31-10-2014:懷孕扎記14w6d.肚vs腩?

最近我不停問day呢個問題--「我呢個係肚定係腩呀?」--應該已經煩死咗佢⋯^^”

1st trimester嘅時候,因為6週左右有少少spotting,嗰陣中醫師都叫我唔好走動太多唔好操勞唔好拎重嘢,當然之前幾個月慣咗做運動都全部停晒啦~食又冇話食得多咗好多嘅,只係因為時時作悶,個胃一空就要食少少餅乾,我諗多出嚟嘅攝取量應該都只係一塊又一塊嘅梳打餅⋯不過呢,我1st tri嘅weight gain其實都得2lbs左右,但會唔會因為少運動而肌肉變肥肉?9週左右其實平時啲褲已經好緊,所以之前先講話要急切買新褲子之嘛~

到咗11、12、13、14週⋯個肚子好似有啲突,我都換上咗上次買bra時一齊買嘅孕婦底底,高腰包埋肚子又有彈性嘅阿婆底,咁大個女都未著過,感覺非常舒服~而面衫方面,已經唔可以唔著孕婦褲or鬆身連身裙,究竟呢個係肚定係腩?明明教科書話,孕婦腹部檢查的話,12週先至啱啱係肚子度摸到個子宮頂部⋯咁⋯肚出嚟嗰啲係咪肥膏呢?呢個真係諗極都諗唔通~(老公又會話我諗得太多⋯)

於是我就變咗個layman,上網係度search啲「幾時見肚」之類嘅關鍵字⋯作為專業嘅醫生,如果同一個問題有病人問我,我會充滿自信咁同佢講,個肚睇落大定細唔重要,bb健康,醫生話你體重增長速度、子宮大小ok就得﹗但好多似換轉自己切身處地時,就會變成無知婦女㗎啦~IMG_5114

如果睇呢張圖,確實12週係有少少肚嘅~問媽咪,佢話嗰陣4個月左右至見肚﹗睇網上啲討論區,啲太太們嘅答案vary from 2個月至5個月都有﹗之前梁詠琪同陳茵薇係同一場合公開到話有咗b,嗰陣梁詠琪嘅週數同我而家差唔多,佢嗰陣都好突喎~果然係因人而異~但呢啲資訊都解答唔到我個問題--我嗰個係肚定係腩⋯大家睇到呢度可能已經開始覺得我好煩了⋯

問朋友的話,恐怕唔叫我傷心都會話,兩樣應該都有少少啦~我估都係嘅⋯XDbelly

大家覺得呢?呵呵~應該都唔係「純腩肉」吧?day話我而家屬於半肥瘦⋯^^”no belly為咗打呢篇blog,我搵番未preg之前嗰兩三個月啲相嚟對照下,好似當時只有腩嘅我就係冇咁突喎,那管嗰陣都overweigt BMI超過23⋯

我估係女人,特別係某啲個性嘅女人先會有呢啲咁無謂嘅煩惱,我諗係因為一方面期待bb長大,另一方面好怕自己有大肚腩吧,所以希望得到認同,嗰個係bb而唔係肚腩﹗anyway,肚嘅成分應該會越來越增加,腩就希望keep住就好﹗將要踏入15週,BB呱越來越大啦~

前往其他懷孕扎記blog

Comments

comments

在《31-10-2014:懷孕扎記14w6d.肚vs腩?》中有 4 則留言

    • 之後腩嘅份量應該static,而肚會增大,咁即是肚嘅比例會越嚟越高啦﹗yeah~

David 發表迴響 取消回覆

你的電子郵件位址並不會被公開。 必要欄位標記為 *