一早已經知道，懷孕嘅時候，肚子越來越大瞓覺要側睡比較好，因為大肚子壓實大靜脈的話會阻礙血液循環～通常講緊2nd trimester開始要側睡了～我越接近2nd trimester時就越擔心，因為我習慣仰睡，仲要係投降式姿勢，要我側睡真係不知從何做起⋯
其實而家多咗好多product可以幫助準媽媽們嘅～上網睇下，側睡枕(side sleeper)都有好多形狀同品牌，有台灣人比較多用嘅六甲村樂活枕啦，枕頭細細的月亮形所以又叫月亮枕，另外外國又有啲大「C」字型或者「凹」字型嘅巨型枕，成個人窩係中間的，仲可以夾埋大脾中間～我見淘寶就比較多「凹」字型嗰款，但我就唔敢係淘寶買啦，怕黑心棉甚麼的，都唔知質素如何，咁大舊運費又貴，買返嚟唔啱心水要又唔係唔要又唔係～
結果係進入2nd trimester嘅日子同day去逛咗沙田連城廣場嘅超大間荷花親子，眾多攬枕之中揀咗呢款deltababy嘅大大C字形攬枕，原來係豆豆filling，所以粗幼形狀嘅微調可以自己做到～上網睇睇deltababy係比利時牌子，但佢個官網只有介紹BB用品，見唔到呢個攬枕呢～當然，呢個攬枕除咗懷孕期間用之外，生咗之後亦可以用作餵奶枕～
返到屋企，我首先愛上佢係，坐係床度用ipad睇Running Man時，圍住我靠住嚟坐好似女皇嘅寶座，睇個半鐘嘅節目都舒服啲﹗不過瞓覺方面，用咗個幾禮拜都未係非常掌握到最舒服嘅側睡姿勢，圖片上面classical用法應該係concave嗰邊面向自己，頭枕係C頂，大腿夾住C底，手抱住C身～但我又唔想唔瞓自己個枕頭喎，始終豆豆冇真枕頭咁舒服，於是我就調轉，背靠住concave嗰邊，然後大脾都夾實C底，頭就照枕自己的枕頭，咁都ok舒服，但轉身的話就要連人帶大枕一齊轉，以我哋4呎半床嚟講好似有少少逼，好在而家天氣未咁凍，day唔駛點蓋被，我大轉身時都未至於捲走晒佢啲被⋯所以嘛，要學習側睡都仲要適應下～
大家有冇呢啲困難？
前往其他懷孕扎記blog