14-11-2014:學習真好.한국어之進度

今日見到好耐冇見嘅大佬同事,吱喳一番,講到而家返part-time咁多時間有乜搞,我同佢講起學緊韓文~我好多blog都係「第一次xx」,似乎都應該寫下啲後續,如果唔係就顯得好似有頭威唔知有冇尾陣咁﹗其實由9月11日開學至而家已經學咗兩個月了(大家可以參閱番「有頭威」嘅blog:11-9-2014:韓文班開學咯~),冇做學生咁耐,原來學習真係好開心﹗特別係自己鍾意嘅東東同埋冇壓力嘅時候~考試測驗默書都唔會驚﹗IMG_5170

我嘅Quiz 1成績係--滿分﹗heehee~全班廿幾三十個同學之中同樣滿分嘅有6個,得到老師嘅禮物呢~當然啦,第一次Quiz都係比較basic嘅東東,字母、發音(所以有listening部份﹗)、彼此問候、介紹自己名字呀職業呀國藉呀之類~

但嚟緊下一堂嘅Quiz 2就唔止咁少啦,HKU SPACE都教得好有structure,而且速度都合宜,下次會考去餐廳點食物、買東西包講價啦、數目呀價錢嘅講法啦、最難應該係chapter 5關於動詞形容詞現在式嘅grammar~老師話以後每次都會考閱讀理解呢(好似好勁咁,其實只係將啲我哋識嘅淺易東東堆成一篇文章﹗:p)~IMG_5171

高興嘅除咗自己真係學多咗嘢之外,睇韓劇好似識得聽得多咗少少(例如睇「沒關係,是愛情啊」入面講女主角叫姐夫唔好成日飲酒,姐夫話「一支啤酒啫」,以前就唔識聽,而家佢講「맥주한병」我就識聽了﹗yeah~),老師嘅認同都好重要呢,好似讀中學時嘅「好名」咁~收番功課返嚟見到張貼紙就笑咪咪了,那管我已經係30歲嘅大人﹗:DIMG_5172

嚟緊學到嘅會越來越多﹗目標希望去旅行可以用得著,睇節目甩咗字幕都聽得明,仲有睇韓文網頁都預備到旅行﹗大家韓文班嘅同學仔,一齊加油啊﹗

好欣賞老師跳躍活潑嘅教法,全班都知道啦,你最鍾意G Dragon嘛~課堂又有好多遊戲玩,啱啱尋晚上堂就玩咗跳棋,擲骰子去到嗰格要將名詞同動詞串成句字,最快嘅同學仲有獎品添~老師又會憑佢同學生相處嘅經驗,話我哋知其他同學仔點樣記生字,好似學習係「공부해요」,「공부」讀落好似「恐怖」,原來除咗我之外,都仲有其他同學仔會用「學習好恐怖」嚟記住呢個詞語呢~

上咗兩個月堂,又識多咗同學仔,除咗每次一齊坐嘅미쇨 씨之外,尋晚仲同새시 씨一齊搭車,傾咗大半程巴士呢﹗希望將來都可以好似同西班牙文班同學仔咁close﹗

HKU SPACE韓語課程:

http://hkuspace.hku.hk/prog/introductory-korean-part-1

Comments

comments

在《14-11-2014:學習真好.한국어之進度》中有 8 則留言

  1. 看你學韓文,令我想起當年在日經學日文的時光,個時都係好開心,同D同學仔都好有交流,看日劇聽得懂簡單的對白,去到日本可以同當地人作簡單溝通,這些都是很美妙的經歷。
    你的韓文老師也很喜歡青蛙?

    • 嗰次你問人點樣去啲台屋然後一直同個日本女仔對話真係好impressive﹗上次去西班牙同人傾計機會唔多,返而有次去New York坐船同個南美人仲傾咗幾句添~
      哈,仍然記得當年小學時跟旅行團去日本,爹爹話:「飯ku-da-sai」,大家都覺得好勁﹗我而家都識講呢句嘅韓文版啦~
      唔知係咪好鍾意青蛙喎,爭取多幾次貼紙chance可能就會知道﹗:)

  2. 咁你係 暐씨還是Rita씨??
    你啲字無外國人寫韓國字的感覺呢~~讚~

    飯ku da sai好好笑~~
    韓文版係飯chu-賒-唷??

    • 我其實係Lita,因為韓文冇R音,寫作리타~
      我都覺得好神奇,明明同學仔都係新學韓文,初時都係好似畫圖畫咁圓圓方方,點解每個人嘅字體都有自己風格嘅呢~
      啱呀맨디 씨,叫飯係咁講,寫作「밥 주세요.」~

    • 안녕하세요!루이스 씨.
      歡迎你嚟我個blog丫﹗
      開頭時寫韓文字好似畫公仔咁,慢慢寫下寫下就熟練了,寫得冇咁生硬~
      你而家係邊度上?我而家都繼續緊Introductory Korean (2)呀,大家一齊努力~

  3. 안녕하세요,리타 씨?
    我喺銅鑼灣HKUSpace上啊~您呢?
    快d多d post您最近嘅進度同心得啦 =]
    岩岩呢幾日睇完書 先只睇得明少少您寫既野

    • 我係美孚centre上~銅鑼灣SPACE去過一次,上個學期尾考試前有一堂溫習課係嗰邊舉行,個校舍好靚~
      好呀,我遲啲再寫啲學習進度丫﹗

發表迴響

你的電子郵件位址並不會被公開。 必要欄位標記為 *