必次次有位坐呢～雖然唔係超級攰，但巴士係屯門公路上轉嚟轉去，有得坐梗係安全啲啦～今個星期就唔太好彩了，上車客滿，我搵個好少少嘅位置緊握扶手，打定輸數要企半個鐘啦，or好彩嘅係轉車站有得坐一陣啦～
點知上咗公路一陣，超幸運地居然有位男士讓座俾我丫﹗﹗所以影咗呢張「紀念照」－－有BB呱之後第一次有人讓座﹗
雖然我而家都叫見肚，但唔刻意望實在未必發覺，而陌生人見到亦唔能夠短時間之內exclude肚腩嘅可能性⋯原來，佢哋係兩夫妻，太太而家都係懷孕中，所以太太嘅鷹眼bling bling發現我個肚～傾談之下，太太而家都係四個幾月，都係肚唔明顯嘅時候，佢將心比己，覺得俾著自己都想有人讓座，兩人商量之後，寧願冒住我可能係肥肚腩嘅可能性，本住萬一幫到同樣係孕婦嘅我就好嘅心態而出聲，都要俾個位我坐～我真係好開心好興奮好感動﹗﹗﹗心裡面不停地覺得，香港而家仲有好多人好有人情味㗎～～～一定要打篇blog嚟讚揚呢對好心夫妻﹗﹗Thanks～～～
前往其他懷孕扎記blog
肚同腩有時真的幾難分！，在肚不是太大時，可以”隨意”摸下自己個肚，增加被讓坐的機會～ haha
我又費事咁刻意嘛，而家肚越嚟越大，應該少啲呢啲困擾吧～