24-10-2014:懷孕扎記13w6d.飲Starbucks的孕媽媽

由年頭開始飲中藥起,至到而家有baby,已經要戒生冷嘢,最愛冰品凍嘢飲嘅我真係好辛苦丫﹗因為之前好不容易戒甩咗咖啡因,即使之前未preg我都唔take up番了,費事有咗又要再經歷脫癮徵狀+craving嘅日子⋯

平日要返工嘅日子還好,即使出街食飯,餐廳有冷氣嘅時候,即使飲熱嘢都ok~去旅行就真係搞唔掂,日間長時間曝曬係太陽之下,又要行好多路好多消耗,我戒口最失敗嘅時候絕對係去北京旅行嗰幾日,夏威夷反而ok啲,大家印象中嘅熱帶旅行,其實天氣都涼涼的好舒適,我嘅底線係盡量唔飲加冰東西囉,冇得選擇就夾走啲冰,有得揀就揀室溫or 4度飲品,都係果汁之類啦~

至於係香港,茶餐廳快餐店入面,熱檸水同埋熱華田已經係我固定嘅朋友,新識嘅同事可能以為呢兩樣係我favourite,其實我更愛凍奶茶﹗IMG_5081.JPG

啱啱呢日約咗朋友食晚飯未夠鐘,想搵個地方坐低hea下,isquare入面可以坐得耐啲應該係Starbucks吧,我一心諗住我都係飲果汁啦(果汁係4度,唔算冰凍,但鮮果汁總算係有營養有益嘅食物~),但冷氣凍凍地,睇餐牌發現呢個--yeah--我就飲最啱孕媽媽嘅熱鮮奶啦﹗呵呵~我同day嘅用語係「加多一tick」,因為又多啲鈣質攝取啦,各個資訊source都時時提大家要多啲奶製品﹗

仲有漫長六個月,大家對飲品有咩好提議?

前往其他懷孕扎記blog

Comments

comments

在《24-10-2014:懷孕扎記13w6d.飲Starbucks的孕媽媽》中有 4 則留言

  1. 我有個FRIEND好鐘意飲咖啡,佢個B好細個就跟佢去STARBUCKS飲BABYCCINO,所以STARBUCKS雖然賣咖啡,但人人都啱飲咁~

    • 我飲嘅應該都係babyccino⋯^^”
      其實朱古力都飲得,不過實在太太太太太甜了~

    • 奶係幾好嘅~不過好似尋晚等你哋時我就揀咗汁汁,因為怕飲奶飽得滯會食唔落飯﹗

發表迴響

你的電子郵件位址並不會被公開。 必要欄位標記為 *