22-10-2014:懷孕扎記13w4d.纖與美孕婦facial體驗

原本對於有咗baby之後做唔做得facial真係冇乜點考慮過,只係覺得涉及嘅皮膚好少部份,而且恐怕systemic absorption都應該唔會太多,唯一有少少顧慮嘅就係做儀器facial~懷孕初期時都照去咗平時去開嘅Physical美容部做facial,但後來睇嘅資訊越嚟越多又變得越來越唔放心,呢啲時候冇得講有冇evidence base,我都ok肯定啲facial冇正式臨床測試對於孕婦同BB安唔安全~外國網站有啲講得比較detail嘅話,steam的話如果係就咁純蒸氣就ok,但好多時加咗ozone就唔ok;有retinoids嘅product唔用得;另外如果做機係射頻儀器又唔得咁⋯哇,呢啲都未必係全部喎~諗諗下好似都係去啲專門打正旗號做孕婦facial嘅安心啲(無論係咪真係有需要⋯)~

之前網上睇過人哋啲blog,有間叫做Beauty Forever,全港好多間分店,都有孕婦facial同按摩,上網見有試做價promotion,打電話去問,按摩要20週後先得,如果單試facial又冇咁化算,於是就算數⋯諗起之前買嘢送嘅coupon⋯IMG_5072.JPG

上次去010 Maternity買bra bra時送咗coupon,可以免費去呢間「纖與美」做facial,另外都有孕婦按摩,不過要大啲週數先做得~我皮膚餓咗啲滋養已經好耐,就預約去試下啦﹗

上佢個網睇睇,原來呢間有兩間分店嘅美容院專門做產前產後only,非常專,產前就有facial按摩啦,產後就有啲修身療程~baby kingdom睇咗一兩個人嘅免費贈券experience好似都ok,所以都放心去試﹗其實最怕就係強硬sell嘢會吃不消,所以好多時啲平嘢免費嘢都要小心啲~

我揀咗尖沙咀分店,都好就腳呀,就係加拿芬道同彌敦道交界嘅樓上啫,好近地鐵站~職員都好友善,而且係第一次俾外人視我為珍貴嘅孕婦,出入都提醒小心呀,又會扶一扶你咁(雖然我個肚暫時都仲係頗平)~放好東東係locker、填好健康問卷就開始做facial了﹗

獨立房間,耳邊響起鋼琴流行曲音樂,床同枕頭好似冇平時Physical嗰張咁舒服~美容師好friendly,邊用熟練手勢同我開始、邊解釋俾我聽佢哋公司孕婦facial同一般facial嘅分別~呢個最basic嘅facial只有四部份:洗面、peeling、按面同埋倒模mask~佢話佢哋唔主張做針清同修眉,因為怕刺痛感會影響孕婦,而佢哋peeling係公司皇牌產品,只要細心做得好,效果可以好好,唔需要做儀器or針清都會好滿意~而佢會花最多時間同心機係按面上面,靠手勢嚟做提昇線條,減少水腫~佢按完一邊俾塊境我照照,好似嗰邊面真係尖啲噃,不過唔知效果可以持續幾耐?:p至於facial用嘅product就係法國嘅孕婦專用品牌,聽落都放心啲~美容小姐話佢哋公司做孕婦美容差唔多有15年,所以行內算好有經驗~

做完效果都好滿意丫,好似真係明艷照人咗,可能少咗啲死皮,所以有光澤咗、個人精神咗~好啦,之後都繼續返來啦﹗16週後就可以試埋按摩,平時好鍾意按摩嘅我呢一刻又冇話好恨住,始終而家返工時間少咗,個人冇咁大壓力,肩頸背嘅疲勞都少咗,個肚又未開始有負荷~唔緊要啦,遲啲先試我都唔急住﹗

太好了,可以繼續靚靚~hee~

纖與美嘅官方網頁:

http://www.fitnessandbeauty2000.com/

前往其他懷孕扎記blog

Comments

comments

2 關於 “22-10-2014:懷孕扎記13w4d.纖與美孕婦facial體驗” 的評論

    • 孕婦確實有種特別嘅魅力﹗應該係由內至外嘅幸福滿瀉所造成吧﹗做facial主要係想清潔得好啲唔好咁「wea」,但佢哋唔修眉,呢方面我要自己修練下了~

發表迴響

你的電子郵件位址並不會被公開。 必要欄位標記為 *