21-10-2014:懷孕扎記13w3d.下午茶之選

本來已經棄絕下午茶好耐,特別係之前要努力減磅,多餘嘅卡路里攝取更加少得就少,而基本上最咗一日三餐之外,我都好少會覺得特別肚餓要食嘢(工作時都冇時間諗餓唔餓,甚至係急唔急﹗)~但自從有咗BB呱之後,早期嘛,因為「悶悶快樂」嘅緣故,個肚子唔空得,一冇嘢係個胃度就反胃,於是變成咗隨時有餅乾係身,食餅嘅次數總和應該多過我平時一年食嘅份量﹗而家開始進入second trimester,「悶悶快樂」已經大大減少,但肚餓感就與日俱增,唔單止我,連day都變得好大食,係咪兩公婆真係有感應?﹗哈~總之而家成日都想食下午茶啦﹗

呢排係荃灣返工,放工後要經過好多間麵包店先到巴士站,荃灣啲麵包店好似價錢特別相宜咁,(唔止一間)蛋撻都只賣$3個,大多都係我喜愛嘅牛油撻皮,而且仲好環保地可以直接放個蛋撻係你手度,熱辣辣食住走,食完嘛,啱啱行到巴士站﹗:p試過一次咁高興就再接再勵⋯但始終蛋撻都不是甚麼有益嘢⋯食過幾次之後我今次終於忍住咗冇買,但返到屯門就越嚟越餓,理性聲音叫我返屋企食yogurt、食生果,任性聲音叫我去茶餐廳or快餐店食大下午茶,心思思之際時間越來越夜,結果買咗三文治返屋企食﹗好似都係太多了⋯到八點半day返來晚飯時都仲係飽飽地,當然我都吞晒成碗飯+餸落肚啦,下次唔敢了⋯似乎應該下次聽理性聲音嘅說話喎~DSCN0203話說上次健康院出嚟咪捧咗一大堆奶粉媽媽會贈品嘅,我早幾日試過飲下美素佳兒送嘅孕媽媽奶粉sample~其實嗰陣對於「打開一個小包裝、倒啲粉末入容器、再加入熱水攪拌」呢個動作仲係好抗拒,因為嗰陣停咗中藥冇幾耐,不過奶粉應該好味好多啩?未試飲味道湧上來,濃烈嘅vanilla味,吓?formula果然係formula,味道都artificial啲,唔係正宗牛奶味囉~試飲,太太太太太甜了,簡直就係營養版嘅鷹嘜煉奶,但煉奶嘅味道實在啲﹗好不容易飲晒成杯,之後仲要飽飽滯滯咁幾個鐘,我絕對唔會俾錢買孕媽媽奶粉返嚟補﹗(全靠試咗你嘅免費sample﹗哈~)

其實我之前都諗,我而家買屋仔裝鮮奶嚟飲,有牛奶嘅macronutrients,至於每日食緊Materna,應該已經包含咗孕媽媽奶粉formula加添嘅micronutrients,講真,我又唔覺一定要飲呢啲特別奶粉丫﹗大家覺得如何?

前往其他懷孕扎記blog

Comments

comments

10 關於 “21-10-2014:懷孕扎記13w3d.下午茶之選” 的評論

  1. 實不相瞞,我都飲過那隻sample XDD
    因為阿嫂唔飲奶,唔好浪費我就沖左黎飲
    最後沖出黎vanilla味實在太香,飲一口實在太膩
    飲完實在太飽…..
    感覺嘛,如果真係買黎「補」,大概會肥好多吧~~~

    • 你的試味感受同我的幾乎一樣,可想而知,恐怕唔係太多孕婦會愛上呢個口味,係咪都係買一罐番嚟之後靠「義氣」飲埋佢?

      • 大概是極端吧,一係試完好抗拒就唔會買,一係勁鐘意雲呢拿味….

        講開又講,話說朗朗B半歲後都係飲美素佳兒,有次沖奶俾佢,滴一滴試溫度時唔好浪費我又舔了,都一樣好雲呢拿,好甜的……

        • 哇,啲bb咁細就飲咁甜,會唔會啲牙一長出嚟就蛀㗎⋯似乎真係要盡量餵媽媽奶,餵得幾耐得幾耐⋯我成日覺得,啲formula已經叫做formula,其實已經唔係奶﹗﹗咁化學加工嘅嘢真係唔太放心俾小b日日食呢,隻牛都要話「唔好話啲奶係我嗰度嚟⋯」~

發表迴響

你的電子郵件位址並不會被公開。 必要欄位標記為 *