15-11-2014:懷孕扎記17w0d.baby人體奧秘深度遊

又到咗檢查嘅日子﹗雖然BB呱就日日同我一齊係我肚子裡,但幾個星期冇見過真係好掛住佢呢~每次有機會同佢say hi都好期待啊~血壓、weight gain、小便正常,跟住就可以睇睇BB呱嘅成長啦~

有婦產科同學仔S醫生幫我哋,由頭到腳仲有胎盤胎水臍帶每一部份都睇睇、度度~佢好仔細講埋我哋知睇到啲咩情況點點點呢,所以改呢篇blog名做「baby人體奧秘深度遊」﹗

因為超聲波機只有一個mon,佢好認真郁個probe幫住mon,day就笑咪咪咁、充滿期待咁一齊望住個mon,躺係床嘅我?只好眼巴巴望住佢哋兩個塊面囉﹗S醫生話:「呀,佢張開個口,用手擋住塊面喎⋯」我只恨得牙癢癢⋯就嚟要咆哮啦,我都要望下BB呱啊﹗檢查完畢之後S醫生show番俾我聽佢啲findings,yeah,我都有得睇﹗

我揀咗幾張有代表性嘅俾大家睇啦~有啲返到嚟都⋯唔記得咗添~:p17w size measurement

睇睇size先~真係要讚歎天主造物嘅偉大,點解programming可以咁精確?﹗頭仔同大脾骨嘅size都啱週數,對比起14週時又長咗好多(請參閱:25-10-2014:懷孕扎記14w0d.成長中的小寶貝),BB呱叻叻~

IMG_5193

呢張睇到成個頭+身嘅shape清楚啲~:)

除咗望到BB呱高興之外,S醫生都幫我哋睇下現階段望到嘅身體各部份,當然,20週嘅morphology scan(結構超聲波)先至更適合睇detail啦~頭仔入面腦部嘅ventricles啦、paranasal bones啦、心臟同胃bubble相對嘅位置啦、橫隔膜啦、脊椎完整性啦、泌尿系統啦、手手腳腳啦⋯IMG_5194

原來咁細個baby已經睇到個膀胱﹗係呀,佢身邊包圍住佢嘅胎水咪就係自己啲尿尿囉,所以腎臟、膀胱已經開始運作㗎啦~IMG_5195

因為一般超聲波只係唔同角度嘅切面,baby係立體㗎嘛,當然唔可能同一個cut睇到晒全身各部份啦,佢不斷揮動嘅手,好不容易先捕捉到其中一隻影到相﹗:D 14週嗰次睇落瞓緊覺,今次唔似了,因為好活潑丫﹗

原本都有考慮到今次可能會知道係男仔定女仔,點知⋯

images

BB呱大概悠然自得地繞腳休息中吧﹗XD 繞住腿、夾住脾,真係見唔到喎~繼續保持神秘感﹗﹗當然,男仔女仔媽咪都咁鍾意,不過未知道嘛⋯暫時繼續壓抑住我嘅購物慾先,哈哈~

媽咪錫錫﹗

前往其他懷孕扎記blog

Comments

comments

在《15-11-2014:懷孕扎記17w0d.baby人體奧秘深度遊》中有 5 則留言

  1. 上帝造人的program真的好神奇!!
    我都發覺自己由心而發地笑咪咪!控制不到面部表情~ haha

    • 唔需要控制面部表情啦,我見到你由心而發笑咪咪我就更加笑咪咪了~blublublu~

  2. 嬰兒學發音,學講話,點點滴滴記錄下來,也是個有趣的研究。人類學習語言也遵循一定的模式,掌握了,教得更有效,學得更輕鬆。

David 發表迴響 取消回覆

你的電子郵件位址並不會被公開。 必要欄位標記為 *