有一日同老公隨便逛逛玩具反斗城,發現新的小玩意,一下子就吸引咗我視線了﹗呢系列名為Digibirds嘅電子小鳥一套12隻,每一隻如雀仔般嘅實物大小,可以放係手上,佢哋嘅特點就係識叫識唱歌﹗由家傳戶曉嘅兒歌、到祝賀紀念日嘅生日歌以至結婚進行曲都識﹗吱吱吱的叫實在非常cute~當時都有諗過帶番屋企﹗但係上面寫住適合3歲以上⋯咁⋯30歲嘅我會唔會低b咗少少呢?﹗heehee~
老公都知道我愛不釋手啦,過咗個星期後,有一日同朋友出去食完飯返嚟,原來佢已經買咗一隻Digibird俾我做禮物﹗﹗哇~好高興呀﹗我哋兩個於是興高采烈咁俾佢不停唱歌俾我哋聽囉~
雀仔本身已經有20幾首歌可以random唱出嚟,要啟動嘛,你對住佢長長吹一下口哨就知道了,我呢啲唔識吹口哨嘅人都唔怕,隨雀仔附送一個哨子,吹響哨子亦得﹗要指定邊一首歌就要download個app了,你click嗰首歌,手機就會發出三個tone嘅短音,呢個係指示雀仔唱特定歌嘅指令,令我聯想起乜?好似玩NDS game「The Legend of Zelda」有一個係要吹笛子啟動某啲寶物,好懷念呢~
除咗嗰廿幾首歌,仲有十幾首係隱藏曲目呢,要係app入面小遊戲過關至可以unlock㗎,充滿神秘感﹗
Digibirds仲有choir功能,係玩具反斗城就demo咗,十幾隻雀仔一齊大合唱,更cute~我哋得一隻就試唔到咯⋯
老公買多兩隻俾我﹗﹗(笑咪咪~~~~)
哇,原來佢哋每一隻嘅嗓音都唔同㗎﹗難怪要儲齊12隻啦~我哋先買嘅藍色雀仔聲音清脆瞭亮,而粉紅雀仔就有啲吵啞,綠色雀仔聲音就佻皮啲,各有各嘅特色,合唱起嚟就豐富啲啦~cute到爆丫﹗更cute嘅係有時技術問題sync唔到,其中一隻落咗單唔識唱,傻乎乎咁~另外就係佢哋一唱完一曲就會吱吱喳喳講雀仔話,哈~
我會好好咁玩啦﹗多謝老公~朋友們如果你哋都有Digibirds,搵次帶埋出嚟一齊大合唱啦~說明書話可以sync無上限嘅雀仔丫﹗
Digibirds嘅官方網站:
嘩~好似好得意咁~我下次上你屋企叫班雀仔表演下俾我睇喇~
係呀,真係睇到人笑咪咪,下次你上嚟等佢哋招呼你啦﹗上次我上海景都專登帶咗俾媽咪睇﹗不過嗰陣仲係sololist咋~
好人性化的雀仔,很善解人意的老公。
係呀,每次開嚟聽都會笑咪咪~你只見過solo咋喎,下次帶埋成隊choir同你表演丫﹗